Éxodo 3:20 - Bible in Tzeltal de Oxchuc y Tenejapa

²⁰ Ja'uc me to, ya me cac' ta ilel cu'el ta stojolic, ya me quejch'entes yu'un lajel te egipcioetic ta spisil ta jchajp at'eliletic ya cac'bey yil ta slumalic, jich to me ya yaq'uex loq'uel te faraón.

Bible in Tzeltal Bachajón

²⁰ Pero ya jach jc'ab, ya quehchentes te Egipto ta spisil te jchahp a'teliletic ya jpasbe tey a, hich ya yaq'uex bahel.

Éxodo 3:20 Referans Kwoze

Hechos 7:36

Te Moisés ja' nix la sloq'ues bael ta Egipto te antiguo jme'-jtatique. Soc la spas jchajp at'eliletic soc señailetic ta sq'uinal Egipto, soc ta bay Tsajal Mar, soc cha'winic (40) ja'wil ta bay muc'ul jochol taquin q'uinal.

Nehemías 9:10

Mero muc' señail soc jchajp at'eliletic la apasbey swenta scontroinel faraón, ta stojolic te abatetic yu'une, soc ta spisilic te yajwal te slum-sq'uinale, melel la ana' te peq'uel ta sitic te israeletic soc stoyoj sbaic ta stojol. Jich chicnaj te yutsil smuc'ul ac'oplal te ay ta ora in to.

Deuteronomio 6:22

Te jo'otic la quiltic te bitic jchajpic soc xiweltic sba señailetic la spas te Cajwaltic ta Egipto ta stojol te faraón soc te mach'atic ay ta sna.

Éxodo 9:15

Te lajuc cac'bat awil te cu'el ta yac'belat castigo ta tulan chamel a te ja'at soc te alumale, ma'yucatix ta q'uinal te jichuque.

Éxodo 6:6

Jich yu'un baan albeya te alumal te Jo'on Ajwalilone. Ya xba jcoltayex loq'uel ta mozoil soc spisil te at'el te tenbilex ta spasel yu'un te egipcioetique. Ya me cac' ta ilel cu'el. Ya me jcoltayex loq'uel a ta swenta te bila muc' ya yich' pasel ta stojolique.

Salmos 105:27

la yac'bey ta swentaic spasel seña yu'el, muc' soc jelawen yutsil sc'oplal bila la spasic ta sq'uinal Cam.

Éxodo 12:39

Ma ba ac'botiquix tiempo xchajbanel loq'uel swe'elic ta scaj te ora tenotic loq'uel yu'un te egipcioetique. La spaq'uic te swajic te ma ba yac'ojbey levadura, te loc' xan tel yu'unic ta Egipto.

Ezequiel 20:33

Melel jo'on te cuxul Awajwalon, ya cal ta jamal. Ta swenta yip cu'el soc ta swenta castigo yu'un quilimba, puersa me ya x'ochon ta ajwalil awu'unic.

Isaías 26:11

Cajwal, chapalix awu'un te castigo; ja'uc me to, ma sc'an sna'ic stojol. C'alal ya yilic te yip xc'uxul awo'tan ta stojol te lum awu'une, ya me xjilic ta q'uexlal yu'un. Ayuc laj bit'il ya xlajic ta c'ajq'uel yu'un sc'aal te awilimbae.

Isaías 19:22

Te Cajwaltic ya yejch'entes te yajwal Egipto, pero ta patil ya xpoxtay. Ya sujt'es yo'tanic ta stojol Cajwaltic, jich ya xna'bot yo'bolil sba soc jich ya xpoxtayotic.

Salmos 106:22

Ja' te la spas jchajp at'eliletic ta sq'uinal Cam, soc te jchajp at'eliletic ta Mar Rojo.

Salmos 105:38

Bin nax yo'tanic yu'un te egipcioetic te loq'uic bael te israeletique, melel bayal yacalic ta xi'el.

Jueces 8:16

Jich yu'un te Gedeón la stsac te ch'ixetic, ja' la yac'bey castigo a te mamaletic ta Sucot.

Jueces 6:8

jich la sticunbey jtul j'alwanej yu'un te jich c'otic ta albeyel yu'une: —Jich ya yalbeyex awaiyic te Cajwaltic te Dios awu'unic te Israelexe: “Jo'on la jloq'uesex tel ta Egipto ta bay ainex ta mozoile.

Deuteronomio 4:34

¿Ay bal dios te ba sloq'ues jchajp lum ta yolil yantic lumetic ta swenta bayal pruebaetic, señailetic, jchajp señailetic soc guerraetic, te tey la yac' ta ilel spisil yu'el a, te mero xiweltic sba te bila la spase, jich bit'il la spas ta atojolic soc ta stojol te acontroic ta Egipto te Cajwaltic te Dios cu'untique?

Éxodo 11:1

Te Cajwaltic, jich la yalbey te Moisés: —Ya to cac' tel castigo ta stojol te faraón soc te slumale, ja' to me jich ya yaq'uex loq'uel a. Ma me ja'uc nax jich ya yalbeyex, ya me stenex loq'uel soc spisil bitic ay awu'unic.

Éxodo 6:1

Te Cajwaltic la sjac': —Ta ora to ya me awil te bila ya jpasbey te faraón. Melel ja' nax me ya yaq'uex loq'uel a teme ay bila tulan ya xtal ta stojole. Stuquel me ya yal te ya yaq'uex loq'uel —xi' te Diose.

Génesis 15:14

Ja'uc me to, jo'on me ya cac'bey castigo te mach'atic ya smozoinwanique. Patil te ats'umbale ya me xloq'uic tel soc bayal sc'ulejalic.

Éxodo 4:21

Te Cajwaltic la yalbey te Moisés: —Te c'alal ya xc'oat ta Egipto, p'ijan me ta spasel te jchajp at'eliletic te la cac'batix awu'el ta spasele. Ja'uc me to, ya jtulantesbey yo'tan te faraón te ma xyac' loq'uel te israeletique.

Éxodo 13:3

Te Moisés la yalbey te lume: —Na'aic me in c'aal to, te bit'il ta swenta smuc'ul yu'el te Cajwaltic te la sloq'uesex tel ta Egipto ta bay ainex ta mozoile. Ma me xawe'ic te waj yich'oj levadura.

Éxodo 13:9

Jich me c'oem ta awo'tanic te ay smarcail ta ac'abic o ta ati'baique. Jich me ya ana'ic te ja' ya sc'an ya awalic spisil ora te mandaliletic yu'un te Cajwaltique. Melel swenta smuc'ul yu'el sc'ab te la sloq'uesotic tel ta Egipto.

Éxodo 15:6

Ja'at Cajwal, la awac' ta ilel smuc'ul awu'el, ta swenta te yip swa'el ac'ab, laj te jcontrotique.

Éxodo 15:11

Ja'at Cajwal, ma'yuc yan diosetic ya spajat. Ma'yuc yan mach'a ya spajbat awutsilal soc amuc'ul te ja'ate. ¡Jchajp nax bitic ya apas soc xiweltic sba! ¡Awu'un c'ajintayel!

Miqueas 7:15

Pasbeya yilic jchajp at'elil, jich bit'il te bi c'aalil la aloq'ues tel ta Egipto.