Éxodo 29:43 - Bible in Tzeltal de Oxchuc y Tenejapa

⁴³ Tey me ya jta jba soc a te israeletique. Ch'ultesbil me cu'un ya xc'ot te bay ya jta jba soque.

Bible in Tzeltal Bachajón

⁴³ Tey ya jtsob jba soc a te snich'nab Israel; ch'ultesbil ya xc'oht te lugar ta scuenta te cutsilal.

Éxodo 29:43 Referans Kwoze

1 Reyes 8:11

Ta scaj te tocale, ma ba ju'ix yu'unic at'el ta sc'oponel Dios tey a te sacerdoteetic, melel te Cajwaltic la snojes ta xojobil yutsilal te templo yu'une.

Malaquías 3:1

Te Cajwaltic te Spisil ya xju' yu'un ya yal: —Ya me jticun tel j'alwanej cu'un swenta yu'un ya xchajbanbon jbe. Te Ajwalil te yacalex ta sleel te ja'exe, ora me ya x'ochix bael ta templo yu'un. Julelix tel te j'alwanej yu'un te tratoe, ja' te mach'a maliybil awu'unique —xi' te Cajwaltique.

Ezequiel 43:5

Te yip yu'el Dios, la slicon jajch'el, la yic'on bael ta amac' ta yutil, nojel ta xojobil yutsilal Dios la quil te mero temploe.

2 Crónicas 5:14

Ta scaj te tocale, ma ju'ix yu'unic te sacerdoteetic te ya x'ainic tey a ta yalel wocol, melel te yutsilal xojobil te Cajwaltique noj ta templo.

Éxodo 40:34

tal ta muquel ta tocal te Nailpac' te bay ya yich' c'oponel te Diose. Te yutsil xojobil te Cajwaltic noj yu'un te ch'ul awilale.

1 Juan 3:2

Ja'ex quermanotac te c'uxex ta co'tane, yal-snich'anotiquix te Diose. Ma to xnabaj te bi quileltic ya xc'ootique. Ja'uc me to, jna'ojtic stojol te pajal quileltic soc ya xc'ootic te Jesucristo te c'alal ya xchicnaj tele, melel stelemal ya quilbeytic sit.

2 Corintios 4:6

Melel ja' la yal stuquel te Diose, te ya sacubuc q'uinal ta bay te ijc' q'uinale. Soc ja' nix te la yac' sacubuc q'uinal ta bay te co'tantique, swenta yu'un jich me ya jna'beytic sba a te yutsilal te Diose, te chican ta ilel ta sit yelaw te Jesucristoe.

2 Corintios 3:18

Jich yu'un te jo'otique, lemen xojobil yutsilal Cajwaltic ta jsit quelawtic, jich te bit'il espejo, yu'un ma ba macalix jsitic ta pac'. Jich yanyanotic ta c'atp'ujel ta swenta te pajal quileltic ya xc'ootic soc te yutsilale. Ja' yat'el te Espíritu yu'un te Cajwaltic te ya x'at'ej ta co'tantic.

Isaías 60:1

Jajch'an, Jerusalén, xojobajan, melel julix tel te luz awu'un; ya xojobajix yutsilal Cajwaltic ta atojol.

Éxodo 25:22

Tey me ya jta jbajtic ta c'op ta sba te smajq'uil sti' ta yolil te cheb querubinetic te ay ta sba scajonil te trato. Tey me ya cac'bat ana' spisil a te bila mandal ya calbat yu'un te israeletique.

Éxodo 29:42

Te chic'bil jmajt'an ta swenta quich'jibal ta muq'ue, ja' me ya yaq'uic ta cajalcaj bael te awal-anich'anic ta spisil ora ta jtojol ta yochibal Nailpac' te bay ya quich' c'oponele, melel tey ya jta jbajtic ta c'op a.

Éxodo 29:44

Ch'ultesbil me cu'un te Nailpac' te bay ya quich' c'oponel, soc te scajtijib ta chiq'uel milbil jmajt'ane. Ch'ultesbil me cu'un Aarón soc snich'nab te ya cabatin ta sacerdoteile.

Levítico 9:4

soc xan jcojt' wacax soc jcojt' tat chij swenta yu'un ya yich' milel smajt'anin te Cajwaltic swenta te lamal-o'tanile. Ac'a me yich'ic tel soc majt'anil harina, wots'bil me soc aceite, melel ya me xtal ta atojolic yo'tic te Cajwaltique —xi' te Moisese.

Éxodo 40:35

Te Moisés ma ju'ix te ya x'och bael ta Nailpac' te bay ya yich' c'oponel te Diose, melel te tocal jul ta lich'ajel ta sba, soc te yutsil xojobil te Cajwaltic noj yu'un te ch'ul awilale.

Levítico 9:6

Te Moisés jich la yal: —Ja' te bila yaloj Cajwaltic, pasaic, jich me ya yac' sba ta ilel ta atojolic soc smuc'ul yutsil xojobil —xi'.

2 Crónicas 5:13

Ta spisilic jun nax la yac' sbaic ta yoq'uesinel te oq'uesetique, soc ta c'ayoj ta yalel yutsil sc'oplal soc ta yalel wocol ta stojol te Cajwaltique. Yacalic ta yoq'uesinel te oq'uesetic, soc yacalic ta stijel te platilloetic soc te yantic at'ejibaletic yu'un música te c'alal yacalic ta c'ayoj a: “Albeyaic yutsil sc'oplalte Cajwaltic, melel mero lec yo'tan,melel te xc'uxul yo'tanesbajt'el q'uinal ay”, xiic ta c'ayoj. Te c'alal jich yacal ta pasel a, noj ta tocal te templo yu'un te Cajwaltique.