Éxodo 29:11 - Bible in Tzeltal de Oxchuc y Tenejapa

¹¹ Mila ta jtojol jo'on te Ajwalilon, ta bay yochibal te Nailpac' Temploe.

Bible in Tzeltal Bachajón

¹¹ Ya me amil te jcolel toro ta stojol Jehová, ta yochibal te Nahilpac' Templo yu'un tahojibal.

Éxodo 29:11 Referans Kwoze

Levítico 9:12

Te Aarón la sbojbey snuc' te chambalam ya yich' aq'uel swenta majt'anil te scojt'ol ya yich' chiq'uele. Te snich'nab te Aarón la yich'ic bael te xch'ich'ele, ja' te la stsijts'anbey ta sjoyobal ta spat te scajtijib ta chiq'uel majt'anile.

Levítico 9:8

Ja' yu'un te Aarón noptsaj bael ta scajtijib ta chiq'uel majt'anil, la sbojbey snuc' te toro la yac' swenta sc'anel perdón yu'un te smule.

Levítico 8:15

Te Moisés la sbojbey snuc'. Patil la smul ta ch'ich' te sbic'tal sc'ab, la xjaxbey ta xulubiletic yu'un ta sjoyobal te scajtijib ta chiq'uel majt'anil, swenta yu'un jich ya yich' lecubtesel sc'oplal a. Te ch'ich' ay to jile, la smalbey ta yacan te scajtijib majt'anile. Jich la yich' ch'ultesel yu'un Dios a, swenta yu'un tey ya yich' c'anel a te perdón yu'un te muliletique.

Éxodo 29:4

Ic'a bael te Aarón soc te snich'nab ta yochibal te Nailpac' te bay ya quich' c'oponele. Albeya, ac'a spoc sbaic.

Éxodo 29:10

“Ic'a bael te toro c'alal ta Nailpac' te bay ya quich' c'oponele, swenta yu'un te Aarón soc te snich'nab ya me yac' sc'abic ta sjol te chambalame.

Éxodo 29:12

Mula ta sbic'tal ac'ab jtebuc te xch'ich'el toro, jaxbeya ta xulubil scajtijib ta chiq'uel te jmajt'ane. Spisil te ch'ich' ya spas jilel sobra, mala ta yacan te scajtijib jmajt'ane.

Levítico 3:2

Te mach'a ya yac'bon jmajt'an, ya me scajan sc'ab ta sjol te chambalam ya yac'bon jmajt'anin, ya me sbojbey snuc' ta stojol te yochibal Nailpac' te banti ya quich' c'oponele. Jich te sacerdoteetic ya me stsijts'anbeyic xch'ich'el ta sjoyobal ta spat te scajtijib ta chiq'uel jmajt'ane.

Levítico 14:13

Ya me smil te chij ta ch'ul awilal te banti ya yich' bojel snuq'uic te chambalametic, te ya yich'ic aq'uel swenta milbil majt'aniletic yu'un mulil, soc te ya yich' aq'uel swenta majt'anil te scojt'ol ya yich' chiq'uele. Te milbil majt'anil yu'un te falta staoje, ja' me yu'un te sacerdote pajal soc te milbil majt'anil yu'un mulile, melel mero ch'ultesbil.

Levítico 4:4

Te ya yic'bon tel ta jtojol, ya me xtal yac' ta stojol te yochibal Nailpac' te banti ya quich' c'oponele, tey me ya scajanbey sc'ab ta sjol a, ya me sbojbey snuc' ta jtojol.