Éxodo 28:36 - Bible in Tzeltal de Oxchuc y Tenejapa

³⁶ “Pasa lejch'el taq'uin ta puro oro. Ya me ats'ibuy tey a in c'op to, jich me ya yich' pasel te bit'il sello: “JA' YU'UN TE CAJWALTIQUE”, xi' me.

Bible in Tzeltal Bachajón

³⁶ Soc ya me apas jun jayal pehchel ta puro oro, ts'ihbaya ochel tey a hich te bin ut'il ya yich' ts'ihbayel ochel sellohetic: CH'ULTESBIL TA STOJOL JEHOVÁ.

Éxodo 28:36 Referans Kwoze

Zacarías 14:20

Te c'alal ya sta sc'aalelal asta te caxcabel te stsinlajan yu'un caballoetic, ya me yich'ic ts'ibuyel tey a te c'op: “Ch'ultesbil ta stojol Cajwaltic”, te xie. Te ollaetic yu'un Templo, mero ch'ultesbil me, jich te bit'il te muc'ul tazaetic ayic ta stojol te scajtijib ta chiq'uel smajt'an Dios.

Levítico 8:9

La yac'bey ta sjol te xpixol pac'; ta sti'ba la yac'bey te lejch'el taq'uin te pasbil ta oro te ya yac' ta na'el te yich'ojix te ch'ul at'el ta sacerdoteile. Mero jich nix la spas te bit'il albot yu'un te Cajwaltique.

Éxodo 39:30

La spasbeyic lejch'el lequil oro ta swenta ch'ultesel ta sacerdoteil. Jich la spas bit'il ya yich' pasel sello, la xch'ojtilay ta bojel: “Ja' yu'un te Cajwaltique”, te xie.

Apocalipsis 21:27

Ja'uc me to, ma xju' ya x'och xujt'uc tey a te bila ma lecuque, soc ma xju' ya x'och te mach'a ilaybil sba te bila ya spase, soc te mach'a ya spas lote. Ja' nax ya x'och tey a te mach'atic ts'ibubil sbiilic ta bay te lista yu'un cuxinel te yich'oj te Alalchije.

1 Pedro 2:9

Yan te ja'exe, tsabilex yu'un Dios soc te lum yu'une. Sacerdoteex yu'un te Muc' Ajwalile. Ch'ul muc'ul lumex soc manbilex yu'un te Diose, swenta yu'un ya me apuquic ta alel te jchajp at'eliletic spasoj te Diose te bit'il la yiq'uex loq'uel tel ta bay te ijc' q'uinale soc te la yiq'uex ochel ta bay te saquil q'uinal te jelawen yutsile.

Hebreos 12:14

Leaic me te lamaluc nax q'uinal awu'unic soc spisil te yantique. Ch'ultesbiluquex me, melel teme ma jichuque, ma'yuc mach'a ya xc'o yilbey sit te Cajwaltique.

Hebreos 7:26

Jich te Jesuse, ja' Muc' Sacerdote te ya xju' yu'un ya scoltayotique, ch'ul Dios stuquel, ma sna' sleel smul, ma'yuc mulil quechel ta swenta, ma ba slac'oj sba soc te jmulawiletique, soc ic'otix moel c'alal ta stoyolil te ch'ulchane.

Ezequiel 43:12

Ja' te mandalil yu'un templo: Ta spisil te q'uinal ay ta sjoyobal templo te ay ta ba witse, mero ch'ul awilal stuquel —xi' la caiy.

Salmos 93:5

Cajwal, te mandaliletic awu'un mero ma xch'ay stuquelic; te ach'ul-utsilal ja' xch'alil sbajt'el q'uinal te templo awu'une.

Levítico 19:2

—Albeya ta spisil te israeletic te bila ya calbate: “Ch'ultesa me abaic, melel te jo'on te Ajwalilon soc te Dioson awu'unique, ch'ul Dioson jtuquel.

Levítico 10:3

Patil te Moisés jich la yalbey te Aarón: —Ja' ay ta yo'tan Cajwaltic te c'alal jich la yale: “Te mach'atic ya xnoptsajic ta jtojol, ya me cac'bey yilic te jo'on te Ch'ul Diosone; ta spisil te israeletic ya me cac'bey yilic te xojobil cutsilale”, te xie —la yut. Te Aarón, ma ba c'opoj yu'un.

Éxodo 28:11

Te bit'il ya x'och biililetic ta tonetic, ja' me ya spas te mach'atic yat'elinej xchajbanel te t'ujbil tonetique. Jich me ay ta pasel te bit'il ya yich' pasel sello te ch'ojtilaybil ta bojele. Pasbeya ch'in yawil pasbil ta oro te juju-jp'ij tone.

Éxodo 28:9

“Ya me atsac cheb cornalina, najc'anbeya sbiilic tey a te israeletique.

Éxodo 28:35

Jich yu'un te Aarón ya me slap bael te snajt'il c'u' te c'alal ya xba spas yat'el ta sacerdoteil ta ch'ul awilal ta stojol te Cajwaltique. Te c'alal ya x'och soc te c'alal ya xloc' tele, ya me xchicnaj sc'opic te ch'in campanaetique, jich me ma xlaj.

Éxodo 28:37

Tey me ya awac' ta sti'ba Aarón. Ya me achuc ta ch'in ch'ajan bonbil me ta morada, swenta yu'un ma me stij sba.

Éxodo 29:6

Ac'beya te sbejch'il pac' ta sjol. Te lejch'el taq'uin ja' me ya amacbey sti'il a te sbejch'il pac' ta sjol te ya yac' ta na'el te ch'ultesbil ta abatinel ta sacerdoteile.

Éxodo 39:31

La xchucbey ch'in ch'ajan ta morada, la slejch'anbey ta sti'ba ta xpixol pac', jich bit'il la yal mandal Cajwaltic ta stojol Moisés.

Isaías 23:18

Te stojol te bila la xchonic, ya me yu'unin te Cajwaltique; ma me xju' ya yich' q'uejel, ni ta snail; ja'uc me to, ja' me ya yich' ac'beyel te mach'atic ya yac' sbaic ta abatinel yu'un Cajwaltic, swenta yu'un ya sman swe'elic c'axem to xan a soc t'ujbil sc'u'-spaq'uic.

Éxodo 19:6

¡Te ja'exe ajwalilex soc sacerdoteex soc ch'ul lum c'oemex ta jtojol!” uta me —xi' te Diose.

Éxodo 39:27

Te jlam nax snajt'il c'u' pasbil ta lino ta swenta te Aarón soc te snich'nab, ja' la spas te mach'a ya sna' te jalabe.

1 Crónicas 23:13

Te snich'nab Amram, ja'ic te Aarón soc Moisés. Te Aarón ja' tsaot yu'un Dios te ya swentain yaq'uel ch'ul majt'aniletic, te ya xchic' pom ta stojol te Cajwaltic, te ya x'abatinot yu'une, soc te ya sc'anbey bendición ta stojol te israeletic ta spisil ora. Ja' te at'el te ya swentain sbajt'el q'uinal te Aarón soc te sts'umbale.