Éxodo 30:14 - Bible in Tzeltal de Oxchuc y Tenejapa

¹⁴ Spisil te mach'atic ochemic ta jun te jtab ya'wilalic baele, ya me yaq'uic taq'uin ta jtojol te Ajwalilone.

Bible in Tzeltal Bachajón

¹⁴ Spisil te mach'atic ahtaybil te jtahb ya'bilalic bahel, ya me ya'beyic te smahtan te Jehová.

Éxodo 30:14 Referans Kwoze

Números 1:20

C'alal pasbilix a te censo ta chajbalchajp sts'umbal soc ta chajbalchajp snaic, te ts'ibubilix sbiilic juju-jtul soc te yajtalul ta spisilic te jtab ja'wil baele, jich ayic: Te sts'umbal Rubén te sba snich'an Israel, loc' yajtalul waqueb yoxwinic ta jmil soc jo'winic xcha'bajc' (46,500) winiquetic te ya xju'ix yu'unic guerra.

Números 32:11

“Te mach'atic loq'uic tel ta Egipto te ayic ta jtab ya'wilalic baele, ma me x'ac'bot yilic te q'uinal te mero muc' sc'oplal calojbey te Abraham, Isaac soc Jacob, melel ma junuc yo'tanic la xch'uunbonic jc'op.

Números 26:2

—Ac'aic ta censo spisil ta chajbalchajp te israeletic te ayic ta jtab ya'wilalic baele, te ya sna'iquix guerra —xi' te Cajwaltique.

Números 14:29

Spisilic te mach'a muq'uic te ay jtab ya'wilal te ochemic ta censo te la sbolc'optayone, ya me xlajic. Te sbaq'uetalique ya xjilic ta jochol taquin q'uinal.

Números 1:3

te ayic ta jtab ja'wil bael te ya xju'ix yu'unic guerra. Najc'anbeya te sbiilic ta jun swenta soldado. Ja' me ya scoltayat te Aarón soc

Éxodo 30:13

Spisil mach'atic ochemiquix ta jun ya me yaq'uic taq'uin ta jtojol. Jo'eb me gramo yalal te plata ya yaq'uic, olil c'oem yu'un a te yalal te taq'uin albil sc'oplal ta ch'ul awilal.

Éxodo 30:15

Ja' me ya yaq'uic ta jtojol yu'un te xcuxlejalique. Ma me ja'uc c'axem ta jo'eb gramo plata ya yac' te jc'ulejetic, soc ni ma ja'uc peq'uel ya yac' te me'baetique.

Ezequiel 45:16

“Ta apisilic te ayex ta lumq'uinal, puersa me ya awac'beyic te ajwalil yu'un Israel te majt'aniletique,

Ezequiel 45:12

“Ja' nix jich te sp'isol yalale: jtab geras pajal soc jun siclo yu'un bulucheb gramo. Oxwinic (60) siclos pajal soc jun mina.