Éxodo 30:20 - Bible in Tzeltal de Oxchuc y Tenejapa

²⁰ Ya me spoc sbaic ochel ta Nailpac' te bay ya quich' c'oponele. Ja' ni me jich te c'alal ya xtalic ta bay scajtijib milbil jmajt'an te ya xba spas yat'el ta xchiq'uel milbil jmajt'an ta jtojol jo'on te Ajwalilone. Jich me ma xlajic.

Bible in Tzeltal Bachajón

²⁰ Te c'alal ya x'ochic ta Nahilpac' Templo yu'un tahojibal ya me x'atinic, scuenta yu'un ma xchamic a. Soc te c'alal ya xnohpojic tal ta scajtajib ta chiq'uel mahtanil ta spasel ya'tel ta schiq'uel milbil mahtanil ta stojol Jehová,

Éxodo 30:20 Referans Kwoze

Hechos 5:5

Te c'alal la yaiy stojol in to te Ananiase, laj ta ora, jawts'uj bael. Spisil te mach'atic la yaiybeyic stojol sc'oplale, bayal xiwic yu'un.

Salmos 89:7

Mero muc' Diosat, ayat ta xi'el; joytaybilat yu'un spisil bitic cuxajtic ta ch'ulchan.

1 Crónicas 13:10

Ja'uc me to, te Cajwaltic c'ajc'ub yo'tan ta stojol te Uza, te bit'il la yac' bael sc'ab ta stojol te cajón, jich la yac' lajuc.

1 Samuel 6:19

Pero te Cajwaltic ay la yac'bey lajuc te yajwal Bet-semes, scaj te la sjam yilic te cajón yu'une. Jich la yac' lajuc lajuneb xchanwinic (70) ta jtul. Te yajwal lum bayal oq'uic yu'un te bayal mach'a la yac' lajuc te Cajwaltique.

Éxodo 12:15

Juqueb me c'aal ya awe'ic waj te ma ba yich'oj levadura. Ja' to me ta sba c'aalil bael, ma me ayuc mach'a ay levadura ta sna. Mach'auc me a te ya swe' waj te yich'oj levadura ta sjuquebal c'aal, jc'axel me ya yich' loq'uesel ta atojolic.

Hechos 5:10

Te antse ora jawts'uj bael ta yacan te Pedroe, laj uuc. Te c'alal och tel te jch'iel winiquetique, lajemix la staic. Jich la sq'uechic bael. Ba smuquic ta bay nix smuquenal te smamlale.

Éxodo 30:19

Tey me ya sloq'uesic ja' a te Aarón soc te snich'nab te ya spoc sc'abic soc te yacanique.

Éxodo 30:21

Ac'a me spoc sc'abic soc yacanic swenta yu'un ma xlajic. Ja' jmandal ta sbajt'el q'uinal ta stojol Aarón soc sts'umbal ta cajalcaj bael —xi' te Cajwaltique.

Éxodo 40:31

Tey la sloq'uesic ja' a te Moisés, te Aarón soc te snich'nab, te ya spoc a te sc'abic soc te yacanique.

Levítico 8:6

Te Moisés ora la yic' tel ta stojol te Aarón soc te snich'nabe, la spoc ta ja'.

Levítico 16:4

Ja' me ya slap bael te snajt'il lino c'u' ch'ultesbile, ya me smac sbaq'uetal ta scomol wex te pasbil ta lino, soc ya me xchuc bael ta xch'ujt' te chujq'uile, soc te xpixol lino-paq'ue. Ja' in to ja' te ch'ul c'u'ile, ja' yu'un neel me ya sc'an ya spoc ta ja' te sbaq'uetal te c'alal ya slape.