Éxodo 29:36 - Bible in Tzeltal de Oxchuc y Tenejapa

³⁶ Jujun me c'aal ya awac'bon milbil jmajt'an, jich me ya ataic perdón yu'un a te amulique. Soc lecubtesbon a te scajtijib jmajt'an ta swenta bit'il ya achic' tey a te milbil jmajt'an yu'un te mulile, soc ac'beya aceite ta sba swenta yu'un jich me lec ya xc'ot ta jtojol a.

Bible in Tzeltal Bachajón

³⁶ Jujun c'ahc'al ya me awac' jcoht jcolel toro scuenta milbil mahtanil yu'un stojel mulil. Ya me alecubtes te scajtajib ta chiq'uel mahtanil ta scuenta yaq'uel mahtanil yu'un stojel mulil, soc ya me amalbe aceite scuenta ch'ultesel.

Éxodo 29:36 Referans Kwoze

Hebreos 10:11

Spisil mach'atic yich'oj yat'elic ta sacerdoteil ta bay te judioetique jujun c'aal ya spas yat'elic ta stojol te Diose. Bayal buelta ya yaq'uic te milbil smajt'an Dios te c'aemic ta yaq'uel te jxujt' ma xch'ay a te mulile.

Éxodo 30:26

Ya me amal ta Nailpac' te bay ya quich' c'oponel, ta sba te scajonil trato,

Ezequiel 43:27

Juqueb me c'aal jich ya spasic. Ta swaxaquebal c'aal bael ya me xjajch' yaq'uic te majt'anil te chic'bil scojt'ole soc te milbil majt'anil swenta lamal-o'tanile. Jich me ya quiq'uex ta jtojol a, bin nax me co'tan ta atojolic. Jo'on Ajwalilon te jich caloje —xi' te Cajwaltique.

Ezequiel 43:25

Ta jujun me c'aal jich ya spasic, ja' to teme ts'acaj juqueb c'aal. Ya me sc'an ya awac' jcojt' tentsun swenta milbil majt'anil yu'un mulil, soc jcojt' toro soc jcojt' chij, ta spisil ma me ayuc jxujt'uc sfaltaic.

Números 7:1

Te bi c'aalil ju' yu'un spasel te Nailpac' Templo te Moisés, la xjax ta aceite swenta xch'ultesel spisil a te sbiluquil te ch'ul awilal soc te sbiluquil te scajtijib ta chiq'uel majt'anile.

Levítico 16:27

“Te toro soc te tentsun la yich'ic milel yu'un te smulique, te la yich'ic ich'el bael xch'ich'el ta yutil ch'ul awilal, swenta yu'un jich ya yich' tael a te perdón yu'un te muliletique, ya me yich' ich'el loq'uel ta spat yu'un campamento te snujc'ulel, sbaq'uetal soc te sbaal xch'ujt'e, ya me yich' chiq'uel tey a.

Ezequiel 43:20

Ya me atsacbey jtebuc te xch'ich'ele, ya me atsijts'an ta xchanebal a te xulubiletique, ta xchanebal xujc' te yolil scajtijibe, soc te sti'il toyem moele. Jich me jc'axel ya xlecub yu'un a te mulile.