Éxodo 3:13 - Bible in Tzeltal de Oxchuc y Tenejapa

¹³ Te Moisés la sjac': —Te banti chujc'ul ya caiy ta co'tan, ja' teme ya xc'o calbey te jlumal: “Te Dios yu'un te antiguo jme'-jtatique ja' la sticunonix tel”, teme ya xc'o cute, teme ya sjojc'obonic, “¿Bi sbiil?”, teme xiique, ¿Bi ya calbey? —xi'.

Bible in Tzeltal Bachajón

¹³ Te Moisés hich la yalbe te Diose: Teme ya xc'oht calbe te snich'nab Israel: Te Dios yu'un te antiguo ame'atatic la sticononix tal ta atojolic, teme xchihone, teme ya sjoc'obonic: ¿Bin sbihil? teme xchihique, ¿bin ya calbe? xchi.

Éxodo 3:13 Referans Kwoze

Isaías 9:6

Melel ayinemix jtul alal cu'untic, Dios la yac'botic jtul nich'anil, ja' te ac'bil yu'el ta mandalteswanej. Ja' me sbiilic ya xc'ot: “Jchajp nax Jtojteswanej”, “Dios te bayal yip”, “Tatil sbajt'el q'uinal”, soc “Ajwalil yu'un lamal q'uinal”.

San Mateo 1:21

Ya me x'ayin squerem-al. Jesús sbiil ya xc'ot awu'un te yale. Jich ay te sbiile, yu'un ya me scoltay ta lajel yu'un smulic te lum yu'une —xi' te ch'ul abate.

Jeremías 23:6

Ta yorail te ay ta at'el ta muc' ajwalile, te Judá ya me xcol; jich nix te Israel, jun nax me yo'tan ta q'uinal. Ja' me sbiil ya awalbeyic in to: “Cajwaltic te toj ya yaiy tsalaw cu'untique” xaex me ta yalel —xi'.

Isaías 7:14

Jich yu'un, ja' nix me te Cajwaltic te ya yac'beyex awilic señail: Te ach'ixe yic'ojix yal, ya me x'ayin jtul squerem-al, Emanuel, sbiil ya xc'ot yu'un.

Proverbios 30:4

¿Mach'a moem soc coem tel ta ch'ulchan? ¿Mach'a ya xju' yu'un scomel te ic' ya stsac ta sc'abe? ¿Mach'a ya spots ta snajt'il c'u' te mare? ¿Mach'a la xchajban ta bay c'oem sti'il te balumilale? Ma me xawalbon te ya ana'bey sbiil soc sbiil te snich'ane.

Éxodo 3:14

La sjac' te Diose: —Albeya: “JO'ON TE JTALEL AYONE”, xi' te sbiile, uta me. Soc albeya te alumale: “TE STALEL AY, xi' te sbiile, ja' la sticunon tel ta atojolic”, uta me —xi'.

Génesis 32:29

Te Jacob la sjojc'obey: —¿Ja'xanat, bi abiil? —la yut. —¿Bi yu'un ya ac'anbon jbiil? —xi' te winique, soc tey la yac'bey bendición a.

San Mateo 1:23

“Ay me jtul tec'tojom ach'ix te ya yic' alale. Ya x'ayin squerem-al, Emanuel ya xc'ot te sbiile”, te xie. Te bit'il Emanuel xi' te sbiile, “Sjoinejotic te Diose”, xi' c'oem.

Jueces 13:17

Jich yu'un te Manoa la yalbey te ch'ul abat: —Albotic caiytic te bi abiil, swenta yu'un jich me ya jna'ticat a te c'alal ya xc'ot ta pasel te bi awalojbotique —xi'.

Jueces 13:6

Te ants ba yalbey te smamlal: —Ay jtul winic yu'un Dios tal ta jtojol. Bayal la yac'bon xiwuc co'tan, ja' nix yilel te ch'ul abat yu'un te Cajwaltique. Ma la jojc'obey mach'a a, soc ma la yalbon.

Éxodo 15:3

Te Cajwale mero ju'em yu'un guerra. Ajwalil te sbiile.

Hechos 3:13

Ja' te Dios yu'un Abraham, Isaac, Jacob te ja' Dios yu'un te antiguo jme'-jtatique, la yaq'uix ta ich'el ta muc' te Snich'ane, ja' te Jesús te la awaq'uic ta c'abale. Te c'alal c'an yich' coltayel yu'un te Pilatoe, te ja'exe ma la ac'anic.

Éxodo 3:12

La sjac' te Diose: —Ya me joinat te bit'il jo'on ya jticunate. Jich me ya ana' stojol a, te c'alal loq'uix tel ta Egipto awu'un a te lum cu'une, apisilic li' me ya xtal aquejan abaic ta jtojol ta bay wits to —xi'.

Éxodo 3:15

Te Dios la yalbey xan te Moisés: —Albeya xan te alumale: “Te Cajwaltic te Dios yu'un te antiguo jme'-jtatique, ja' te Dios yu'un Abraham, Isaac soc te Jacob, ja' la sticunon tel ta atojolic”, uta me. Ja' me te jbiile. Sbajt'el q'uinal ay, ma ba ya xch'ay sbajt'el q'uinal te jbiile.

Éxodo 7:16

Albeya jajch'el: “Te Cajwaltic te Dios cu'untic jo'otic te israelotique, la sticunon tel yu'un ya calbat te bila ya sc'an yo'tan stuquele. Jich la yal: ‘Ya me awac' loq'uel te lum cu'une, swenta me yu'un ya xba yich'onic ta muc' ta muc'ul jochol taquin q'uinal’, xi' te Diose. Ja'uc me to, ma x'ac'an awich'bey ta muc' te sc'ope.

Isaías 52:6

Ja'uc me to, ya me sta sc'aalelal te ya sna'bonic jba te lum cu'une; ya me sna' te jo'on te yacon ta sc'oponele, jo'on te Yajwalone —xi'.