Éxodo 29:34 - Bible in Tzeltal de Oxchuc y Tenejapa

³⁴ Teme ay to jil jtebuc ta yan c'aal te waj soc te ti'bal te la yich'ic ch'ultesel yu'un a te Diose, chic'a me. Ma me mach'a ya swe', melel yu'un Dios.

Bible in Tzeltal Bachajón

³⁴ Teme ay to hil yu'un pajel te ti'bal yu'un yich'el ya'telic, o te pan, ya me achic'; ma ba ya yich' we'el, como ch'ultesbil.

Éxodo 29:34 Referans Kwoze

Levítico 8:32

Patil ya me achiq'uic teme la spas sobra te ti'bal soc te waje,

Éxodo 12:10

Ma me xawijq'uitayic ta swenta yan c'aal. Teme ay to ya xjil jtebuque, ya me achiq'uic.

Levítico 10:16

Te Moisés la sjojc'obey: —¿Banti ay te tentsun ya yich' milel swenta mulile? —xi'. La yaiy te la yich'ix chiq'uele. Jich ilin ta stojolic te Eleazar soc te Itamar, te cheb xan snich'nab Aarón jileme, jich la yalbey:

Éxodo 29:28

Ja' me ya xtuunix yu'un soc te snich'nabe. Ja' me jmandal ta sbajt'el q'uinal ta stojol te israeletique te ya yac'bonic majt'an, ja' me milbil majt'anil swenta seña te lamal-o'tanile.

Éxodo 29:26

“Tsaca xan te sbaq'uetal stan te tat chij swenta xch'ultesel te Aarón, ya me atuchbon moel ta yaq'uel ta jtojol jo'on te Ajwalilone. Ja' me ya xc'otix ta awenta te ja'ate.

Éxodo 29:22

“Tsaca te xepuil tat chij te ay ta sne, te ay ta sbiquil soc ta sejc'ub, soc ta xchebal te sriñon te potsbil ta xepuile, soc te swa'el scube, melel te tat chije ja' swentail te yu'un ay mach'a ya x'och ta ch'ultesel ta sacerdoteil a.

Éxodo 16:19

La yal te Moisese: —Ma me ayuc mach'a ya yijq'uitay jtebuc ta swenta yan c'aal —xi'.

Éxodo 23:18

“Te chambalametic ya amilbonic ta jtojol, ma me xawac'bonic xch'ich'el soc te waj yich'oj levadura. Ma me xaq'uej te xepuil ta swenta yan c'aal.

Éxodo 34:25

“Te c'alal ya amilbonic jmajt'anin te achambalamic, ma me x'awich'bon tel xch'ich'el soc waj te yich'oj levadura. Ma me xaq'uej te sobrail majt'anil yu'un Pascua ta swenta yan c'aal.