Éxodo 29:9 - Bible in Tzeltal de Oxchuc y Tenejapa

⁹ Te Aarón soc snich'nab ya me achucbey xch'ujt'ic, soc ya me awac'bey sbejch'il pac' ta sjolic. Jich me ya awac'bey yich' yat'elic ta sacerdoteil. Ja' me jmandal sbajt'el q'uinal.

Bible in Tzeltal Bachajón

⁹ Ya me achucbe sch'uhtic te Aarón soc snich'nab, soc ya me axojticlambe ta sjolic te spixjol pac'; hich ay ya'telic ta sacerdotehil te ma xlaj sc'oblal. Hich me yac awa'be yich' ya'telic te Aarón soc te snich'nabe.

Éxodo 29:9 Referans Kwoze

Números 18:7

Ja'at nax me atuquel soc anich'nab te ya xju' ya apasic te at'el ta sacerdoteil ta bay scajtijib majt'anil, soc biluc ya xjajch' ta pasel ta yutil te paq'ue. Te at'el ja'ex ay ta awentaic, melel jo'on cac'ojbeyex ta awentaic te at'el ta sacerdoteile. Teme ay mach'a ya x'at'ej ta sacerdoteil te ma'yuc ta swenta, ya me yich' castigo ta milel —xi' te Cajwaltique.

Deuteronomio 18:5

Melel ja' nix tsabilic yu'un te Cajwaltic te Dios cu'untic ta yolil te chajbalchajp sts'umbal Israel, yu'un ya xc'ot ta swentaic soc yal-snich'nabic ta cajalcaj, te ya swentainic te at'el ta templo ta swenta yich'el ta muc' te Cajwaltique.

Números 25:13

ja' me te ya cac'bey ta swenta soc sts'umbal te at'el ta sacerdoteil ta sbajt'el q'uinal. Melel bayal jc'oplal ta yo'tan, jich la stabey perdón te israeletic —xi' te Cajwaltique.

Números 16:40

Ja' me sjultesibal stsa c'ot te israeletic te ma me ayuc mach'a ya xju' ya xnoptsaj ta scajtijib majt'anil ta yaq'uel pom ta stojol Cajwaltic, teme ma ja'uc sts'umbal Aarón, jich me ya xc'ot ta swenta te bila c'ot ta swenta Coré soc te sjo'taque. Spisil la yich' pasel jich bit'il yalojbey mandal Cajwaltic ta stojol Eleazar ta swenta Moisés.

Números 16:35

Te Cajwaltic la to sticun tel c'ajc' ta smilel te lajuneb yoxlajunwinic (250) te la yaq'uic te pome.

Números 16:10

Te Cajwaltic sc'anoj yo'tan te ja'at soc te yantic te pajal sts'umbalex Leví, te nopol ayex ta stojol atuquelic. ¿Bit'il ay a ta ora yo'tic te ya abic'tal-o'tantaybey yat'el te sacerdoteetique?

Números 3:10

Ja' nax me ya spasic yat'el ta sacerdoteil te Aarón soc te sts'umbale. Teme ay mach'a jich nax ya scuy sba ta sacerdote ta spasel te at'el, ya me yil swocol ta milel yu'un —xi' te Cajwaltique.

Levítico 8:33

soc ma me q'uejeluc ya xbajt'ic ta stojol te yochibal Nailpac' te banti ya yich' c'oponel te Cajwaltique, juqueb me c'aal jich ya apasic, melel juqueb me c'aal te ch'ultesbilexe.

Éxodo 40:15

Balanbeya aceite ta sjolic, jich bit'il ya apasbey te Aarón swenta yu'un sacerdoteetic me ya xc'ot cu'un. Te bit'il jich ya yich'ic ac'beyel aceite ta sjolic, ja' me te jich ma xch'ay te at'el sbajt'el q'uinal te ay sacerdoteetic cu'une —xi' te Cajwaltique.

Hebreos 5:10

Melel Dios ac'bot yich' yat'el yu'un ta Muc' Sacerdoteil te pajal sc'oplal soc te Melquisedeque.

Éxodo 32:29

Jich te Moisés la yal: —Yo'tic la awich'ix awat'elic ta stojol te Cajwaltic, yu'un ma'yuc sc'oplal c'ot ta awo'tanic teme anich'nabic soc teme awermanotaque. Jich yu'un yo'tic ay me bendición ta atojolic yu'un te Cajwaltique —xi'.

Éxodo 28:1

“Ayuc me ta ats'eel spisil ora te Aarón soc te snich'nab, ja' te Nadab, Abiú, Eleazar soc Itamar, yu'un sacerdoteetic ya xc'ot cu'un ta yolil te israeletique.

Éxodo 27:21

Te Aarón soc te snich'nab ja' me ya swentainic xchajbanel te c'ajq'uetique. Ya me stilesic sjunal ajc'ubal ta jtojol jo'on te Ajwalilon, ta Nailpac' te bay ya quich' c'oponele. Ja' me ta spat te pac' smacoj scajonil te tratoe. Ja' jmandal ta sbajt'el q'uinal ta stojol te israeletic soc te sts'umbalique.

Levítico 8:1

Te Cajwaltic la sc'opon te Moisés, jich la yalbey:

Levítico 8:13

Ja' nix jich la yic' tel ta stojol te snich'nab Aarón. La yac'bey slapic najt'il c'u'iletic, la xchucbey ta xchujq'uil, soc la yac'bey ta sjolic te xpixol paq'uique. Mero jich nix la spas te bit'il albot yu'un te Cajwaltique.

1 Samuel 2:30

Te bit'il jich yaloj te Cajwaltic, te Dios cu'untic te israelotic, te ya apasbey yat'el spisil ora ja'at soc te mach'atic ay awu'une, yo'tic ya yal ta jamal: “Ma'yuc bi ora jich ya xc'otix ta pasel. Te mach'a ya yich'on ta muq'ue, ya me quich' ta wenta; te mach'a ma'yuc jc'oplal ta yo'tan, jc'axel ma'yuc swentail ya xc'ot cu'un. Jo'on Ajwalilon jich caloj.

Jueces 17:5

Te Micaía ay jtsal na yu'un ta bay ya squejan sba ta stojol te dios yu'une. La spas jun efod soc yajcanan yu'un sna. Ja' la yac' ta sacerdote te jtul snich'ane.