Éxodo 29:10 - Bible in Tzeltal de Oxchuc y Tenejapa

¹⁰ “Ic'a bael te toro c'alal ta Nailpac' te bay ya quich' c'oponele, swenta yu'un te Aarón soc te snich'nab ya me yac' sc'abic ta sjol te chambalame.

Bible in Tzeltal Bachajón

¹⁰ Patil ya me awic' tal te jcolel toro ta Nahilpac' Templo yu'un tahojibal, te Aarón soc te snich'nab ya me yac' sc'abic ta sjol te jcolel toro.

Éxodo 29:10 Referans Kwoze

Levítico 8:14

Patil te Moisés la yac' ta iq'uel tel toro ya yich' milel yu'un te mach'a ya sta smule. Te Aarón soc te snich'nab la scajan sc'abic ta sjol te toro.

Levítico 1:4

Ya me scajan sc'ab ta sjol te chambalam, jich me ya stsacbot te chambalam ya yac', swenta spasbeyel perdón yu'un te muliletic ay ta swenta.

Éxodo 29:19

“Tsaca te yan tat chije. Te Aarón soc te snich'nab ac'a yac' sc'abic ta sjol.

Éxodo 29:15

“Tsaca jcojt'uc te tat chije, swenta yu'un te Aarón soc te snich'nab ya me yac' sc'abic ta sjol,

2 Corintios 5:21

Melel te Cristoe ma'yuc smul stuquel. Ja'uc me to, te Diose, ja' la yac'bey ta swenta xcuchel te jmultique, swenta yu'un jich me libre ya xc'ootic yu'un jmultic ta swenta bit'il jun c'oemotiquix soc te Cristoe.

Isaías 53:6

Jpisiltic jowejemotic, jich bit'il ya spas chijetic, juju-jtul la jle jbetic jtuqueltic. Ja'uc me to, te Cajwaltic la yac' scuchbotic jmultic ta jpisiltic.

Levítico 16:21

Ya me scajan sc'ab ta sjol te chambalame, ya me yal ta jamal ta stojol te sbolilic, stoybailic soc ta spisil smulic te israeletique. Jich me ya yac'bey ta sjol te tentsun ta spisil te smulic te israeletique. Ya me xwejt' jtul winic yu'un ya yic' bael, ya scoltay bael ta muc'ul jochol taquin q'uinal.

Levítico 8:18

Te Moisés la yac' ta iq'uel tel te tat chij ya yich' milel swenta majt'anil te scojt'ol ya yich' chiq'uele. Te Aarón soc te snich'nabe, la scajan sc'abic ta sjol te chije.

Levítico 3:2

Te mach'a ya yac'bon jmajt'an, ya me scajan sc'ab ta sjol te chambalam ya yac'bon jmajt'anin, ya me sbojbey snuc' ta stojol te yochibal Nailpac' te banti ya quich' c'oponele. Jich te sacerdoteetic ya me stsijts'anbeyic xch'ich'el ta sjoyobal ta spat te scajtijib ta chiq'uel jmajt'ane.

Éxodo 29:11

Mila ta jtojol jo'on te Ajwalilon, ta bay yochibal te Nailpac' Temploe.

Números 8:12

Ta patil te levitaetic ya me yac' sc'abic ta sjol te toroetique. Te jcojt'e ya me yich' aq'uel ta milbil majt'anil yu'un smulic, te yane ya me yich' chiq'uel ta scojt'ol, swenta xch'ayel smulic te levitaetique.

Ezequiel 43:23

C'alal ya xlaj awo'tan awutstesbel aba yu'un te ch'ultesele, ya me atsac jcojt' toro soc jcojt' chij, pero ja' me te ma'yuc bila boloben ta sbaq'uetal,

Levítico 4:4

Te ya yic'bon tel ta jtojol, ya me xtal yac' ta stojol te yochibal Nailpac' te banti ya quich' c'oponele, tey me ya scajanbey sc'ab ta sjol a, ya me sbojbey snuc' ta jtojol.