Éxodo 30:1 - Bible in Tzeltal de Oxchuc y Tenejapa

¹ “Pasbon jun scajtijib jmajt'an ta acacia, yu'un ya yich' chiq'uel pom a.

Bible in Tzeltal Bachajón

¹ Ya me apas ta acacia-te' jun scajtajib banti ya yich' chiq'uel pom.

Éxodo 30:1 Referans Kwoze

Apocalipsis 8:3

Tal yan ch'ul abat. C'o stejc'an sba ta bay sts'eel scajtijib majt'anil. Yich'oj ta sc'ab te yawil xchic'jibal pom te pasbil ta oroe. Ac'bot ta sc'ab bayal pom swenta stsac'tesjibal sc'oponel Dios yu'un te mach'atic ch'ul lum yu'un te Diose. La yac' ta sba te scajtijib majt'anil te pasbil ta oro te ay ta stojol te muc'ul nactijibale.

Levítico 4:7

Soc ya me xjaxbey jtebuc ch'ich' te xulubiletic yu'un te scajtijib ta chiq'uel pom, te ay ta jtojol ta Nailpac' te banti ya quich' c'oponele. Spisil te xch'ich'el ay to ya xjile, ya me smalbey ta yacan te scajtijib ta chiq'uel majt'anil, te ay ta stojol te yochibal Nailpac' te banti ya quich' c'oponele.

Éxodo 40:5

Ac'a te scajtijib ta chiq'uel pom ta stojol scajonil trato. Jojc'ana te pac' yu'un ta yochibal te ch'ul awilal.

2 Crónicas 26:16

Te bit'il tulan soc te yat'ele, jajch' ta stoybel sba yu'un, ja' la sta jinel a. Cheb yo'tan c'ot ta stojol te Cajwaltic Dios, melel och bael ta templo yu'un Cajwaltic ta xchiq'uel pom ta scajtijib xchic'jibal te pome.

1 Reyes 6:20

Te yutil te Mero Ch'ul Awilale, baluneb metro snajt'il, baluneb metro sjamalul, soc baluneb metro stoyolil. Ta elawal yu'un te Mero Ch'ul Awilale, te Salomón la spas jun scajtijib smajt'an Dios ta cedro, la slap' ta potsel ta oro.

Levítico 4:18

Ya me xjax ta ch'ich' te xulubiletic yu'un te scajtijib ta chiq'uel pom te ay ta jtojol ta Nailpac' te banti ya quich' c'oponele. Ta spisil te ch'ich' ya xjile, ya me smalbey ta yacan te scajtijib majt'anil, te ay ta stojol yochibal te Nailpac' te banti ya quich' c'oponele.

Éxodo 30:10

Ja' in scajtijib jmajt'an to ja' nax me cu'un jtuquel te Ajwalilone. Te Aarón jun me buelta jujun ja'wil ya yac'bey ch'ich' te xulubiletic yu'un te scajtijib jmajt'ane, ja' me xch'ich'el te milbil jmajt'an te ya yich' tael perdón yu'un a te amulique. Jun me buelta jujun ja'wil, pero spisil me ja'wil ya yich' ac'ulayel te xch'ich'el milbil jmajt'an, swenta yu'un ya ataic perdón yu'un a te amulique —xi' te Cajwaltique.

Hebreos 9:4

Ay scajtijib xchic'jibal pom tey a te pasbil ta oro, soc tey ay a te xcaxail trato pasbil ta ch'ujte' te potsbil ta oro. Tey q'uejbil ta yutil caxa te jarra te pasbil ta oro te nojel ta maná, soc te sbastón Aarón te puline, soc te cha'pejch' ton te ts'ibubil jilel tey a te tratoe.

Éxodo 30:2

Pajal me xchiquin ta xchanxujc'ul, jo'eb me yoxwinic (45) centímetro te snajt'il, soc ja' nix jich jo'eb yoxwinic (45) centímetro te sjamalule. Ja' me lajuneb yo'winic (90) centímetro stuquel te stoylejale. Te xulubiletic tey nix me ya xloc' ta pasel awu'un a.

Éxodo 35:15

te scajtijib ta chiq'uel pom ta bay ya yich' chiq'uel soc te sq'uechjibale, te aceite swenta ch'ultesel, te pom ay sbujts' yiq'ue, te smajq'uil pac' ta swenta yochibal te Nailpac' Templo,

Números 3:31

Te mach'atic pajal sbiilic ja' ay ta swentaic scanantayel te scajonil trato, te mesa, te scajtijib c'ajq'uetic, te cheb scajtijib majt'aniletic soc te bitic ch'ultesbil te ya xtuun ta yorail yich'el ta muc' Dios, te pac' te ya smac ta olilal te ch'ul awilal, soc spisil te sbiluquil te ayic ta tuuntesele.

1 Reyes 6:22

Jich la slap' ta potsel ta oro spisil te templo, soc nix te scajtijib smajt'an Dios te ja' yu'un te Mero Ch'ul Awilal.

1 Reyes 7:48

Te Salomón la sticun ta pasel ta spisil te yantic bitic tuun ta templo yu'un Cajwaltic: ja' te scajtijib ta chiq'uel pom pasbil ta oro; mesa pasbil ta oro te banti ya yich' aq'uel te ch'ul pan yu'un Cajwaltic;

1 Crónicas 6:49

Te Aarón soc te sts'umbale, ja'ic te la xchiq'uic te smajt'an Dios ta scajtijib, soc la xchiq'uic pom ta scajtijib. Jich nix la spasic spisil te abatinel ta Mero Ch'ul Awilal, soc te bit'il ya staic perdón yu'un smulic te israeletique, jich nix te bit'il yaloj mandal Moisés, te yabat Diose.

1 Crónicas 28:18

Soc la yac'bey xan jich yipal oro mero t'ujbil ta swenta spasel scajtijib ta chiq'uel te pome. Ja' nix jich la yac'bey oro ta swenta spasel te carreta, ja' te sloc'omba querubinetic te snijanej sbaic soc slich'oj xiq'uic ta sba scajonil trato yu'un te Cajwaltique.

Ezequiel 41:22

scajtijib smajt'an Dios yilel pasbil ta te'. Ay jujun metro ta juju-jejch', olil xcheb metro stoyolil. Ay xulubil ta jujun xujc'. Te yacane soc ta juju-jejch', pasbil ta te'. La yalbon te winique: —Ja' te mesa ay ta stojol Cajwaltic in to —xi'.

Éxodo 31:8

te mesa soc te bitic ya xtuun yu'une, te yawil c'ajc' te pasbil ta oro ta spisil soc te bitic ya xtuun yu'une, te scajtijib ta chiq'uel pom,

Éxodo 39:38

te xchic'jibal pom te pac'bil ta oro; te aceite swenta ch'ultesel; te pom bujts'an yic'; te pac' swenta yochibal ta Nailpac' te bay ya yich' c'oponel Dios;

Números 4:11

“Ja' nix me jich ya slimbeyic morada pac' ta sba te scajtijib majt'anil pom te pasbil ta oro. Ya me spotsic bael ta t'ujbil nujc'uletic, soc ya me yac'beyic ochel ste'el ta q'uechel baele.