Éxodo 3:15 - Bible in Tzeltal de Oxchuc y Tenejapa

¹⁵ Te Dios la yalbey xan te Moisés: —Albeya xan te alumale: “Te Cajwaltic te Dios yu'un te antiguo jme'-jtatique, ja' te Dios yu'un Abraham, Isaac soc te Jacob, ja' la sticunon tel ta atojolic”, uta me. Ja' me te jbiile. Sbajt'el q'uinal ay, ma ba ya xch'ay sbajt'el q'uinal te jbiile.

Bible in Tzeltal Bachajón

¹⁵ Soc Dios hich la yalbe xan te Moisés: Hich me xawalbe te snich'nab Israel: Te Jehová te Dios yu'un ame'atatic, te Dios yu'un Abraham, Isaac, soc Jacob la sticonon tal ta atojolic, xchihan me. Ha me jbihil scuenta sbahtel q'uinal; hich ya xna'boton jba sbahtel q'uinal.

Éxodo 3:15 Referans Kwoze

Hebreos 13:8

Te Jesucristoe stalel ay, ma xyanaj stuquel. Te bit'il ay te wojeye, ja' nanix jich ta ora to, soc ta sbajt'el q'uinal.

Malaquías 3:6

“Jo'on Ajwalilon, ma'yuc bay yanajem co'tan. Jich ma ba jtup'ex ta q'uinal te sts'umbalex Jacob.

Oseas 12:5

Te Cajwaltic te Dios te Spisil ya xju' yu'une, Ajwalil te sbiile.

Miqueas 4:5

Te yantic lumetic ya xch'uunbeyic sc'op te bitic diosinbil yu'unique; yan te jo'otique ya me jch'uunbeytic sc'op te Cajwaltic te Dios cu'untique.

Éxodo 3:6

Soc la yal xan te Diose: —Jo'on Dioson yu'un te antiguo ame'-atate, Dioson yu'un Abraham, Isaac soc Jacob —xi'. Te Moisés la smac yelaw, yu'un la xi' sc'abuyel te Diose.

Isaías 9:6

Melel ayinemix jtul alal cu'untic, Dios la yac'botic jtul nich'anil, ja' te ac'bil yu'el ta mandalteswanej. Ja' me sbiilic ya xc'ot: “Jchajp nax Jtojteswanej”, “Dios te bayal yip”, “Tatil sbajt'el q'uinal”, soc “Ajwalil yu'un lamal q'uinal”.

Salmos 102:12

Yan te ja'ate, Cajwal, muc' ajwalilat sbajt'el q'uinal; ma'yuc bi ora ya xlaj ac'oplal ta na'el atuquel.

Salmos 135:13

Cajwal, sbajt'el q'uinal ayat atuquel; sbajt'el q'uinal ayat ta na'el.

Hechos 7:32

“Jo'on Dioson yu'un te antiguo ame'-atatique, jo'on Dioson yu'un te Abrahame, Dioson yu'un te Isaaque, Dioson yu'un te Jacobe”, xi' la yaiy. Te Moisés jajch' ta nijq'uel yu'un. La xi' yilel.

Deuteronomio 1:11

Te Cajwaltic te Dios yu'un te antiguo jme'-jtatic, ac'a yac' esmajanic bayal buelta xan a te bit'il ayex ta ora in to, soc ac'a yac'beyex bendición jich nix te bit'il yalojbotique.

Éxodo 4:5

La yal te Diose: —Ja' me tey ya xch'uunic a te yac'ojix sba ta ilel te Ajwalil ta atojole, ja' te Dios yu'un te antiguo ame'-atatique, te Dios yu'un Abraham, Isaac soc Jacob.

Isaías 63:12

Ja' te la yac'bey sjoin ta yutsil yu'el te Moisés, ja' te la yac'bey sq'uep sba te mar ta stojol te lum yu'une swenta yu'un ay ta na'el a ta sbajt'el q'uinal,

Salmos 72:19

Bayal me yutsil te Dios te ay yip yu'el xojobil sbajt'el q'uinal te sbiile. Ac'a nojuc ta yip yu'el xojobil spamal te lumq'uinale. Jich ac'a c'otuc ta pasel.

Salmos 72:17

Te sbiil te muc' ajwalil sbajt'eluc me q'uinal ay; jich ac'a jalajuc sc'oplal te bit'il ya xjalaj te c'aale. Ac'a c'otuc bendición ta stojolic spisil te nacionetic ta balumilal ta swenta stuquel. Ac'a me yalbeyic yutsilal spisil te nacionetic.

2 Crónicas 28:9

Ay jtul j'alwanej yu'un te Cajwaltique tey a, ja' te Oded, loc' sta ta be te soldadoetic, te c'alal yacalic ta ochel bael ta Samaria, jich la yalbey: —Te Cajwaltic Dios yu'un te antiguo jme'-jtatic cu'untic, ilin ta stojol Judá. Ja' swentail te la yac'beyex ta ac'abic te ja'exe. Ja'uc me to, la amiliquix soc sc'ajc'al awo'tanic, melel c'oemix sc'oplal c'alal ta ch'ulchan.

San Mateo 22:32

“Jo'on Dioson yu'un te Abrahame te Isaaque te Jacobe”, te xie. Te Diose, ma ja'uc Dios yu'un te mach'atic lajemique. Ja' Dios yu'un te mach'atic cuxulique —xi' te Jesuse.

Deuteronomio 4:1

“Yo'tic, israeletic, aiya me awaiyic te mandaliletic soc te bitic chapal te la cac'beyex anopique, ja' me xapasic bael spisil ora, swenta yu'un jich me ya xnainex soc ya awich'ic a te lumq'uinal te ya yac'beyex te Cajwaltic te Dios yu'un te antiguo jme'-jtatique.

Deuteronomio 1:35

“Ma me ayuc jtuluc te amen ants-winiquetic te ya xju' ya yil te lumq'uinal la calbey ya cac'bey te antiguo sme'-statique.

Hechos 3:13

Ja' te Dios yu'un Abraham, Isaac, Jacob te ja' Dios yu'un te antiguo jme'-jtatique, la yaq'uix ta ich'el ta muc' te Snich'ane, ja' te Jesús te la awaq'uic ta c'abale. Te c'alal c'an yich' coltayel yu'un te Pilatoe, te ja'exe ma la ac'anic.

Hebreos 11:16

Ja'uc me to, ja' yantayejic te slumalic te c'axem to xan ay yutsilal stuquele, ja' bi ja' te ch'ulchane. Ja' swentail te ma xq'uexaw Dios yu'un te ja' Dios yu'unique, melel xchajbanejbey muc'ul lum te ya yac'bey slumalinique.

Génesis 24:12

La sc'opon Dios te abat: —Cajwaltic, te Diosat yu'un te cajwal Abrahame, ya calbat wocol te yacuc acoltayon yo'tic soc yacuc ac'uxtaybon te cajwal Abrahame.

Éxodo 3:13

Te Moisés la sjac': —Te banti chujc'ul ya caiy ta co'tan, ja' teme ya xc'o calbey te jlumal: “Te Dios yu'un te antiguo jme'-jtatique ja' la sticunonix tel”, teme ya xc'o cute, teme ya sjojc'obonic, “¿Bi sbiil?”, teme xiique, ¿Bi ya calbey? —xi'.

Éxodo 4:1

La yal te Moisese: —Ma xch'uunbonic jc'op soc ma xyich'onic ta muc'. Ya niwan yalbonic: “Te Cajwaltic ma ba yac'oj sba ta ilel ta atojol”, ya me yutonic —xi' te Moisés.

Éxodo 6:2

Te Dios la sc'opon te Moisés, jich la yal: —JO'ON AJWALILON.

Éxodo 15:2

Ja' yu'un ya jc'ajintay te Cajwale, ja' quip soc ja' Jcoltaywanej. Ja' Dios cu'un, cajal yutsil sc'oplal, ja' Dios yu'un te jtate, muc' sc'oplal stuquel.

Éxodo 15:3

Te Cajwale mero ju'em yu'un guerra. Ajwalil te sbiile.

Salmos 30:4

Ja'ex te junajem awo'tanic ta stojol Cajwaltic, c'ajintayaic ta c'ayoj, albeyaic yutsil te xch'ul-biile.

Proverbios 18:10

Muc' sc'oplal te Cajwaltic, jich te bit'il toyol ts'ajc'; te mach'atic toj yo'tanic ya me xbajt'ic ta stojol ta sleel canantayel.

Isaías 26:8

Cajwal, jun nax co'tantic ya caiytic ta banti te be yac'ojbotic quiltic te mandaliletic awu'une. Te bila ya sc'an te co'tantic, ja' te ayat ta na'el cu'untique.

Isaías 42:8

Jo'on Ajwalilon, ja' me jbiil abi, soc ma me xju' te ya cac' yutsilalin yan te cutsilale; jo'on nax me jtuquel ya x'ich'oton ta muc', ma me ja'uc te loc'ombaetique.

Jeremías 33:2

—Jo'on Ajwalilon te la jpas balumilal, la jchajban soc tulan la jwolan ta bay yawil, jo'on ya calbat:

Daniel 2:23

Ja'at, Diosat yu'un te jme'-jtate, ya me calbat wocol soc ya me calbat yutsil ac'oplal. Melel la awac'bon sp'ijil co'tan soc awac'ojbon quip. Yo'tic la awac'bonix jna' te bila la jc'anbate; la awaq'uix jna'tic te bila bayal sc'oplal ta yo'tan te muc' ajwalile —xi' te Daniele.

1 Crónicas 16:16

ja' te trato la spas soc Abraham, ja' te bila tulan la yal ta stojol Isaac,

1 Crónicas 29:18

Cajwal, Diosat yu'un Abraham, Isaac soc Israel, ja' te antiguo jwolwanejetic cu'untique, canantaya te toyoluc me yo'tanic spisil ora ta atojol te lum awu'une, soc ac'beya sna'at ta yo'tanic spisil ora.

Salmos 30:5

Melel buelta nax stuquel te yilimbae, yan te c'uxtayel yu'une sbajt'el q'uinal ay stuquel. Teme ya x'oc'otic ta ajc'ubal, ja'uc me to, ayix yutsil q'uinal ya caiytic ta sacubel q'uinal.

Salmos 68:5

Ja' te Dios ay ta ch'ul templo yu'une, ja' stat c'oem te me'ba alaletique, ja' ya xc'opoj yu'unic te me'ba antsetique.

Salmos 102:13

Jajch'an tel, na'beya yo'bolil sba te lum Sión, melel c'ot meix sc'aalelal; yorailix te ya apasbey perdón.

Oseas 12:6

Jich yu'un, Israel, sujt'esa awo'tan ta stojol te Dios awu'une; toyoluc me awo'tan ta stojol, soc toj me x'at'ejat. Ja' ac'a smuc'ulin awo'tan te Dios awu'une.