Éxodo 30:16 - Bible in Tzeltal de Oxchuc y Tenejapa

¹⁶ Tsobeya te plata ya yaq'uic yu'un xcuxlejalic te alumal israeletique. Ya me awac' te ya xtuun yu'un te bila ay ta pasel a te Nailpac' te bay ya quich' c'oponele. Jo'on Ajwalilon, jich me ya jna' a te israeletic, soc tey me ya jna' a te la yac' te taq'uin yu'un te xcuxlejalique —xi' te Cajwaltique.

Bible in Tzeltal Bachajón

¹⁶ Ya me awich'be te snich'nab Israel te taq'uin ya yaq'uic scuenta stojol sjelol scuxlejalic, ya me awac' yu'un te a'tel ya yich' pasel ta Nahilpac' Templo yu'un tahojibal. Ha sna'ojibal te snich'nab Israel ta stojol Jehová, scuenta stojol sjelol te acuxlejalique, xchi.

Éxodo 30:16 Referans Kwoze

Números 16:40

Ja' me sjultesibal stsa c'ot te israeletic te ma me ayuc mach'a ya xju' ya xnoptsaj ta scajtijib majt'anil ta yaq'uel pom ta stojol Cajwaltic, teme ma ja'uc sts'umbal Aarón, jich me ya xc'ot ta swenta te bila c'ot ta swenta Coré soc te sjo'taque. Spisil la yich' pasel jich bit'il yalojbey mandal Cajwaltic ta stojol Eleazar ta swenta Moisés.

Éxodo 12:14

Ja' in c'aal to ya me sc'an ya ana'ulayic, ya me apasic muc'ul q'uin jujun ja'wil, yu'un quich'jibal ta muc', jo'on te Ajwalilone. Ja' mandalil sbajt'el q'uinal te ya xc'ax ta stojol ta cajalcaj alnich'anetic.

San Lucas 22:19

Soc la stsac ta sc'ab te waje. La yalbey wocol Dios yu'un. La xet' soc la yac'bey te jnopojeletique. Jich la yal: —Ja' jbaq'uetal in to, [te ya cac' ta lajel ta awentaic. Jich me xapasulayic swenta jna'jibal awu'unic —xi'.

Éxodo 30:15

Ja' me ya yaq'uic ta jtojol yu'un te xcuxlejalique. Ma me ja'uc c'axem ta jo'eb gramo plata ya yac' te jc'ulejetic, soc ni ma ja'uc peq'uel ya yac' te me'baetique.

Éxodo 30:17

Te Cajwaltic la sc'opon te Moisés, jich la yalbey:

Números 31:54

Jich yu'un te Moisés soc te Eleazar la yich'beyic te jtsobwanejetic te oro la yich'ic tele, la yich'ic bael ta Nailpac' te bay ya yich' c'oponel te Cajwaltique, swenta yu'un jich me ya sna' a te israeletique.

2 Crónicas 24:6

Jich yu'un te muc' ajwalil la yic' tel te muc' sacerdote Joiada, jich la yalbey: —¿Bi yu'un ma'yuc sc'oplal ta awo'tan te yacuc yich'ic tel levitaetic ta Judá soc ta Jerusalén te spatanic, jich te bit'il la yal mandal Moisés te yabat Cajwaltic ta stojol spisil te israeletic te ya yac' spatanic yu'un te Nailpac' yu'un te trato? —xi' te muc' ajwalile.