Éxodo 30:23 - Bible in Tzeltal de Oxchuc y Tenejapa

²³ —Lea atuquel ta bay mero lequic te bitic bujts'an yiq'ue: waqueb me kilo mero lequil mirra, oxeb kilo canela, oxeb kilo jalal yilel te ay yiq'ue,

Bible in Tzeltal Bachajón

²³ Ya me awich' te bin mero sumet yic': ho'winic scha'bahc' (500) siclo mero lequil mirra, lajuneb yoxlajunwinic (250) siclo canela te sumet yic', lajuneb yoxlajunwinic (250) siclo jalal te sumet yic',

Éxodo 30:23 Referans Kwoze

Ezequiel 27:19

C'alal to ta Uzal ich'botat tel vino, ultesbil taq'uin, canela, te'etic te bujts'an yiq'ue, ta swenta stojol te bitic la achonbeye.

Cantares 4:14

te banti ay nardo soc azafrán, jalal bujts'an yic' soc canela, soc spisil te'etic yu'un pom, mirra soc áloe; spisil bitic mero t'ujbil sbujts' yic'.

Ezequiel 27:22

Te mach'atic la yaiy manbajel chonbajel ta Sabá soc Raama, ja'ic ajoy ta manbajel chonbajel, ya xchonbat te mero lequil perfume, mero t'ujbil tonetic soc oro.

Jeremías 6:20

Te ja'exe, ¿bistuc ya awich'bonic tel pom ta Sabá, soc te te'etic te bujts'anic yic' ta bay c'ubul lumq'uinaletic? Te jo'one ma lecuc co'tan yu'un te scojt'ol chic'bil majt'anil awu'une, ni yantic milbil majt'anil awu'un —xi' te Cajwaltique.

Cantares 1:13

Te mach'a mero mulanbil cu'une, jich c'oem cu'un te bit'il ch'in bolsa mirra, te spisil ora jipil ta jtan ta yolil xchebal jchu'.

Cantares 1:3

Buen t'ujbil sbujts' te perfumeetic awu'une; malem perfume c'oem te abiile. Ja' yu'un ya smulanat te antsetique.

Proverbios 7:17

La cac'beyix perfume, ja' te buen smeset yiq'ue: mirra, áloe soc canela.

Salmos 45:8

Spisil te ac'u'-apaq'ue yich'oj perfume, mirra, áloe soc canela; soc instrumentoetic yu'un música te ay scuerdail ya yac'bat sbujts' awo'tan ta palacioetic te ch'albil ta marfil.

Éxodo 37:29

Te Bezaleel la spas te aceite swenta ch'ultesel, soc te pom te capal soc lequil perfume. Jich la spas te bit'il mach'a ya sna' spasel perfumeetic.

Éxodo 25:6

yaceiteil sit olivo yu'un ch'in c'ajq'uetic; perfumeetic te ya yich' capel soc aceite te ya xtuun cu'un ta ch'ulteswanej soc te ya yich' capel soc pom te bujts'an yiq'ue;

Éxodo 30:22

Te Cajwaltic la sc'opon xan te Moisés, jich la yalbey:

Éxodo 30:24

soc waqueb kilo spat te' te casia sbiile. P'isbil me yalal jich bit'il albil sc'oplal ta ch'ul awilal. Soc ich'a olil xchaneb litro te yaceiteil olivo.

Éxodo 31:11

te aceite swenta ch'ultesel, soc te pom te buen bujts'an yic' te ya yich' chiq'uel ta ch'ul awilal. Ja'ic me ya spasic ta spisil jich te bit'il calojbat mandal —xi' te Cajwaltique.

Éxodo 35:28

La yich'ic tel perfume, soc aceite yu'un te c'ajq'uetic, soc te aceite te ya x'och scap ta swenta ch'ultesele, soc te pom te ay sbujts' yiq'ue.

1 Samuel 10:1

Te Samuel la stsac jun ch'in oxom aceite, la smalbey ta sjol te Saule. Te c'alal yac ta smalbeyel ta sjol a, jich la yal: —Yo'tic la awich'ix aseña yu'un Cajwaltic, swenta yu'un ya me awich'ix awat'el ta ajwalil ta stojol te lum Israel yu'une. Ja'at me ya awentainotic, soc ya me acoltayotic ta sc'ab te jcontrotic te ay ta sjoylejal. Jich me ya ana' te la yalatix ta jamal te Cajwaltic te ya x'ochat ta ajwalil ta stojol te lum yu'une:

1 Reyes 1:39

C'alal c'otic tey a, te sacerdote Sadoc la yich' te xulubil nojel ta aceite te ay ta Nailpac' Templo. Ta swenta te aceite la yac'bey yich' yat'el ta muc' ajwalil te Salomón. Ora la yoq'uesinic te xulub chije. Ta spisil yajwal lum awunic: —¡Viva muc' ajwalil Salomón! —xiic.

1 Crónicas 9:30

Ay te sacerdoteetic te ya spasic te perfumeetique.

Isaías 43:24

Ma la amanbonic tel jalal te bujts'an yic', swenta yu'un ya awich'bon tel ta majt'anil ta jtojole; soc ma la awac'bonic bayal xepuil te milbil chambalametique. Ja'uc me to, ja' nax la alubesonic yu'un te amulique; la awuts'inbonic co'tan yu'un te bila amen la apasique.

Números 4:16

Te Eleazar snich'an te sacerdote Aarón, ja' me ya swentain te aceite yu'un te ch'in c'ajq'uetic, te pom te bayal sbujts' yic', te harina ta swenta majt'aniletic cu'un te ya nix yac'ulaybonic a, soc te aceite swenta ch'ultesel. Soc ya me scanantay te Nailpac' Templo soc spisil te bitic ay yu'une —xi' te Cajwaltique.

1 Crónicas 9:29

Ay yantic ay ta swentaic te yantic biluque, te bitic ch'ulajem, te harina, te vino, te aceite, te pom soc te perfumeetique.