Éxodo 30:15 - Bible in Tzeltal de Oxchuc y Tenejapa

¹⁵ Ja' me ya yaq'uic ta jtojol yu'un te xcuxlejalique. Ma me ja'uc c'axem ta jo'eb gramo plata ya yac' te jc'ulejetic, soc ni ma ja'uc peq'uel ya yac' te me'baetique.

Bible in Tzeltal Bachajón

¹⁵ Ma ha'uc toyol xan ya yac' te jc'ulejetic, soc ma ha'uc peq'uel xan ya yac' te pobrehetic te bin ut'il te j'ohlil siclo te c'alal yac awa'beyic smahtan te Jehová scuenta stojol sjelol te acuxlejalique.

Éxodo 30:15 Referans Kwoze

Números 31:50

La quich'tiquix tel te bitic la jtatic juju-jtul te pasbilic ta oro: staq'uinal c'abaletic soc snuc' c'abaletic, ch'ocowetic, staq'uinal chiquiniletic soc yantic bila la xch'al sbaic a, ya cac'beytic te Cajwaltic, yu'un jich me c'oem te ya jwejt'estic perdón a —xiic.

Efesios 6:9

Soc ja'ex te yajwalex te abatetique, jich nix ya sc'an ya apasic ta stojol uuc te abatetic awu'une. Ijq'uitayaic te ya axiwtesic ta tulan c'ope. Na'aic me te pajal ay Awajwalic ta ch'ulchan soque, soc ma'yuc mach'a tsabil nax yu'un te Diose.

Job 34:19

Te Dios ma yanuc sc'oplal yu'un a te mach'atic ochemic ta ajwalil, ma ja'uc toyol sc'oplal yu'un te mach'atic ay sc'ulejalique, soc ma ja'uc peq'uel sc'oplal yu'un te mach'atic ma'yuc sc'ulejalique, melel ja' la spas ta spisilic stuquel.

Levítico 17:11

Melel spisil te bitic cuxulique, ja' cuxul a te xch'ich'el ay ta sbaq'uetale. Jo'on cac'ojbeyex ta scajtijib ta chiq'uel majt'anil te xch'ich'el te chambalame, melel ja' ta swenta te ch'ich' te ya atojic a te ya xcol te acuxlejalique, melel ta swenta ch'ich' ya xtojob scolel te acuxlejale.

Éxodo 30:12

—Te c'alal ya awac' ta censo te israeletic, juju-jtul me ya yac'bonic taq'uin swenta stojol xcuxlejal ta jtojol jo'on te Ajwalilon, swenta yu'un jich me ma xlajic. Jich me ma'yuc tulan chamel swenta lajel ya xtal ta stojolic ta scaj te censoe.

Colosenses 3:25

Yan te mach'a amen te bila la spase, jich nix amen te stojol te ya x'ac'bot ta swentae. Soc ma'yuc mach'a tsabil nax yu'un te Diose.

Proverbios 22:2

Ay mach'atic jc'ulej soc ay mach'atic me'ba ta q'uinal; ta xcha'chajbal ja' la spas te Cajwaltique.

2 Samuel 21:3

Jojc'obotic yu'un te David: —¿Bi ya jpas ta awentaic? ¿Bitic lec ya ac'anic te ya jpasbeyex swenta spacol te bi amen la awich'ic pasele, te jich ya xlecub sc'oplal awu'unic a te lum yu'un te Cajwaltique? —xi' te David.

Éxodo 30:14

Spisil te mach'atic ochemic ta jun te jtab ya'wilalic baele, ya me yaq'uic taq'uin ta jtojol te Ajwalilone.

Éxodo 30:16

Tsobeya te plata ya yaq'uic yu'un xcuxlejalic te alumal israeletique. Ya me awac' te ya xtuun yu'un te bila ay ta pasel a te Nailpac' te bay ya quich' c'oponele. Jo'on Ajwalilon, jich me ya jna' a te israeletic, soc tey me ya jna' a te la yac' te taq'uin yu'un te xcuxlejalique —xi' te Cajwaltique.

Éxodo 38:26

Spisilic la yac' sbaic ta censo te mach'atic c'axem ta jtab ya'wilal, loc' olil xcha'bajc' ta jmil soc oxmil soc lajuneb swaxacwinic xcha'bajc' (603,550) ta jtul. Juju-jtul la yaq'uic jo'eb soc olil gramo plata, jich bit'il albil sc'oplal sp'isol yalal ta ch'ul awilal.

Ezequiel 45:16

“Ta apisilic te ayex ta lumq'uinal, puersa me ya awac'beyic te ajwalil yu'un Israel te majt'aniletique,