Éxodo 29:42 - Bible in Tzeltal de Oxchuc y Tenejapa

⁴² Te chic'bil jmajt'an ta swenta quich'jibal ta muq'ue, ja' me ya yaq'uic ta cajalcaj bael te awal-anich'anic ta spisil ora ta jtojol ta yochibal Nailpac' te bay ya quich' c'oponele, melel tey ya jta jbajtic ta c'op a.

Bible in Tzeltal Bachajón

⁴² Ha te scohtol chic'bil mahtanil te ya me yaq'uic spisil ora ta cajalcaj bahel ats'umbalic ta yochibal te Nahilpac' Templo yu'un tahojibal, ta stojol Jehová, ta banti ya jta jbahtic yu'un ya jc'oponex.

Éxodo 29:42 Referans Kwoze

Éxodo 25:22

Tey me ya jta jbajtic ta c'op ta sba te smajq'uil sti' ta yolil te cheb querubinetic te ay ta sba scajonil te trato. Tey me ya cac'bat ana' spisil a te bila mandal ya calbat yu'un te israeletique.

Éxodo 27:21

Te Aarón soc te snich'nab ja' me ya swentainic xchajbanel te c'ajq'uetique. Ya me stilesic sjunal ajc'ubal ta jtojol jo'on te Ajwalilon, ta Nailpac' te bay ya quich' c'oponele. Ja' me ta spat te pac' smacoj scajonil te tratoe. Ja' jmandal ta sbajt'el q'uinal ta stojol te israeletic soc te sts'umbalique.

Éxodo 29:41

Jich ni me xapas ta swenta mal c'aal te jcojt' xane. Yu'un me chic'bil jmajt'an te ay sbujts' yic' ta jtojol jo'on te Ajwalilone.

Éxodo 29:43

Tey me ya jta jba soc a te israeletique. Ch'ultesbil me cu'un ya xc'ot te bay ya jta jba soque.

Éxodo 30:36

Buen lec me ya ajuch' oliluc. Ac'a me ta stojol scajonil trato ta Nailpac' te bay ya quich' c'oponele. Ja' te pom, mero cu'un me ya awaiy ta awo'tanic te ja'exe.

Éxodo 33:7

Te Moisés la stsac jajch'el te Nailpac', la sloq'ues bael ta spat campamento, c'ub bael jtebuc. “Nailpac' te bay ya yich' c'oponel Dios”, xi' c'ot te sbiil yu'une. Te mach'a ay bila ya sc'an sjac' ta stojol te Cajwaltic, toj ya xbajt' ta Nailpac' Templo te loq'uemix bael ta yolilique.

Números 17:4

Ya me awac' spisil sbastonic ta Nailpac' te bay ya quich' c'oponel ta stojol te scajonil trato te tey ya ataonic ae.

Números 28:7

Te majt'anil vino jun me litro ya xtuun ta juju-jcojt' chij. Te vino ya me yich' malel ta ch'ul awilal ta jtojol yu'un quich'jibal ta muc'.

Ezequiel 46:15

Te milbil majt'anil te banti ya yich' chiq'uel te chije, soc te harina soc aceite, puersa me ta jujun sab ya yich' aq'uel.

Ezequiel 43:6

Te winique tal stejc'an sba ta jts'eel, soc la caiy te la sc'oponon tel c'alal ta templo te Cajwaltique,