Éxodo 29:1 - Bible in Tzeltal de Oxchuc y Tenejapa

¹ “Te bit'il ya jch'ultes ta abatinel te sacerdoteetic, jich me xapasbey ta stojolic: Tsaca jcojt' toro soc cha'cojt' tat chijetic te ma'yuc bila boloben ta sbaq'uetal.

Bible in Tzeltal Bachajón

¹ Hich me yac apasbe yu'un ya yich'ic ch'ultesel, scuenta yu'un sacerdotehetic ya xc'ohtic cu'un: Tsaca jcoht jcolel toro soc cha'coht tat tuminchij te mayuc bin jihnem yu'unique,

Éxodo 29:1 Referans Kwoze

1 Pedro 1:19

Ja' tojbil acolelic a te xch'ul xch'ich'el te Cristoe te milbil smajt'an Dios c'ot, jich bit'il alal chij te ma'yuc bila boloben soc ts'ilajem ta sbaq'uetale.

Hebreos 7:26

Jich te Jesuse, ja' Muc' Sacerdote te ya xju' yu'un ya scoltayotique, ch'ul Dios stuquel, ma sna' sleel smul, ma'yuc mulil quechel ta swenta, ma ba slac'oj sba soc te jmulawiletique, soc ic'otix moel c'alal ta stoyolil te ch'ulchane.

Éxodo 12:5

Te chambalam jujun me ja'wil ya'wilal, stat me, ma'yuc bila boloben ta sbaq'uetal, chican teme chij o tentsun.

San Mateo 6:9

Jich yu'un te ja'exe jich me xac'oponic te Diose: “Jtatic Dios te ayat ta ch'ulchane, ac'a ich'otuc ta muc' te ach'ulbiile.

2 Crónicas 13:9

¿Yu'un bal ma ba la atenic bael te sacerdoteetic yu'un te Cajwaltic, te sts'umbalic Aarón, soc te levitaetique? La aleix atuquelic te sacerdoteetic awu'unic jich bit'il spasoj te mach'atic ma'yuquic ta stojol te Diose. Mach'auc a te ya xtal yac' sbaic ta abatinel yu'un sloc'omba alal toroetic ta swenta jcojt' toro soc juccojt' chijetic, ya xju'ix ya x'och ta sacerdoteil yu'un te diosetic awu'unic ta ac'opic, te ma ja'uc te cuxul Diose.

Levítico 22:20

pero ma me ja'uc te chambalam te ay bila boloben ta sbaq'uetal, melel ma me stsacbot stuquel.

Levítico 16:3

Te Aarón ya me x'och bael ta yutil te ch'ul awilal, pero ya me yic' tel jcojt' toro swenta milbil majt'anil yu'un mulil, soc jcojt' tat chij swenta yu'un ya x'och ta majt'anil te scojt'ol ya yich' chiq'uele.

Levítico 9:2

Jich la yalbey te Aarón: —Ic'a tel jcojt' toro yu'un ya yich' aq'uel ta milbil majt'anil yu'un te amulique, soc jcojt' tat chij te ma'yuc bila boloben ta sbaq'uetal, yu'un ya yich' aq'uel swenta majt'anil te scojt'ol ya yich' chiq'uele. Ya me awac'bey ta stojol te Cajwaltique.

Levítico 6:6

Te milbil majt'anil ya yac' ta jtojol jo'on te Ajwalilon, ya me sc'an ya yac' jcojt' chij te ma'yuc bila boloben ta sbaq'uetal. Te stojol te chije, ja'at ni me ya atsajtaybey. Te chije ya me yic' loq'uel tel ta yolil te chijetic yu'une. Ja' me ya yic'bey bael ta stojol te sacerdote swenta milbil majt'anil yu'un te smule.

Levítico 4:3

“Teme ja' te muc'ul sacerdote cu'un te ya sta smule, te jich ya yac'bey sta smul uuc a te yajwal lume, ya me sc'an te ya yac'bon jmajt'anin jo'on te Ajwalilon jcojt' toro te ma'yuc bila boloben ta sbaq'uetal, swenta milbil majt'anil yu'un te mulil c'oem ta pasele.

Éxodo 29:21

Te ch'ich' ya xjil ta sba te scajtijib milbil jmajt'ane, soc te aceite ta swenta te ch'ultesel, tsaca jtebuc, tsijts'anbeya ta sjol Aarón, te snich'nab soc te sc'u'-spaq'uique. Jich me ch'ultesbil ya xc'ot cu'un Aarón, soc snich'nab, soc te sc'u'-spaq'uique.

Éxodo 28:3

Ya me ata ta c'op spisilic te mach'atic ay sp'ijil yo'tanic, ja' te mach'atic cac'ojbeyix smajt'an ta spasele. Ja' me ya spasbeyic sc'u'-spac' te Aarón, jich me ya cu'unin ta abatinel ta sacerdoteil.

Éxodo 28:41

“Jich me ya awac'bey sc'u'-spac' te abanquil Aarón te bit'il to, soc te snich'nabe. Ya me amalbey aceite ta sjolic swenta yu'un ya yich' yat'elic ta sacerdoteil te ya jch'ultes ta abatinel.

Éxodo 20:11

Melel te Ajwalilone, waqueb nax c'aal la jpas te ch'ulchan balumilal, te mar soc spisil te bitic aye. Ta sjuquebal c'aal la jcux co'tan, la cac'bey bendición, soc ch'ultesbil c'ot cu'un.

Levítico 8:1

Te Cajwaltic la sc'opon te Moisés, jich la yalbey:

Ezequiel 43:23

C'alal ya xlaj awo'tan awutstesbel aba yu'un te ch'ultesele, ya me atsac jcojt' toro soc jcojt' chij, pero ja' me te ma'yuc bila boloben ta sbaq'uetal,

Éxodo 28:1

“Ayuc me ta ats'eel spisil ora te Aarón soc te snich'nab, ja' te Nadab, Abiú, Eleazar soc Itamar, yu'un sacerdoteetic ya xc'ot cu'un ta yolil te israeletique.

Levítico 6:13

Te c'ajc' ay ta scajtijib ta chiq'uel majt'anile, ya me sc'an te spisil ora yac ta tilel, ma me ayuc bi ora ya xtup'.

Levítico 7:35

Te majt'aniletic ya yich' chiq'uel swenta yich'el ta muc' te Cajwaltique, tey me ya xloc' a te bila ya xc'ot ta swenta te sacerdote Aarón soc te sts'umbale. Ja' me ya xjajch' ta aq'uel a te bi c'aalil ya yich' ch'ultesel soc sts'umbal te ya yac' ochel ta sacerdoteil te Cajwaltique.

Levítico 14:11

Te sacerdote te ya spas te at'el yu'un yaq'uel slecubtesel sc'oplale, ya me yac' ta stojol yochibal Nailpac' te banti ya yich' c'oponel te Cajwaltic te mach'a ya yich' lecubtesel sc'oplal soc spisil te majt'anile.