Éxodo 30:12 - Bible in Tzeltal de Oxchuc y Tenejapa

¹² —Te c'alal ya awac' ta censo te israeletic, juju-jtul me ya yac'bonic taq'uin swenta stojol xcuxlejal ta jtojol jo'on te Ajwalilon, swenta yu'un jich me ma xlajic. Jich me ma'yuc tulan chamel swenta lajel ya xtal ta stojolic ta scaj te censoe.

Bible in Tzeltal Bachajón

¹² Te c'alal yac awahtay te snich'nab Israel, jujutuhl me ya ya'be Jehová te stojol sjelol scuxlejal te c'alal ya yich' ahtayel, scuenta yu'un ma ba ya xtal tulan chamel ta stojolic te c'alal yac awahtay.

Éxodo 30:12 Referans Kwoze

Números 31:50

La quich'tiquix tel te bitic la jtatic juju-jtul te pasbilic ta oro: staq'uinal c'abaletic soc snuc' c'abaletic, ch'ocowetic, staq'uinal chiquiniletic soc yantic bila la xch'al sbaic a, ya cac'beytic te Cajwaltic, yu'un jich me c'oem te ya jwejt'estic perdón a —xiic.

1 Crónicas 27:24

Te Joab jajch' ta spasel te censo, pero ma ba ju' yu'un, melel te censo la yac' tel bayal woclajel ta stojol te israeletique. Ja' swentail te ma ba chicnaj yajtalul ta bay te libro yu'un yat'el te muc' ajwalil David.

San Mateo 20:28

Jich bit'il te Nich'anile ma ja'uc talem yu'un te ay mach'a ya yabatine. Ja' talem yu'un te ya yac' sba ta abatinel, soc te ya yac' sba ta lajel swenta stojol scolel tsobol ta jtul —xi' te Jesuse.

Salmos 49:7

Pero ma'yuc mach'a ya scoltay sba ta swenta sc'ulejal; soc ni yacuc xju' ya stojic Dios yu'un ya xcol soc a te xcuxlejale.

1 Timoteo 2:6

Ja' te mach'a la yac' sba ta lajel ta smanel scolel spisil te ants-winiquetique. Jich la yich' alel ta testigo-c'op, te c'alal la sta yorail yu'un te Diose.

San Marcos 10:45

Melel jich uuc te Nich'anile, ma ja'uc talem yu'un te ay mach'a ya yabatine. Ja' talem yu'un te ya yac' sba ta abatinel soc te ya yac' sba ta lajel swenta yu'un jich ya xwejt' scolel tsobol ta jtul te ants-winiquetique —xi' te Jesuse.

Job 36:18

Ma me xawac' aba ta lo'layel ta yich'el amen majt'anil taq'uin, ma me xawac' yu'uninbat awo'tan te bayal taq'uine.

Job 33:24

te yacuc sna'bey yo'bolil sba, teme jich ya yalbey yaiy te Diose: “Coltaya ta lajel, melel la jtabeyix te scolele”, te xiuque,

2 Crónicas 24:6

Jich yu'un te muc' ajwalil la yic' tel te muc' sacerdote Joiada, jich la yalbey: —¿Bi yu'un ma'yuc sc'oplal ta awo'tan te yacuc yich'ic tel levitaetic ta Judá soc ta Jerusalén te spatanic, jich te bit'il la yal mandal Moisés te yabat Cajwaltic ta stojol spisil te israeletic te ya yac' spatanic yu'un te Nailpac' yu'un te trato? —xi' te muc' ajwalile.

1 Crónicas 21:14

Jich yu'un te Cajwaltic la sticun tel milwal chamel ta stojol Israel. Ay lajic te israeletic lajuneb xchanwinic ta jmil (70,000).

1 Crónicas 21:12

teme ja' lec te ya xtal oxeb ja'wil te wi'nale, o ja' oxeb u ya awich' tsalel yu'un te acontro te ya snutsat ta jyalel soc yat'ejibe, o ¿ja' laj bal lec te oxeb c'aal ya xtal milwal chamel ta spamal te lumq'uinal ta swenta yat'ejib te Cajwaltic soc te ch'ul abat yu'un, te ya sjin ta chamel spamal te sq'uinal Israel?” xi' sc'op te Cajwaltic. Nopa laj me awaiy ta ora yo'tic, yu'un jich me ya xc'o calbey yaiy te mach'a la sticunon tele —xi' te Gad.

Éxodo 30:11

Te Cajwaltic la sc'opon te Moisés, jich la yalbey:

Números 31:49

Jich la yalbeyic: —Jo'otic te awabatotic la cajtaytic te soldadoetic te ay ta jwentatique, ma'yuc bay ch'ayem jtuluc.

1 Crónicas 21:1

Te Satanás jajch' ta scontroinel te israeletic, la stijbey yo'tan te David te ya yac' ta censo te Israel.

1 Crónicas 21:3

Te Joab la sjac': —Te Cajwaltic ac'a yesmantes jo'winicuc (100) xan buelta te lum te bit'il ay ta ora to. ¿Yu'un bal ma abateticuc awu'un spisilic te bit'il muc' ajwalilate? ¿Bistuc te ya ac'an te censo, cajwal cu'un? ¿Bistuc ya awac'bey smulinic te jlumaltic Israele? —xi' te Joab.

2 Crónicas 24:9

Ora la spuquic bael ta spamal Judá soc ta Jerusalén te ac'a yich'ic tel spatanic ta stojol Cajwaltic, jich bit'il albotic mandal te israeletic ta jochol taquin q'uinal yu'un te Moisés te yabat Cajwaltique.