Éxodo 28:41 - Bible in Tzeltal de Oxchuc y Tenejapa

⁴¹ “Jich me ya awac'bey sc'u'-spac' te abanquil Aarón te bit'il to, soc te snich'nabe. Ya me amalbey aceite ta sjolic swenta yu'un ya yich' yat'elic ta sacerdoteil te ya jch'ultes ta abatinel.

Bible in Tzeltal Bachajón

⁴¹ Ha me yac awa'be sc'u'inic te abanquil Aarón soc te snich'nabe. Ya me amalticlambe aceite ta sjolic, ya me awa'be yich' ya'telic, ya me ach'ultes, scuenta yu'un ha sacerdotehetic ya xc'ohtic cu'un.

Éxodo 28:41 Referans Kwoze

Éxodo 29:7

Tsaca te aceite ta swenta ch'ultesel, malbeya ta sjol Aarón, jich me ya yich' ch'ultesel ta sacerdoteil.

Levítico 10:7

Soc te ja'exe ma me xc'ubex bael ta yochibal te Nailpac' te banti ya yich' c'oponel te Cajwaltique, swenta yu'un ma ba ya xlajex a, melel awich'ojiquix ch'ultesel ta swenta te aceite yu'un te Cajwaltique —xi' sc'oplalic yu'un te Moisese. Mero jich nix la spasic a te bit'il albotic yu'un te Moisese.

Éxodo 40:15

Balanbeya aceite ta sjolic, jich bit'il ya apasbey te Aarón swenta yu'un sacerdoteetic me ya xc'ot cu'un. Te bit'il jich ya yich'ic ac'beyel aceite ta sjolic, ja' me te jich ma xch'ay te at'el sbajt'el q'uinal te ay sacerdoteetic cu'une —xi' te Cajwaltique.

Éxodo 29:9

Te Aarón soc snich'nab ya me achucbey xch'ujt'ic, soc ya me awac'bey sbejch'il pac' ta sjolic. Jich me ya awac'bey yich' yat'elic ta sacerdoteil. Ja' me jmandal sbajt'el q'uinal.

Hebreos 7:28

Melel ta swenta te mandalile, ac'bot yich' yat'elic ta muc' sacerdoteil te winiquetic te ma'yuc bila lec ya xju' yu'unic spasele. Ja'uc me to, bayalix ja'wil a te chicnajem te mandalil te c'alal la yalbey sc'oplal ta jamal te Diose te ya yich' yat'el ta Muc' Sacerdotee te Snich'ane, te ts'acal ya xju' yu'un spasel te yat'el ta sbajt'el q'uinal.

1 Juan 2:27

Ja'uc me to, te ja'exe malbilix ta awo'tanic te Ch'ul Espíritu te la yac'beyex te Jesucristoe, jich me jc'axel ya x'ain ta awo'tanic. Jich ma puersauc te ay mach'a ya sp'ijubtesexe. Ja' nix ya yac'beyex ana'ic stojol spisil te Espiritue. Yu'un melel spisil te bila ya yac'beyex anopic stuquele; ma lotil c'opuc te bila ya yale. Te bit'il p'ijubtesbilex yu'un te Espiritue, jich me jc'axel jun ya x'ainex soc te Cristoe.

1 Juan 2:20

Yan te ja'exe, malbilix ta awo'tanic te Ch'ul Espiritue, jich spisil ya ana'iquix te bitic aye.

Hebreos 5:4

Jtul ma'yuc mach'a te stuquel yo'tan ya yac' sba ta muc' sacerdoteile, melel ja' Dios ya x'ic'ot ta at'el yu'un ta spasel te bila muc' sc'oplal ta stojol te lume, jich bit'il te Aarone.

San Juan 3:34

Melel te mach'a ticunbil yu'un te Diose, ja' ya yal te sc'op Diose, yu'un ma p'isbiluc nax Espíritu ya yac' te Diose.

Ezequiel 43:26

Jujun me c'aal jich ya spasic ja' to teme ts'acaj juqueb c'aale. Te sacerdoteetic ya me sc'an te jc'axel ya slecubtesic te scajtijib ta chiq'uel majt'anile, swenta yu'un ya me x'och ta tuuntesel ta swenta te bitic ch'ultesbile.

Isaías 61:1

Te espíritu yu'un Cajwaltic ay ta jtojol. Melel te Cajwaltic stsaojon soc sticunejon tel ta yalel sc'oplal te lec yach'il c'op ta stojol te me'baetique, tal cac' lamajuc xchamelic te mach'a ay swocolique, tal calbey te ya x'ac'otic ta libre te mach'atic ayic ta mosoile, soc te ya xjilic ta libre mach'atic ayic ta chuquele.

Isaías 10:27

Jich me sc'aalelal ya xloq'uesbotex te ijc'atsil te ac'bil ta apatic scuchele, soc ya me yich' c'asel te yugo-te' la yac'beyex ta anuq'uique. Te soldadoetic ya x'ochic, ya xc'axic ta lum Rimón,

Números 3:3

Ta xchantululic la yich'ic ch'ultesel yu'un Dios, soc ac'bot yich' yat'elic swenta yu'un ya x'ochic ta spasel yat'elic ta sacerdoteil.

Éxodo 29:35

“Jich me xapasbey te Aarón soc te snich'nab te bit'il mandal calojbate. Juqueb me c'aal ya awac'bey spasulay te bit'il ya yich' yat'elique.

Éxodo 29:24

Ac'beya spisil ta sc'ab Aarón soc te snich'nabe. Ac'a stuchbon moel ta sc'abic ta yaq'uel ta jtojol jo'on te Ajwalilone.

Éxodo 28:4

Te c'u'il-pac'al ya yich' pasele, jich ay: sbolsa ay ta stan, efod, snajt'il c'u', te jlam xan snajt'il c'u' ta yutil te ch'albil ta ts'isele, te najt'il pac' ya xpix ta sjol te ya yich' pasel ta lino, soc te xchujq'uil xch'ujt'e. Pasaic jiche te ch'ul paq'uetic yu'un te abanquil Aarón soc te snich'nabe, swenta yu'un jich me sacerdoteetic cu'un te ya x'at'ejic ta jtojol.

Éxodo 28:1

“Ayuc me ta ats'eel spisil ora te Aarón soc te snich'nab, ja' te Nadab, Abiú, Eleazar soc Itamar, yu'un sacerdoteetic ya xc'ot cu'un ta yolil te israeletique.

Éxodo 40:13

Te Aarón ac'a slap te t'ujbil c'u'ile. Balanbeya aceite ta sjol, jich me ya jch'ultes ta sacerdoteil.

Levítico 16:24

Tey me ya spoc sba ta ja'. Slapojix sc'u'-spac' a, ya xloc' bael swenta yu'un ya me yac' te majt'anil te scojt'ol ya yich' chiq'uele, soc te ya yac' yu'un te yajwal lume. Jich me ya sta a te perdón yu'un smul soc nix yu'un smulic te yajwal lume.

Éxodo 30:35

Chajbana ta spisil te ch'ul lequil pome. Ya me acap ta lec ta spisil, jich bit'il mach'a ya sna' spasel perfume.

Números 16:5

jich la yalbey te Coré soc te mach'atic sjoinej: —Pajel ta sab te Cajwaltic ya me yac' ta na'el te mach'a ay ta swenta soc mach'a ch'ultesbil yu'un te ya xju' ya xchic'bey te majt'aniletique. Ja' nax me ya xju' ya xchic'bey majt'anil te mach'a ya stsa stuquele.