Éxodo 29:2 - Bible in Tzeltal de Oxchuc y Tenejapa

² Te lequil harina pasbil ta trigo, pasa wajetic soc pimil wajetic a te ma ba yich'ojic levadura, ja' nax me ya yich' wots'el soc aceite, soc jayal waj te ma'yuc slevadurail te yich'oj tsijts'anel ta aceite.

Bible in Tzeltal Bachajón

² soc ich'a panetic te ma ba yich'oj levadura, pimil pan te ma ba yich'oj levadura te wots'bil soc aceite, soc jayal pan te ma ba yich'oj levadura te jaxbil ta aceite; ya me apasticlan ta lequil harina yu'un trigo.

Éxodo 29:2 Referans Kwoze

Números 6:15

Soc ya me yich' aq'uel jun ch'in moch wajetic te lec pasbil ta harina, te ma ba yich'oj levadura, te wots'bil soc aceite; soc te jayal waj te ma ba yich'oj levadura, te ja' nax tsijts'anbil ta aceite, ya me sjoin te majt'anil harina soc vino.

1 Corintios 5:7

Loq'uesaic me te pocol levadurae, swenta yu'un jich me yach'il wots'bil harina ya xc'oex, te ma ba yich'oj levadurae. Melel te Pascua cu'untique, ja'ix te Cristo te la yich' milel ta jwentatique.

Números 6:19

Te sacerdote ya me stsacbey sbaquel snejq'uel te chij te tac'ajemix, jpejch' waj te ma ba yich'oj levadura te ay ta ch'in moch, soc te jayal waj te ma yich'ojuc levadura, spisil me ya yac'bey ta sc'ab te nazareo, te loq'uemix yu'un a te stsotsil sjole.

Levítico 8:26

Ta xch'in mochil waj te ma yich'ojuc levadura te ya yich' aq'uel ta stojol Cajwaltic, te Moisés la stsac loq'uel jpejch' pimil waj te ma ba yich'oj levadura, soc jpejch' pimil waj te yich'oj wots'el soc aceite, soc jpejch' jayal waj. La yac'bey sjoin te xepuil soc nix te swa'el ya' te chambalame.

Levítico 8:2

—Ic'a tel te Aarón soc te snich'nab, soc ich'a tel te c'u'iletic yu'un sacerdote, soc te aceite yu'un ch'ultesel, te toro ya yich' milel yu'un spasel perdón yu'un mulil, te cheb tat chijetic, soc te ch'in smochil waj ma'yuc slevadurail.

Levítico 7:12

Teme ja' te milbil majt'anil swenta yalel wocol ta jtojol jo'on te Ajwalilone, ya me yich' aq'uel soc te pimil waj ma ba yich'oj levadura te ya yich' wots'el soc aceite; soc te jayal waj ma ba yich'oj levadura te tsijts'anbil nax ta aceite; soc pimil waj pasbil ta harina, ja' me te mero leque, ya me yich' wots'el soc aceite.

Levítico 7:10

Jich me ta spisil te majt'anil harina, manchuc me wots'bil ta aceite, manchuc taquinuc, ja' me ya yich'ic te sts'umbal Aarón, pajal me ya yich'ic puquel.

Levítico 2:15

Ya me awac'bey aceite soc pom ta sba, melel ja' majt'anil swenta sit awalts'unubil.

Éxodo 29:23

Te wajetic te ma ba yich'oj levadura te ay ta ch'in moch ta stojol te Cajwaltique, tsaca me junuc te waj, jpejch' te wots'bil soc aceite, soc jpejch' te jayal waje.

Éxodo 12:8

Ta ajc'ubal me, wobil me ta c'ajc' ya ati'ic te ti'bale, te ya sjoin ta tuuntesel awu'unic te ch'aal itaj soc te waj te ma ba yich'oj levadura.

Éxodo 29:3

Ac'a bael ta ch'in moch te ya awich' bael ta ch'ul awilal, soc te toro soc te cha'cojt' tat chijetic.

Levítico 6:13

Te c'ajc' ay ta scajtijib ta chiq'uel majt'anile, ya me sc'an te spisil ora yac ta tilel, ma me ayuc bi ora ya xtup'.