Éxodo 3:14 - Bible in Tzeltal de Oxchuc y Tenejapa

¹⁴ La sjac' te Diose: —Albeya: “JO'ON TE JTALEL AYONE”, xi' te sbiile, uta me. Soc albeya te alumale: “TE STALEL AY, xi' te sbiile, ja' la sticunon tel ta atojolic”, uta me —xi'.

Bible in Tzeltal Bachajón

¹⁴ Dios la yalbe te Moisés: HO'ON TE JTALEL HICH AYON, xchi. Soc la yal xan: Hich me xawalbe te snich'nab Israel: ‘HO'ON AYON’ la sticonon tal ta atojolic, xchihan me, xchi.

Éxodo 3:14 Referans Kwoze

Hebreos 13:8

Te Jesucristoe stalel ay, ma xyanaj stuquel. Te bit'il ay te wojeye, ja' nanix jich ta ora to, soc ta sbajt'el q'uinal.

San Juan 8:58

La yal te Jesuse: —Jamal ya calbeyex, te c'alal ma to xchicnaj a te Abrahame, jtalel nanix ayon jtuquel a —xi'.

Apocalipsis 1:8

“Jo'on Alfaon, jo'on Omegaon; ayon ta xjajch'ibal soc ta slajibal”, xi' te Cajwaltic te Spisil ya xju' yu'une. Ja' te mach'a stalel aye, soc te ay ta namey tele, soc te mach'a jtalelixe.

Salmos 90:2

Te c'alal ma to ayuc a te witstiquil, te c'alal ma to ayuc a te lumq'uinal soc spisil bitic ay, c'alal to ta mero namey soc ja' to c'alal ta patil bael, ja'at atalel Diosat atuquel.

Isaías 44:6

Te Cajwaltic, ja' te muc' ajwalil soc J'ac'wanej ta libre yu'un Israel. Te Cajwaltic te Spisil ya xju' yu'une, ya yal: —Jo'on ayon ta sbabial soc ta slajibal; ma me ayuc yan dios jich te bit'ilone.

Apocalipsis 1:4

Jo'on Juanon te ya jpatbeyex awo'tanic ja'ex te jucchajp jch'uunjelex te ayex ta sq'uinal Asia. Ac'a yac'beyex bayal yutsil yo'tan, soc lamaluc me q'uinal ya awaiyic yu'un te mach'a stalel aye, te ay ta namey tele, soc te mach'a talelixe, soc uuc te juqueb espirituetic te ayic ta yelaw te muc'ul nactijibale,

Apocalipsis 1:17

Te c'alal la quile, t'uxajon coel ta yacan. Jich c'oon te bit'il animae. Ja'uc me to, la scajanbon swa'el sc'ab ta jol. Jich la yalbon: —Ma me xiwat. Jo'on ayon ta xjajch'ibal soc ta slajibal.

Éxodo 6:3

Cac'oj jba ta ilel ta stojol Abraham, Isaac soc Jacob. Soc la cac'bey sna' te jbiile: “Dios te Spisil ya xju' yu'une”, xi' te jbiile. Ja'uc me to, ma ja'uc la cac' ta na'el te mero jbiile: “Jo'on Ajwalilon”, te xie.

Apocalipsis 4:8

Ta xchanebal te bitic cuxajtique ay waqueb xiq'uic te juju-jcojt'e. Nojel ta sitic te yutil xiq'uique soc te spat xiq'uique. C'aal ajc'ubal ma xquejch'ajic ta yalel: “Ch'ul Dios, ch'ul Dios, ch'ul Dios. Ja' te Cajwaltic Dios te Spisil ya xju' yu'une, ja' te mach'a ay ta namey tele, soc te mach'a stalel aye, soc te mach'a jtalelixe”, xiic.

2 Corintios 1:20

Ja'uc me to, ta swenta Cristo ya xju' ta pasel spisil te bila yaloj te Diose. Ja' swentail te “Jichuc”, xootic ta swenta Cristo Jesús te c'alal ya calbeytic wocol te Diose.

San Juan 8:28

Ja' swentail te jich caj yalbey yaiyique: —Te c'alal ya ajijp'anic te Nich'anile, tey me ya ana'ic stojol te mach'aon a te jo'one. Soc ya me ana'ic te ma jtuquel-o'tanuc nax te bila ya jpase. Ja' nax ya cal stuquel te bila yac'ojbon jnop te Jtate.

San Mateo 28:20

P'ijubtesaic te ya yat'elinic spasel spisil te jmandal calojbeyexe. Ma me xch'ay ta awo'tanic te joinejex spisil ora ja' to c'alal ta slajibal te balumilale —xi' te Jesuse. Jichuc.

Salmos 68:4

C'ajintayaic te Diose, albeyaic sbiil ta c'ayojetic; albeyaic yutsil sc'oplal te mach'a cajal ta tocal te yac ta beele. ¡Binuc nax me awo'tanic yu'un te Cajwaltique! ¡Binuc nax me awo'tanic ta stojol!

San Mateo 18:20

Melel te banti stsoboj sbaic cha'oxtul ta swenta te jbiile, tey ayon a ta bay yolilic —xi' te Jesuse.

Job 11:7

“¿Ya bal acuy te ya xju' ya x'ochat a te bitic muquen ay ta yo'tan te Diose, te ya xju' awu'un stael ta na'el smuc'ul te Mach'a Spisil ya xju' yu'une?

San Juan 8:24

Ja' swentail te la calbeyex te acuchoj amul ya xlajexe. Teme ma x'ac'an ach'uunic te jtalel ayone, acuchoj amulic ya xlajex —xi'.

Éxodo 3:13

Te Moisés la sjac': —Te banti chujc'ul ya caiy ta co'tan, ja' teme ya xc'o calbey te jlumal: “Te Dios yu'un te antiguo jme'-jtatique ja' la sticunonix tel”, teme ya xc'o cute, teme ya sjojc'obonic, “¿Bi sbiil?”, teme xiique, ¿Bi ya calbey? —xi'.

Éxodo 6:2

Te Dios la sc'opon te Moisés, jich la yal: —JO'ON AJWALILON.

Éxodo 23:21

Ma me q'uejeluc xawac' aba ta stojol. Ch'uunbeya sc'op, ma me toybaucat ta stojol, melel ja' me ya x'at'ej ta jwenta, soc ma xju' ya spasbeyex perdón yu'un te amulique.

Éxodo 15:3

Te Cajwale mero ju'em yu'un guerra. Ajwalil te sbiile.

Isaías 42:8

Jo'on Ajwalilon, ja' me jbiil abi, soc ma me xju' te ya cac' yutsilalin yan te cutsilale; jo'on nax me jtuquel ya x'ich'oton ta muc', ma me ja'uc te loc'ombaetique.