Éxodo 29:40 - Bible in Tzeltal de Oxchuc y Tenejapa

⁴⁰ Te sbabial chij te ya achiq'ue, soc me cheb kilo mero lequil harina, ya me acap soc jun litro yaceiteil olivo. Ya me amal jun litro vino ta swenta jmajt'an.

Bible in Tzeltal Bachajón

⁴⁰ Ya me awa'be sjoquin te jujucoht tuminchij cheb litro lequil harina capal soc jun litro aceite yu'un p'ebil olivahetic; soc jun litro vino scuenta malbil mahtanil.

Éxodo 29:40 Referans Kwoze

Filipenses 2:17

Manchuc teme ya jmal jch'ich'el jbaq'uetal ta swenta sts'actijib te smajt'an Dios awu'unique, ya me xbujts'naj co'tan ta lec yu'un, soc ya me xbujts'naj awo'tanic yu'un uuc te ja'exe.

Joel 2:14

Ma wan ya yac'beyex castigo, ya wan sticunbeyex bendición: sit trigo soc vino yu'un smajt'an te Awajwalic, te Dios awu'unique.

Ezequiel 46:14

Ja' nix jich ta jujun c'aal ta sab ya me yich' ac'beyel smajt'anin Cajwaltic juqueb litro harina, soc jun litro aceite yu'un ya yich' malel ta sba harina. Ja' te jmandal chapal te puersa me ya yich' pasulayel spisil ora.

Ezequiel 45:17

swenta yu'un ja' me ya swentain yaq'uel te chambalametic yu'un chic'bil majt'aniletic scojt'ole, soc te ya xtuun ta majt'anil harina soc te vino ta yorail te yach'il u, ta yorail sc'aalelal yu'un cux-o'tanil soc ta spisil te q'uinetic yu'un Israel. Soc ya me sc'an ya yac' te milbil majt'anil yu'un mulile, majt'anil harina, scojt'ol chic'bil majt'aniletic, soc te milbil majt'aniletic yu'un lamal-o'tanile, swenta yu'un ya xpasbot perdón a te smul Israele.

Isaías 57:6

“Israel, ja' ya smulan awo'tan xch'uunel te ch'ulbil tonetic yu'un beja', melel tey nix ayix awawil a te ja'ate. Ja'ic te la amalbeyix majt'anil vino ta stojolic, soc la awac'beyix smajt'anin harina. Ta spisil, ¿yu'un bal ya acuy te lec co'tan yu'une?

Levítico 23:13

Soc ya me awich'ic tel olil yo'eb kilo mero lequil harina yich'oj wots'el soc aceite, yu'un ya yac'bon ta jtojol jo'on te Ajwalilone, swenta chic'bil majt'anil te buen bujts'an yiq'ue. Te majt'anil te ya yich' malel, ya me awaq'uic jun litro vino.

Joel 1:13

Jichex uuc sacerdoteetic te ya awac' abaic ta abatinel ta scajtijib ta chiq'uelsmajt'an Dios, lapaic ch'ixal pac', oq'uetaya te templo. Melel ta templo yu'un Dios awu'unic, ma'yuquix trigo soc cebada ni vino yu'un smajt'an Dios.

Joel 1:9

jich nix yacalic ta oq'uel te sacerdoteetic. Melel ta templo ma'yuquix sit trigo tey a soc ma'yuquix vino yu'un smajt'an Cajwaltic.

Ezequiel 46:11

Ta jujun q'uinetic ya me yich' aq'uel jtab litro harina ta juju-jcojt' ch'in toro, ja' nix jich ya yich' aq'uel yu'un te juju-jcojt' tat chije. Yan ta swenta te chije, chican bay c'alal ya xju' ta aq'uel. Ta juju-jtab litro harina, ya me yich' aq'uel olil xchaneb litro aceite.

Ezequiel 46:7

Te juju-jcojt' ch'in toro, ya me yaq'uic jtab litro harina, ja' nix jich te juju-jcojt' tat chije. Te ch'in chije, chican yo'tan jayeb litro ya yac'. Ta juju-jtab litro harina, ya me yac' olil xchaneb litro aceite.

Ezequiel 46:5

Ta juju-jcojt' te tat chije, ya me yaq'uic jtab litro harina. Ta swenta te yantique, chican jayeb ya ac'anic ya awaq'uic. Te juju-jtab litro harina ya me yac' olil xchaneb litro aceite.

Ezequiel 45:24

Ta juju-jcojt' te toroetic soc ta juju-jcojt' te chijetique, ya me yac'bey sjoin jtab litro harina soc olil xchaneb litro aceite.

Ezequiel 20:28

Te c'alal la cac' ochel ta lumq'uinal te la cal ta jamal te ya cac'beye, yacalic to nax ta yilel a te toyol tselelique soc te muc'ul te' te bayal yabenale, tey la yaq'uic a te milbil majt'anil yu'unic, te mero ilaybil cu'une. Tey la yaq'uic bitic bujts'an yic', soc tey la smalic a te majt'anil vino yu'unique.

Ezequiel 4:11

Ja' nix jich te ja'e, ya me ap'isbey yorail te ya awuch'e, ja' nax me te olil litro ta jujun c'aale.

Deuteronomio 32:38

Ja' te la slo'beyex te xepuil te milbil majt'aniletic awu'unic, soc te la yuch' a te vino la awac'beyique? ¡Ac'a me ochuc scoltayex! ¡Ac'a me tal scanantayex!

Números 29:16

Ya me awaq'uic xan jcojt' tentsun ta swenta milbil majt'anil yu'un te mulile. Parte me a te yantic chambalam scojt'ol ya yich' chiq'uel ta jujun c'aal soc te sjoy ta majt'anil, ja' te harina soc vino.

Números 28:24

Jich me ya apasic bael jujun c'aal te juqueb c'aal yu'un te q'uine, ja' me te majt'anil te bujts'an yic' te ya yich' chiq'uel ta jtojol jo'on te Ajwalilone. Ja' me pajal ta aq'uel soc te majt'anil vino yu'une. Parte me a te ya yich' chiq'uel jujun c'aale.

Números 28:10

Ja' me te chambalam ya yich' aq'uel swenta majt'anil te scojt'ol ya yich' chiq'uel te sc'aalelal cux-o'tanil soc me te vino yu'une, parte me a te ya yich' chiq'uel scojt'ol jujun c'aale.

Números 28:5

Te majt'anil harina cheb me kilo te mero leque, wots'bil me soc jun litro yaceiteil oliva.

Números 15:24

“Teme ay bi ora ya xch'ay ta yo'tanic spasel te jmandal spisil te lume, spisil te lume ya yac'bonic jcojt' toro te ya yich' chiq'uel te buen bujts'an yic', soc ya me sjoin harina soc te vino, jich bit'il caloj mandal jo'on te Dioson. Soc xan yan, ya me yac'bonic jmajt'anin jcojt' tentsun ta swenta milbil majt'anil yu'un te mulile.

Números 15:7

soc c'axem jtebuc ta jun litro te vino. Jich me te majt'anil buen bujts'an yic' ta jtojole.

Éxodo 30:24

soc waqueb kilo spat te' te casia sbiile. P'isbil me yalal jich bit'il albil sc'oplal ta ch'ul awilal. Soc ich'a olil xchaneb litro te yaceiteil olivo.

Éxodo 16:36

Te efa ay lajunp'is gomer yich'oj.

Génesis 35:14

Jich yu'un te Jacob la stejc'an balal ton ta bay c'oponot yu'un te Diose. La smalbey vino soc aceite ta sba ta swenta xch'ultesel.

Éxodo 29:39

Jcojt' me ya awac' ta sab, soc jcojt' me ta xmal c'aal.

Éxodo 29:41

Jich ni me xapas ta swenta mal c'aal te jcojt' xane. Yu'un me chic'bil jmajt'an te ay sbujts' yic' ta jtojol jo'on te Ajwalilone.

2 Reyes 3:20

Jich c'ot ta pasel ta sab ta xchebal c'aal, ta yorail te ya yich' aq'uel smajt'an Dios ta templo, ta sq'uinal Edom tal te ja'e, jul spuc sba ta q'uinal.

Oseas 9:4

Ma ba ya smalbeyic vino ta swenta yich'el ta muc' te Cajwaltique; soc ma xyac'beyic milbil majt'anil yu'unic tey a. Te we'elil ya swe'ique jich c'oem te bit'il yu'un we'elil xc'uxulil mel-o'tan te bit'il ay mach'a laje, te mach'a ya swe' ya me xbolob sc'oplal yu'un. Ja'ic me ya swe'ic te we'elil te ya xbolteswane; ja'uc me to, ma xju' ya yich'ic bael ta templo yu'un te Cajwaltique.

Levítico 6:13

Te c'ajc' ay ta scajtijib ta chiq'uel majt'anile, ya me sc'an te spisil ora yac ta tilel, ma me ayuc bi ora ya xtup'.

Números 4:16

Te Eleazar snich'an te sacerdote Aarón, ja' me ya swentain te aceite yu'un te ch'in c'ajq'uetic, te pom te bayal sbujts' yic', te harina ta swenta majt'aniletic cu'un te ya nix yac'ulaybonic a, soc te aceite swenta ch'ultesel. Soc ya me scanantay te Nailpac' Templo soc spisil te bitic ay yu'une —xi' te Cajwaltique.