Éxodo 29:39 - Bible in Tzeltal de Oxchuc y Tenejapa

³⁹ Jcojt' me ya awac' ta sab, soc jcojt' me ta xmal c'aal.

Bible in Tzeltal Bachajón

³⁹ Jcoht tuminchij yac awac' ta sab soc jcoht ta xtibiltay.

Éxodo 29:39 Referans Kwoze

2 Reyes 16:15

Patil la yalbey mandal te sacerdote Urías, te tey ta muc'ul scajtijib ya me xchic' te majt'anil chambalam ta sab, soc te majt'anil harina ta smalel c'aale. Ja' nix jich te smajt'an Dios te ya xbajt' ta chiq'uel soc te majt'anil harina te ya yac' te muc' ajwalile, soc nix te smajt'an Dios ya yac' ta chiq'uel spisil te israeletique, soc te majt'anil harina soc te vino yu'unique. Soc la yalbey xan te ya stsijts'anbey ta scajtijib ta chiq'uel smajt'an Dios spisil te xch'ich'el majt'aniletic, soc xch'ich'el te yantic majt'aniletique. Pero te scajtijib ta chiq'uel smajt'an Dios te pasbil ta bronce, ja' nax ya xtuun yu'un teme ay bi ya sjojc'obey te Cajwaltique.

Hechos 26:7

Ta jpisiltic te lajchaychajp sts'umbalotic Israel yacotic ta smaliyel te bi ora ya xc'ot ta pasel te bila yaloj te Diose. Ja' swentail te c'aal ajc'ubal ya jlajin jbatic ta stojol te Diose. Muc' ajwalil Agripa, ma'yuc yan swentail te sleojbonic jmul te judioetic ta Jerusalén, ja' nax te bit'il ay smuc'ul co'tan ta smaliyel te bila yaloj te Diose.

San Lucas 1:10

C'alal yac ta xchiq'uel te pome, spisil lum yacalic ta sc'oponel Dios ta bay yamac'ul te temploe.

Salmos 5:3

Ta sab ya me awaiybon stojol te jc'ope; ta buen sab ya jcholbat te jwocole, ya me jmaliybey sujt'ib te jc'ope.

2 Crónicas 13:11

Ja'ic ya yaq'uic milbil majt'anil ta sab soc ta xmalc'aal, ja' te scojt'ol ya yich' chiq'uele, soc te pom te bujts'an yiq'ue, soc ya yaq'uic ta lequil mesa te waj te ch'ultesbil ta stojol Dios. Soc ta jujun xmalc'aal ya stsumic te c'ajq'uetic te ya yaq'uic ta yawil te pasbil ta oro. Melel te jo'otic jch'uunejbeytic smandal te Cajwaltic te Dios cu'untique, yan te ja'exe la awijq'uitayiquix ta awo'tanic.

Éxodo 29:40

Te sbabial chij te ya achiq'ue, soc me cheb kilo mero lequil harina, ya me acap soc jun litro yaceiteil olivo. Ya me amal jun litro vino ta swenta jmajt'an.

1 Reyes 18:29

Pero c'alal c'ax ta olil c'aal, manchuc me tey yacalic ta aw a, soc tey yacalic ta wilawetel jichuc mach'a ma sna' q'uinal, ja' to te c'alal la sta yorail ya yich' aq'uel milbil smajt'an te Cajwaltic, pero ma'yuc chicnaj sujt'ib te sc'opique. Ma'yuc mach'a la sjac', soc ni ayuc mach'a la yaiy.

2 Reyes 3:20

Jich c'ot ta pasel ta sab ta xchebal c'aal, ta yorail te ya yich' aq'uel smajt'an Dios ta templo, ta sq'uinal Edom tal te ja'e, jul spuc sba ta q'uinal.

Esdras 9:4

Tal sjoinonic spisil te mach'atic la xi'ic te castigo ya yac' te Dios yu'un Israel, ta scaj smulic te jayeb sujt'emic tel te ac'bot yijq'uitay slumalique. Pero te jo'one, tey nacalon a, soc ayon ta mel-o'tan yu'un, ja' to c'alal la sta yorail te ya yich' aq'uel milbil smajt'an Dios ta smalel c'aal.

Salmos 141:2

Cajwal, lecuc me ta atojol te jc'ope, smesetuc sbujts' yic' jichuc pom ya xc'ot ta atojol; te jc'ab jtoyoj ta atojol, jichuc c'oem te bit'il milbil amajt'an, ja' te amajt'an swenta smalel c'aale.

Daniel 9:21

Te c'alal yacon to ta sc'oponel Dios a, te Gabriel, te chicnaj ta jtojol ta neelal to te c'alal ay bila yacon ta yilel la caiye, wil tel ta jtojol te banti ayone. Ja'ix yorail a te ya yich' aq'uel milbil smajt'an Dios yu'un te smalel c'aale,

Éxodo 12:6

Ya to me scanantayic ja' to me ta xchanlajunebal sc'aalelal te ue. Jich ora ta spisilic juju-jtul israel ya me smilic te chambalam ta mal c'aalil.

2 Crónicas 2:3

Ta patil te Salomón la sticunbey ta alel te Hiram te muc' ajwalil ta lum Tiro, jich la yalbey: “Jich me xapas ta jtojol te bit'il la apasbey te jtat David, te la aticunbey cedroetic, swenta yu'un ya yich' pasel palacio a ta bay ya xju' ainele.