Éxodo 30:18 - Bible in Tzeltal de Oxchuc y Tenejapa

¹⁸ —Pasa yawil ja' ta bronce, soc scajtijib. Ja' me ya xtuun ta swenta pocjibal. Tey me ya awac' ta yelaw te Nailpac' te bay ya quich' c'oponele, c'axel bael jtebuc ta bay scajtijib ta chiq'uel milbil jmajt'an. Nojesa ta ja'.

Bible in Tzeltal Bachajón

¹⁸ Soc ya me apas yawil ha' ta bronce soc scajtajib ta bronce te ya xtuhun yu'un te bin ya yich' poquel. Tey yac awac' ta ohlil yu'un te Nahilpac' Templo yu'un tahojibal soc te scajtajib ta chiq'uel mahtanil, soc ya me anojes ta ha'.

Éxodo 30:18 Referans Kwoze

Éxodo 40:7

Ac'a te yawil ta yelaw te Nailpac' te bay ya quich' c'oponel, c'axel bael jtebuc ta bay scajtijib ta chiq'uel te milbil jmajt'ane, nojesa ta ja'.

Éxodo 38:8

Te Bezaleel la spas ta bronce te yawil ja' soc te scajtijibe. Ja' tuun yu'un te espejo-taq'uinetic yu'un te antsetic te yac'oj sbaic ta abatinel ta yochibal te Nailpac' te bay ya yich' c'oponel te Cajwaltique.

2 Crónicas 4:2

La spas xan mero muc'ul yawil ja' ta bronce. Sepel la spas, te sp'isole chaneb metro soc lajuneb yoxwinic (50) centímetro yiloj sbaic te juju-jejch' sti'ile. Te stoylejale cheb metro soc jo'eb xcha'winic (25) centímetro. Te sjoyobal sti'il ay oxlajuneb metro soc lajuneb yoxwinic (50) centímetro.

1 Reyes 7:38

Soc la spas xan lajuneb estanqueetic ta bronce. Te jujune ay jun metro soc chanwinic (80) centímetro sjamalul, ya x'och chanwinic yoxbajc' (880) litro ja'. Ta jujun la yac'bey ta sba ta jujun te lajuneb carretaetique.

1 Reyes 7:23

Te Hiram la spas jun muc'ul estanque ta bronce yu'un yawil ja'. Sepel la spas, ay chaneb metro soc lajuneb yoxwinic (50) centímetro te sjamalul te sti'ile. Te stoyolile cheb metro soc jo'eb xcha'winic centímetro (25), te sjoylejal te sti'ile ay oxlajuneb metro soc lajuneb yoxwinic (50) centímetro.

1 Juan 1:7

Yan teme ayotic ta bay te saquil q'uinale, jich bit'il ja' saquil q'uinal stuquel te Diose, jich jun nax ayotic ta jpisiltic abi, soc jich ya spocbotic spisil jmultic ta xch'ich'el te Jesucristoe, ja' te Snich'an te Diose.

Tito 3:5

Melel te jo'otique, ma ta swentauc cat'eltic te la scoltayotique; ta swenta nax xc'uxul yo'tan te la quich'tic atintesel yu'un, la yac' cha'ayinucotic xan, soc la yac'botic quich'tic yach'il cuxlejal ta swenta te Ch'ul Espiritue.

Zacarías 13:1

“Te c'alal ya sta sc'aalelal ya me yich' jamel sloq'uibja' c'oem, swenta yu'un tey me ya xju' ya spoc a te smulic soc te sbolil yo'tanic te patil alnich'anetic yu'un David soc te mach'atic nainemic ta Jerusalén.

2 Crónicas 4:6

La spas xan lajuneb yawil ja'etic ta bronce swenta pocjibal. Jo'eb la yac' ta swa'el, soc jo'eb la yac' ta xq'uexen. Ja' la spoquic spisil tey a te majt'aniletic ya xbajt'ic ta chiq'uele. Yan te muc'ul yawil ja'e, ja' swentail te tey ya spoc sbaic a te sacerdoteetique.

Levítico 8:11

Ja' nix te aceite la stsac te Moisés, la stsijts'an juqueb buelta a te scajtijib ta chiq'uel majt'anil, soc la smalbey ta sba te scajtijib ta chiq'uel majt'anil soc ta sba ta spisil te biluquetic yu'une, soc nix ta sba te muc'ul yawil ja' soc scajtijib, swenta yu'un jich ch'ultesbil yu'un Dios ta spisil c'ot a.

Éxodo 31:9

te scajtijib ta chiq'uel scojt'ol te milbil jmajt'an soc te bitic ya xtuun yu'une, te yawil ja' soc te snactijibe,

Éxodo 30:17

Te Cajwaltic la sc'opon te Moisés, jich la yalbey:

Eclesiastés 5:1

Te c'alal ya xbaat ta templo yu'un te Diose, buen tsajtaybil me x'ainat tey a. Ma me ja'uc nax xbajt' awo'tan yaq'uel milbil majt'anil, jich te bit'il ya spasic te ants-winiquetic te ma sna'ic q'uinale, te ma ba ya sna'ic te amen te bi ya spasique. Te ja'ate, noptsajan xan me bael ta sts'eel te Diose, junuc me awo'tan xach'uunbey spisil smandal.