Éxodo 30:13 - Bible in Tzeltal de Oxchuc y Tenejapa

¹³ Spisil mach'atic ochemiquix ta jun ya me yaq'uic taq'uin ta jtojol. Jo'eb me gramo yalal te plata ya yaq'uic, olil c'oem yu'un a te yalal te taq'uin albil sc'oplal ta ch'ul awilal.

Bible in Tzeltal Bachajón

¹³ Spisil mach'a ahtaybilix ya me yaq'uic j'ohlil siclo, hich te bin ut'il te siclo yu'un te ch'ul awilal. Te jun siclo ha jtahb gera yalal. Te j'ohlil siclo ha smahtan te Jehová.

Éxodo 30:13 Referans Kwoze

Levítico 27:25

“Ta spisil te jayeb ya xc'ote, puersa me ja' ya yich' p'isel te siclo te jtab gera yich'oje, melel ja' sp'isol yalal yu'un te ch'ul awilal.

Números 3:47

c'anbeya spatanic, jo'sejp plata juju-jtul, jich nix te bit'il chapalix sp'isol yalal ta ch'ul awilal te bulucheb gramo yalal te juju-jsejpe.

Ezequiel 45:12

“Ja' nix jich te sp'isol yalale: jtab geras pajal soc jun siclo yu'un bulucheb gramo. Oxwinic (60) siclos pajal soc jun mina.

San Mateo 17:24

Te c'alal c'ot ta lum Capernaúm te Jesús soc te jnopojeletic yu'une, te mach'atic ya stsobic taq'uin jujun ja'wil yu'un te templo ta Jerusalén tal sc'oponic te Pedroe. Jich la yalic: —¿Ya bal yac' te maestro awu'unic te cheb dracma-taq'uin ay ta c'anel yu'un te temploe? —xiic.

Éxodo 38:26

Spisilic la yac' sbaic ta censo te mach'atic c'axem ta jtab ya'wilal, loc' olil xcha'bajc' ta jmil soc oxmil soc lajuneb swaxacwinic xcha'bajc' (603,550) ta jtul. Juju-jtul la yaq'uic jo'eb soc olil gramo plata, jich bit'il albil sc'oplal sp'isol yalal ta ch'ul awilal.

San Mateo 27:24

Te bit'il ma'yuc bi ya xju' yu'un la yil te Pilatoe, soc te bit'il bayal yac ta toyel yawic te lume, jich la sc'an tel ja' spoc sc'ab ta stojolic. Jich la yal ta spoquel te sc'abe: —Ma xju' ya jmulinbey smalel xch'ich'el in winic te toje. Ja'ex me ya amulinic atuquelic —xi'.

San Mateo 21:12

Te Jesús och bael ta templo. La sten loq'uel spisil te mach'atic yacalic ta chonbajel, manbajel tey a. La sbot'q'uinbey smesaic te jel-taq'uinetique, soc snactijib te mach'atic yacalic ta xchonel te stsumute.

Génesis 23:15

—Tatic, ya calbat: Jbajc' (400) me ta jsejp plata stojol te jq'uinale, ja'uc me to, ma'yuc swentail. Baan, muca tey a te mach'a lajem awu'une —xi'.

Éxodo 30:14

Spisil te mach'atic ochemic ta jun te jtab ya'wilalic baele, ya me yaq'uic taq'uin ta jtojol te Ajwalilone.

Éxodo 38:24

Spisil te oro te tuun ta pasel a te Nailpac' Templo, ja' te majt'anil oro la yaq'uic te lum ta stojol Cajwaltic, loc' ta spisil jteb ma loq'uemuc jmil kilo te yalale, (965 kilo soc 30 gramo), jich bit'il albil sc'oplal te sp'isol yalal ta ch'ul awilal.

Levítico 5:15

—Te mach'a ma spasemaluc yo'tan ya sle smul, teme la sta falta ta swenta bit'il la scom sba ta yaq'uel te bila ch'ultesbil cu'un jo'on te Ajwalilone, ya me xju' ya yic'bon tel jcojt' xchij te ma'yuc bila boloben ta sbaq'uetal, swenta milbil jmajt'an yu'un te falta staoje, ya me yic'bon tel ta jtojol jo'on te Ajwalilone. Te stojol te chije ya me yich' tojel ta plata, chican te bit'il ay te sp'isjibal yalal te yac ta tuunel ta ch'ul awilal ta swenta te majt'anile.

Levítico 27:3

Teme winic, jtab ya'wilal c'alal ta oxwinic (60) ya'wilale, ya me awac'bey stoj lajuneb yoxwinic (50) ta jsejp plata, chican te bila sp'isol chapbil ta ch'ul awilal.

Números 7:67

Jich nix yipal la yac' te bit'il te yantique.

Números 7:86

Soc ay lajchayeb muc'ul cucharaetic te pasbil ta oro, nojel ta pom, te lajuneb swacwinic (110) gramo jujun te yalale, jich bit'il chapal sp'isol yalal ta ch'ul awilal. Ta spisil te yalal oro ta muc'ul cucharaetic, jmil soc waclajunwinic (1,320) gramo.

2 Reyes 12:4

La sta yorail te jich la yalbey te sacerdoteetic te Joás: —Tsobaic spisil te taq'uine yu'un te smajt'an Diose te la yich'ix ich'el bael ta templo yu'un Cajwaltic, jich te bit'il ay ta swentaic yaq'uel ta juju-jtule, soc nix te spasemal yo'tanic ta juju-jtul te la yich'ic tele. C'anbeyaic te mach'atic swentainejic sq'uejel te taq'uine, swenta yu'un ya me yich' chajbanel xan ta spisil te banti chajbanel ya sc'an te templo —xi'.

Números 18:16

Te taq'uin ja' me ya yich' tojel a te junix u yayinel, jo'sejp me plata jich bit'il p'isbil yalal juju-jsejp ta ch'ul awilal, te bulucheb gramo te yalale.