Éxodo 29:4 - Bible in Tzeltal de Oxchuc y Tenejapa

⁴ Ic'a bael te Aarón soc te snich'nab ta yochibal te Nailpac' te bay ya quich' c'oponele. Albeya, ac'a spoc sbaic.

Bible in Tzeltal Bachajón

⁴ Ya me awic' bahel te Aarón soc snich'nab ta yochibal te Nahilpac' Templo yu'un tahojibal, ya me apocticlan ta ha'.

Éxodo 29:4 Referans Kwoze

Éxodo 40:12

“Ic'a bael te Aarón soc te snich'nab ta bay sti'il te Nailpac' te bay ya quich' c'oponele, ya me awac' spoc sbaic tey a.

Hebreos 10:22

Jich yu'un spisiluc me co'tantic ac'a noptsajucotic ta stojol te Diose, te bit'il jc'axel ay xch'uunjel co'tantique, te melel jc'axel la yutstesbotiquix co'tantic yu'un te jmultique soc pocbilix jbaq'uetaltic yu'un te lequil ja'e.

1 Pedro 3:21

Pajal c'oem sc'oplal soc te ja' te ya x'ac'bototic quich'tique, melel ja' ta swenta ich'ja' te ya quich'tic coltayel yu'un ta ora to. Ma yu'unuc ya spocbotic loq'uel xch'ailel jbaq'uetaltic te ja'e. Ja' nax ya calbeytic wocol Dios te yacuc stup'botic ta co'tantic spisil te jmultique. Jich ya quich'tic coltayel ta swenta bit'il cha'cux tel te Jesucristoe.

Tito 3:5

Melel te jo'otique, ma ta swentauc cat'eltic te la scoltayotique; ta swenta nax xc'uxul yo'tan te la quich'tic atintesel yu'un, la yac' cha'ayinucotic xan, soc la yac'botic quich'tic yach'il cuxlejal ta swenta te Ch'ul Espiritue.

Efesios 5:26

Jich la spas swenta yu'un ya xch'ultes soc ya spoc ta ja' ta swenta te sc'ope.

Ezequiel 36:25

Ya me jpoquex ta mero lequil ja', ya me jpocbeyex spisil te bila bolobenex yu'une; ya me jlecubtesex te bit'il bolobenex yu'un te yich'el ta muc' te lotil diosetic awu'unique.

Deuteronomio 23:11

C'alal ya xmal te c'aale, ya me apoc aba ta ja'. Te c'alal malix bael a te c'aale, ya me xcha'ochat xan bael ta campamento awu'unic.

Levítico 14:8

“Te mach'a ya yich' lecubtesel sc'oplal ya me sc'an te ya sac' te sc'u'-spac', ya me spoc sba ta scojt'ol, soc ya me sloq'ues spisil stsotsil sbaq'uetal ta scojt'ol, swenta yu'un jich me ya yich' lecubtesel bael sc'oplal a. Patil ya me xju'ix ya x'och ta campamento, ja'uc me to juqueb me c'aal ya x'ain ta yol q'uinal.

Éxodo 40:28

Te Moisés la sjojc'anbey spac'ul sti'il yochibal te ch'ul awilale.

Éxodo 26:36

“Ya me apasbey smajq'uil pac' ta yochibal te Nailpac', jalbil me ta stsotsil chij bonbil ta morada, púrpura soc tsaj, soc te lequil ts'otbil linoe. Buen lec me ya yich' ch'alel ta ts'isel.

Éxodo 29:3

Ac'a bael ta ch'in moch te ya awich' bael ta ch'ul awilal, soc te toro soc te cha'cojt' tat chijetic.

Números 8:9

Te ja'at ya me awac' xnoptsaj te levitaetic ta Nailpac' te bay ya quich' c'oponele, soc spisilic me ya stsob sbaic tel te israeletique.

Ezequiel 42:14

Teme ochic bael te sacerdoteetic tey ta yutil te mero templo, ma me xju' ya xloq'uiquix bael ta amac' ta spat, ja' to me teme la yijq'uitayic jilel tey a te c'u'il slapojic ta spasel te yat'elic ta abatinele, melel te c'u'ile ch'ultesbil me. Teme ya xloq'uic baele, teme ya xbajt'ic tey ta banti ayic te yajwal te lume, ya me sc'an ya slapic bael yan c'u'il —xi'.

Éxodo 40:32

Ya spoc sbaic tey a te c'alal ya x'ochic bael ta Nailpac' te bay ya yich' c'oponel Dios, soc te c'alal ya xc'ot ta bay scajtijib ta chiq'uel te majt'anil, jich bit'il yaloj mandal Cajwaltic ta stojol te Moisese.