Éxodo 3:22 - Bible in Tzeltal de Oxchuc y Tenejapa

²² Juju-jtul ants ya me sc'anbey te mach'a slac'oj sba soc sna, mach'auc me antsiluc a te pajal ay soque. Ac'a me sc'anbey loq'uel plata soc oro soc c'u'iletic. Ja' me ya awac'beyic sc'u'in te awal-anich'anique. Jich me ya apojbeyic loq'uel spisil te bitic ay yu'un te egipcioetique —xi' te Diose.

Bible in Tzeltal Bachajón

²² Jujutuhl ants ya sc'ambeyic te spat-xuhc, soc mach'ayuc antsil nahinem tey a ya ya'be te bintic pasbil ta plata soc ta oro, soc c'u'uletic te yac awa'beyic slapic te queremetic soc ach'ixetic awu'unic; hich yac awich'beyic te bintic ay yu'un te egipciohetique, xchi.

Éxodo 3:22 Referans Kwoze

Ezequiel 39:10

Ma me puersauc ya xloq'uic bael ta ja'maltic ta sleel si'ic, soc ma puersauc ya xba xot'ic tel ta te'tiquil, melel spisil te at'ejibaletic yu'un guerra ja' me ya xtuun yu'unic ta si'. Jich me ya yich'bey sbiluc a, te mach'atic ich'bot sbiluquic yu'un ta nameye; ya spojbey sbiluc te mach'atic pojbot sbiluquic yu'un ta nameye. Jo'on Ajwalilon, te jich caloje.

Salmos 105:37

Te Diose patil la yic' loq'uel te lum yu'un, yich'oj loq'uel oro soc plata; ta spisil ta jchajp sts'umbal Israel, ma'yuc la sta falta.

Éxodo 11:2

Jich yu'un ta ora to albeya te alumale, winicuc antsuc, te mach'a slac'oj sba sna soque, ac'a sc'anbey loq'uel oro soc plata —xi'.

Isaías 33:1

¡Ya me awil awocol jinwanej te ma ba jinbilate; ya me awil awocol j'ac'wanej ta c'abal, te ma ba ac'bilat ta c'abal te ja'ate! C'alal ya xlaj awo'tan ta jinwanej, ya me awich' jinel; c'alal ya xlaj awo'tan ta ac'wanej ta c'abale, ya me awich' aq'uel ta c'abal te ja'ate.

Proverbios 13:22

Te lequil winique ya yijq'uitaybey jilel smamatac te bila ay yu'une; yan te sc'ulejal jmulawile, ja' ya xjil ta swenta te mach'a toj yo'tane.

Génesis 15:14

Ja'uc me to, jo'on me ya cac'bey castigo te mach'atic ya smozoinwanique. Patil te ats'umbale ya me xloq'uic tel soc bayal sc'ulejalic.

Génesis 24:53

Soc la sloq'ues bayal majt'aniletic pasbil ta oro, ta plata, soc c'u'il-pac'aletic, la yac'bey te Rebeca. Soc la yac'bey buen t'ujbil majt'aniletic te xi'lele soc te sme'e.