Éxodo 3:21 - Bible in Tzeltal de Oxchuc y Tenejapa

²¹ Soc ya me cac' te ayuc sc'oplal ta yo'tanic te egipcioetic te alumale, swenta yu'un te c'alal ya xloq'uic baele, ma me jocholuc sc'abic ya xbajt'ic.

Bible in Tzeltal Bachajón

²¹ Ya cac' te lec ya xc'oht ta sitic te egipciohetic te pueblo ini, scuenta yu'un te c'alal ya xloq'uex bahel, ma ba jochol ac'abic ya xbahex.

Éxodo 3:21 Referans Kwoze

Éxodo 12:36

Te Cajwaltic la yac'bey ta yo'tanic te egipcioetic te spasemal yo'tanic ya yac'beyic bael israeletic te bila ya sc'anbeyic baele. Jich ay bayal te bila la spojbeyic loq'uel te egipcioetique.

Salmos 105:37

Te Diose patil la yic' loq'uel te lum yu'un, yich'oj loq'uel oro soc plata; ta spisil ta jchajp sts'umbal Israel, ma'yuc la sta falta.

Éxodo 11:3

Melel te Cajwaltic la yac'bey ta yo'tanic egipcioetic te ayuc sc'oplal ta yo'tanic te israeletique. Te sjo'tac ta ajwalil te faraón, jich c'oemix ta yo'tanic te ay bila bayal ya xju' yu'un te Moisés soc jich me c'oemix ta yo'tanic spisil te egipcioetique.

Proverbios 16:7

Te mach'a lec yat'el ya x'ilot yu'un Cajwaltic, ya xlamaj yo'tanic yu'un te scontrotaque.

Salmos 106:46

Asta te jtsalawetic yu'unic, la yac'bey yilic yutsil yo'tanic ta stojolic.

Génesis 39:21

Ja'uc me to, sjoinej Cajwaltic te José, c'uxtaybil yu'un tey a, soc la yac' ta c'uxtayel yu'un te jcanan-chucjibale.

Hechos 7:10

Coltayot yu'un spisil te swocol la stae, soc ac'bot sp'ijil yo'tan yu'un te bin nax me yutsil ya x'ilot yu'un te Faraone, ja' te muc' ajwalil ta Egipto, soc la yac'bey swentain spisil te bitic ay yu'un ta palacio.

Nehemías 1:11

Ya calbat wocol jiche, Cajwal, te yacuc awich'bon ta wenta te jc'ope, soc te sc'opic te abatetic awu'une te yacalic ta yalel wocol ta atojol, te ja' nax bayal sc'oplal ta yo'tanic te ya x'ich'otat xan ta muq'ue. Soc ya jc'anbat te lecuc ya xc'oon ta stojol te muc' ajwalile, soc te yacuc atijbey yo'tan, te lecuc yo'tan ta jtojole —xoon ta sc'oponel Dios.

Éxodo 12:35

La sc'anbeyic bael egipcioetic te oro soc plata soc c'u'iletic jich bit'il pasotic ta mandal yu'un Moisés.

1 Reyes 8:50

Pasbeya perdón te lum awu'un te la sta smul ta atojole, soc spisil stoybailic ta atojol. Ya me ac'uxtay te mach'atic ic'otic loq'uel ta slumalique,

Génesis 15:14

Ja'uc me to, jo'on me ya cac'bey castigo te mach'atic ya smozoinwanique. Patil te ats'umbale ya me xloq'uic tel soc bayal sc'ulejalic.

Éxodo 11:2

Jich yu'un ta ora to albeya te alumale, winicuc antsuc, te mach'a slac'oj sba sna soque, ac'a sc'anbey loq'uel oro soc plata —xi'.

Deuteronomio 15:13

Te c'alal ya aticun bael, ma me jocholuc sc'ab ya aticun bael,