Éxodo 29:45 - Bible in Tzeltal de Oxchuc y Tenejapa

⁴⁵ Tey me ya x'ainon ta yolilic te israeletic, jo'on me Dioson yu'unic.

Bible in Tzeltal Bachajón

⁴⁵ Ya xnahinon ta yohlil te snich'nab Israel, soc ho'on Dioson yu'unic ya xc'ohon.

Éxodo 29:45 Referans Kwoze

Levítico 26:12

Spisil me ora ya xbeenon ta awolilic; jo'on me te Dioson awu'unique, ja'ex me te lumex cu'une.

2 Corintios 6:16

¿Ya bal snujp'in sba te ya x'ain loc'ombaetic ta bay te templo yu'un te Diose? Melel ja'ex temploex yu'un te cuxul Diose, jich te bit'il la yal te Diose: “Ya me xnainon ta yolilic, tey me ya xbeenon a. Jo'on Dioson yu'unic soc lum cu'un ya me xc'otic”, te xie.

Éxodo 25:8

Ya me apasbonic ch'ul awilal, yu'un tey me ya x'ainon ta awolilic.

Apocalipsis 21:3

Soc la caiy stojol te ay mach'a tulan c'opoj tel ta ch'ulchan te jich la yale: “Aiya awaiy stojol, Dios nainemix ta yolil te ants-winiquetique. Ayix sna ta yolilic. Ja' me lum yu'un Dios ya xc'otic, soc ja' nix Dios ya xc'ot yu'unic te Diose.

Zacarías 2:10

Te Cajwaltic tulan ya yal: —Ja'ex yajwalex Jerusalén, c'ajinanic ta swenta yutsil q'uinal awaiyic, melel ya me xtalon ta nainel ta awolilic —xi'.

San Juan 14:17

ja' bi, ja' te Espíritu te ya yac' ta na'el te smelelil c'ope. Jich yu'un te mach'atic ayic ta swenta te balumilale, ma xju' ya yic' ta yo'tanic, yu'un ma chicanuc ya yilic soc ma sna'beyic sba. Yan te ja'exe ya ana'beyic sba, yu'un ya sjoinex soc ya me x'ain ta awo'tanic spisil ora.

San Juan 14:23

La yal te Jesuse: —Te mach'a c'uxon ta yo'tane, ya xch'uunbon te jc'ope soc c'ux ya x'aiyot yu'un te Jtate. Soc ya me xtal join spisil ora soc te Jtate.

Salmos 68:18

Dios cu'un, moat bael, ta mero toyol la awic' bael ta chuquel te jchuqueletique; la awich'bey spatan te ants-winiquetique, soc te mach'atic stoyoj sbaic la yac' sbaic ta atojol, Cajwal.

Éxodo 15:17

Ja'at Cajwal, ic'awotic bael, ac'a ainucotic ta ch'ul wits awu'un, te la atsa ta bay ya xnainate, ta ch'ul awilal te la awac' ipajuque.

Efesios 2:22

Jich ta swenta nax Cristo te pajal yacalex ta ts'ajc'uyel soc te yantique, swenta yu'un ya xnain tey a te Dios ta swenta te Espíritu yu'une.

San Juan 14:20

Te bi c'aalil te ya xc'ot ta pasele, ya me ana'ic te ayon ta stojol te Jtate, soc te ja'exe, ayex ta jtojol, soc ayon ta atojolic uuc.

Génesis 17:8

Ya cac'bat aq'uinalin soc jayeb ats'umbal te q'uinal ta bay beenemate, ja' spamal sq'uinal te Canaán, awu'un ya xc'ot soc ats'umbal ta sbajt'el q'uinal, soc Dioson awu'unic ya xc'oon —xi'.

Éxodo 6:7

Ja' mero lum ya xc'oex cu'un, te jo'one ja' me Dioson awu'unic. Jich me ya ana'ic te jo'on Ajwalilon te Dioson awu'unique, te la jcoltayex loq'uel ta tulan at'el te tenbilex ta spasel yu'un te egipcioetique.

Éxodo 29:44

Ch'ultesbil me cu'un te Nailpac' te bay ya quich' c'oponel, soc te scajtijib ta chiq'uel milbil jmajt'ane. Ch'ultesbil me cu'un Aarón soc snich'nab te ya cabatin ta sacerdoteile.

Levítico 26:11

“Jo'on me ya xnainon ta awolilic, ma ba ya jch'ayex ta co'tan.

Números 5:3

Ac'a sloq'uesic bael ta campamento teme winiquetic o teme antsetic. Jich me lec sc'oplal ya xjil a te campamento ta bay nainemon ta yolilique —xi' te Cajwaltique.

Deuteronomio 7:21

Ja' yu'un ma me xnijq'uex yu'un xiwel ta stojolic, melel sjoinejex te Cajwaltic te Dios cu'untique. Ja' muc' Dios stuquel te ay ta xi'ele.

Deuteronomio 12:11

ja' meix yorail a te ya stsa jun yawil sbiil te Cajwaltic te Dios cu'untique. Jich me ya awac'beyiquix spisil a te bi la calbeyex te ya awac'beyique: ja' te milbil chambalametic te ya yich' chiq'uel ta swenta yich'el ta muc' awu'unique, te jun ta slajunebal abiluc, soc abiluquic swenta patanil awu'unic, soc spisil te bitic buen t'ujbil tsabil te jc'axel awalojic ta stojol te Cajwaltique.

1 Reyes 6:13

Ja' te ya me x'ainon ta yolil te israeletic, soc ma ba ya jpijt'es te Israel te lum cu'une —xi'.

Salmos 114:2

ja' templo yu'un Cajwaltic c'ot te Judá, soc och ta ajwalil yu'un Israel te Cajwaltique.

Jeremías 14:9

¿Bi yu'un jichat te bit'il jtul winic te jajch'ix xiwel ta yo'tane? ¿Bi yu'un jichat te bit'il jtul soldado te ma xju' yu'un coltaywaneje? Ja'uc me to, Cajwal, ayat ta coliltic; spisilic ya sna'ic te jo'otic lumotic awu'une. Ma me xapijt'esotic —xiic.

Daniel 2:11

Mero chujc'ul, ma'yuc mach'a ya xju' yu'un jtuluc te ya yalbate, muc' ajwalil cu'untic, ja' nax stuquel te diosetique, pero te diosetic ma ba sjoinejic te winiquetique —xiic.

Hageo 2:5

Jich te bit'il la calbeyex te c'alal loq'uex tel ta Egipto, te ja' ya sjoinex te espíritu cu'une. Ma me xiwex jiche.

Números 16:3

Spisilic la stsob sbaic, la situyic ta c'op te Moisés soc te Aarón, jich la yalbeyic: —Tiq'uexix a te muc' ac'oplalic te ja'exe, melel spisil lum ch'ultesbil yu'un te Diose. Te Cajwaltic ayix ta coliltic ta jpisiltic. ¿Bi yu'un te c'ax muc' ya awac' abaic soc awat'elic ta stojol te lum yu'un te Cajwaltique? —xiic.

Números 35:34

“Ma me xaboltesbeyic sc'oplal te q'uinal ta bay ya x'ainex soc te bay ya x'ainon uuque, melel jo'on te Ajwalilon te ya x'ainon ta awolilic ja'ex te israelexe —xi' te Cajwaltique.

2 Crónicas 6:18

“Ja'uc me to, ¿melel bal te ya xju' te ya ajoin ta nainel ta balumilal te ants-winiquetique? Melel ma x'ochat ta ch'ulchan soc spisil te amuc'ule. ¿Ja'uc to bal c'an ochan a te templo jpasojbate?

Ezequiel 34:24

Jo'on Ajwalilon, jo'on Dioson yu'unic. Te cabat David, ja' me jwentainwanej yu'unic stuquel. Jo'on Ajwalilon te jich caloje.

Ezequiel 43:7

jich la yal: —Ja' yawil jmuc'ul jnactijib in to, ja' yawil te banti ya cac' cacan. Li' me ya xnainon ta yolil israeletic sbajt'el q'uinal. Ni ja'uquic soc te muc' ajwaliletic yu'unic te ya xju' ya sboltesbonic sc'oplal te jch'ul-biile, ta scaj te ma junuc yo'tanic ya yac' sbaic ta jtojole. Ma me ba ya spasbeyiquix sna'jibal ts'ajc'ul te muc' ajwaliletic yu'un te c'alal lajemiquix ae,

Ezequiel 43:9

Ac'a xch'aybonic loq'uel ta jtojol yo'tic te xch'uunel te lotil diosetic, soc xch'uunel sts'ajc'ul smuquenal te muc' ajwaliletic yu'unique, jich me ya xnainon ta yolilic ta sbajt'el q'uinal.

Zacarías 8:3

Ya me xcha'sujt'on xan bael ta nainel ta Jerusalén, tey me ya xnainon a. Ja' yu'un te Jerusalén, “Lum-Jun-Yo'tan”, xi' me sbiil ya xc'ot. Te wits yu'un Cajwaltic te Spisil ya xju' yu'une, “Ch'ul Wits” me sbiil ya xc'ot.