Éxodo 29:21 - Bible in Tzeltal de Oxchuc y Tenejapa

²¹ Te ch'ich' ya xjil ta sba te scajtijib milbil jmajt'ane, soc te aceite ta swenta te ch'ultesel, tsaca jtebuc, tsijts'anbeya ta sjol Aarón, te snich'nab soc te sc'u'-spaq'uique. Jich me ch'ultesbil ya xc'ot cu'un Aarón, soc snich'nab, soc te sc'u'-spaq'uique.

Bible in Tzeltal Bachajón

²¹ Te ch'ich' ay ta sba te scajtajib ta chiq'uel mahtanil, soc te aceite yu'un ch'ultesel, ya me atsihtsin a te Aarón soc sc'u' spac', soc te snich'nab soc sc'u' spaq'uic. Hich ch'ultesbil ya xc'oht soc te snich'nab soc te sc'u' spaq'uique.

Éxodo 29:21 Referans Kwoze

Hebreos 9:22

Yu'un ya yal te mandalile te ya yich' utstesel ta ch'ich' col spisiluc te bitic aye, melel ma'yuc ta ch'ayel mulil te manchuc ayuc ch'ich' ya yich' malele.

Levítico 8:30

Te Moisés la yich' ch'in jtebuc aceite swenta ch'ultesel, soc te ch'ich' ay ta sba te scajtijib ta chiq'uel smajt'an te Diose, la stsijts'anbey ta sba te Aarón soc te snich'nab, soc nix ta sba te sc'u'ic swenta sacerdoteil ta spisilic. Jich la spasbey ta stojol ta spisilic te Aarón soc snich'nab soc sc'u'ic yu'un sacerdoteil ta swenta xch'ulteselic.

Éxodo 29:7

Tsaca te aceite ta swenta ch'ultesel, malbeya ta sjol Aarón, jich me ya yich' ch'ultesel ta sacerdoteil.

Éxodo 29:1

“Te bit'il ya jch'ultes ta abatinel te sacerdoteetic, jich me xapasbey ta stojolic: Tsaca jcojt' toro soc cha'cojt' tat chijetic te ma'yuc bila boloben ta sbaq'uetal.

Hebreos 10:29

¿Ma bal c'axemuc to xan jich castigo ya yich' awaiy te mach'a ya spech'an ta teq'uel te Snich'an Diose, soc te ma'yuc swentail ta yo'tan te ch'ich' yu'un te trato te la yich' ch'ultesel yu'un ae, soc te ya scontroc'optay te Espíritu yu'un Dios te c'uxtaybil yu'une?

San Juan 17:19

Ta spasemal co'tan jc'axel ya cac' jba ta swentaic, swenta yu'un jich me ch'ultesbil yo'tanic yu'un te bila melele.

Salmos 133:2

Pajal c'oem soc buen t'ujbil perfume te ya x'oquin ta sjol sacerdoteetic, ya xco tel ta oc ta yisimic c'alal ta snuc' sc'u'ic.

Levítico 14:29

Te sobrail aceite, te sacerdote ya me xjaxbey ta sjol te mach'a ya yac' sba ta lecubtesel sc'oplale, swenta jich me ya stabey a te perdón ta stojol Cajwaltic yu'un te smule.

Éxodo 29:20

Mila te tat chije. Tsaca jtebuc te xch'ich'el, ac'beya ta sc'unil swa'el xchiquinic te Aarón soc te snich'nabe, ta bay swa'el sme' sc'abic, soc ta swa'el sme' yacanic. Te sobra ch'ich' tsijts'anbeya ta sba te scajtijib ta chiq'uel milbil jmajt'an soc ta sjoyobal.

Éxodo 29:22

“Tsaca te xepuil tat chij te ay ta sne, te ay ta sbiquil soc ta sejc'ub, soc ta xchebal te sriñon te potsbil ta xepuile, soc te swa'el scube, melel te tat chije ja' swentail te yu'un ay mach'a ya x'och ta ch'ultesel ta sacerdoteil a.

Levítico 8:23

Te Moisés la sbojbey snuc', patil la yich' jtebuc te xch'ich'ele, la xjaxbey ta sc'unil swa'el xchiquin te Aarón, soc la yac'bey ta sme' swa'el sc'ab, soc ta sme' swa'el yacan.

Levítico 7:35

Te majt'aniletic ya yich' chiq'uel swenta yich'el ta muc' te Cajwaltique, tey me ya xloc' a te bila ya xc'ot ta swenta te sacerdote Aarón soc te sts'umbale. Ja' me ya xjajch' ta aq'uel a te bi c'aalil ya yich' ch'ultesel soc sts'umbal te ya yac' ochel ta sacerdoteil te Cajwaltique.