Éxodo 28:43 - Bible in Tzeltal de Oxchuc y Tenejapa

⁴³ Jich yu'un te Aarón soc te snich'nab ya me slapic bael ta Nailpac' te bay ya quich' c'oponele, o ja' te c'alal ya xnoptsajic tel ta bay scajtijib ta chiq'uel te jmajt'ane, soc te c'alal ay at'el ta ch'ul awilal swenta yu'un ma me staic falta, teme repente ya xlajic yu'un. Ja' me jmandal ta sbajt'el q'uinal ta stojolic soc te sts'umbale.

Bible in Tzeltal Bachajón

⁴³ Ha ya slapic te Aarón soc te snich'nab te c'alal ya x'ochic bahel ta Nahilpac' Templo yu'un tahojibal, o te c'alal ya xnohpojic tal ta scajtajib ta chiq'uel mahtanil yu'un ya spas ya'tel ta ch'ul awilal, scuenta yu'un ma ba ya sta smulic te ya xchamic yu'une. Ha mandaril te stalel ya xhil ta stojol soc ta stojol te sts'umbal ta patil bahele.

Éxodo 28:43 Referans Kwoze

Éxodo 27:21

Te Aarón soc te snich'nab ja' me ya swentainic xchajbanel te c'ajq'uetique. Ya me stilesic sjunal ajc'ubal ta jtojol jo'on te Ajwalilon, ta Nailpac' te bay ya quich' c'oponele. Ja' me ta spat te pac' smacoj scajonil te tratoe. Ja' jmandal ta sbajt'el q'uinal ta stojol te israeletic soc te sts'umbalique.

Éxodo 20:26

Te scajtijib jmajt'ane ma me cajalcajuc moel, melel teme moat bael tey a, ya xchicnaj abaq'uetal”, uta me —xi' te Diose.

Levítico 5:17

“Teme ay mach'a ya sta smul swenta bit'il la xc'axintaybon te mandaliletic cu'une, manchuc teme ma sna', pero ya me sta falta yu'un soc xcuchoj me smul ya xjil yu'un.

Números 18:22

Te yantic israeletic ma me xju' ya xnoptsajic ta Nailpac' te bay ya quich' c'oponele, swenta yu'un jich me ma sta smulic soc jich me ma xlajic.

Levítico 22:9

“Albeya, ac'a xch'uunic spasel te bila caloj, melel ja' me xcuchoj smul ya xc'otic yu'un teme ma ba ya xch'uunbonic, soc jich me ma ba ya xlajic teme ya xch'uunique. Jo'on Ajwalilon te ch'ultesbilic cu'une.

Levítico 17:7

Tey ma'yuquix bi ora ya yac'beyic milbil smajt'an a te pucujetique, ja' te la xch'uunic ta neelal to soc ja' ta scaj te bolobenique. Ja' jmandal in to ma'yuc bi ora ya xlaj sc'oplal awu'unic, te ya me sc'an ya yich' ch'uunel yu'un tatiletic soc nich'aniletic ta cajalcaj bael.

Levítico 5:1

“Teme ay mach'a ya yich' iq'uel yu'un ya yal ta jamal swenta testigo te ay bila la yile, o te ay bila la yaiye, pero teme ma sc'an ya yale, ja' me smul ya xc'ot te ma la yale.

Números 9:13

Ja'uc me to, te mach'a ya yijq'uitay ta pasel te q'uin Pascua, teme lec sc'oplal soc teme ma ba c'ubul beenique, ya me yich'ic loq'uesel ta yolil te slumale. Scaj te ma la yac' ta stojol Cajwaltic te majt'anil te albil sc'oplale, jich me xcuchoj ya xjil te smule.

Éxodo 30:21

Ac'a me spoc sc'abic soc yacanic swenta yu'un ma xlajic. Ja' jmandal ta sbajt'el q'uinal ta stojol Aarón soc sts'umbal ta cajalcaj bael —xi' te Cajwaltique.

Levítico 16:13

Ya me yac' ochel te pom ta sba ac'al ta jtojol jo'on te Ajwalilone, te xch'ailel pom ya me spots te yawil perdón ay ta sba te scajail trato. Jich me ma xlaj a te Aarón.

Ezequiel 44:17

Te c'alal ya x'ochic bael tey ta yochibal amac' ta yutile, ya me sc'an te ya slapic bael sc'u'ic pasbil ta lino. Te c'alal ayic ta at'el ta amac' ta yutil ae, o ta mero templo, ma me slapic bael sc'u'ic pasbil ta tsots.

Levítico 3:17

“Ja' in mandalil to, ma me ayuc bi ora ya xlaj sc'oplal, melel ya me sc'an te ya yaiyic te me'il-tatiletic, soc ya me yalbeyic uuc te yal-snich'nabique. Ta bayuc nainemex, ma me ayuc bi ora te ya alo'beyic te xepuil chambalam soc ma me xalo'beyic te xch'ich'ele.” Jich me ya awal ta stojolic —xi' te Cajwaltique.

Levítico 22:15

Pero te sacerdoteetic ya me sc'an te ma sboltesbey sc'oplal te bitic ch'ultesbil ya yac'bonic te israeletique.

Números 15:15

Te bila chajbanbil ta atojolic, jich nix me ya xtuun ta stojolic te jyanlumetique. Mandalil me sbajt'el q'uinal te ya xc'ax ta stojol te me'il-tatil soc te snich'nabique.

Números 18:8

Te Cajwaltic, jich la yalbey Aarón: —Jo'on cac'ojbat ta awenta te majt'aniletic te ya yac'bonic te israeletique. Spisil te ch'ul majt'aniletic te ya yac'bonic, ja' ya cac'bat soc anich'nab, ja' me ya xc'ot ta awentaic. Ja' me mandalil cu'un sbajt'el q'uinal.

Números 18:32

Teme loq'uemix awu'unic a ta bay mero lec te cu'une, te jich yipal ya xjil, ja' me awe'eliquix abi, jich ma ba ya ata amulic a. Jich lec sc'oplal ya xc'ot te ch'ul majt'anil ya yaq'uic te israeletic, soc jich ma ba ya awil awocolic ta milel’, xi' te Diose”, uta me —xi' te Cajwaltique.