Éxodo 28:34 - Bible in Tzeltal de Oxchuc y Tenejapa

³⁴ Jun me ya awac' neel te ch'in campana pasbil ta oro, ya me awac' tel uuc te sloc'ombail sit granado, jich me xapas bael ta spisil.

Bible in Tzeltal Bachajón

³⁴ jun tut campana pasbil ta oro soc jun granada, yan tut campana pasbil ta oro soc yan granada, ta spisil sjoyobal te sti'ile.

Éxodo 28:34 Referans Kwoze

Colosenses 1:10

Swenta yu'un jich ya xju' awu'unic te toj ya x'ainex ta q'uinal te bit'il yu'unex te Cajwaltique, soc te jich ya xju' awu'unic spasel spisil ora te bila lec yo'tan yu'une. Ac'a sitinuc awu'unic spisil ta jchajp te lequil at'elile, jich me ya x'esmaj xan te bit'il ya ana'beyic sba te Diose.

San Juan 15:16

Te ja'exe ma ja'uc la atsaonic, jo'on la jtsaex jtuquel. Ja' la jtsaex yu'un te ya xbeenexe soc te ya sitinexe. Te asit ya awaq'uique ma xlaj sbajt'el q'uinal. Swenta yu'un spisil te bila ya ac'anbeyic te Jtat ta jwentae, ya me yac'beyex.

Cantares 8:2

Ya xju' ya quic'at bael ta sna jme', ya quic'at ochel tey a, ya x'ochat ta maestro cu'un te jichuque. Ja' ya cac'bat awuch' te buen lequil vino soc te ya'lel te granada cu'un te jichuque.

Cantares 6:11

C'oon ta pimil ja'mal q'uinal nogal, yu'un ya quilbey te st'ujbil yaxal ta uc'um; co'tan xquil te spul te ts'usubile, soc te snich te granadoetique.

Cantares 6:7

Te jujun mejch' awelaw, pajal soc xet'bil granada te macal ta areboso.

Cantares 4:13

nichimaltic te banti ay granado te buen bujts'an site; nichimaltic te banti ay alheña-nichim,

Cantares 4:3

Te sti'il awe, buen tsaj, pajal soc tsajal hilera; soc buen t'ujbil ta aiyel ta jchiquin te ac'ope. Te jujun mejch' awelaw pajal soc xet'bil granada te macal ta areboso.

Cantares 2:3

Te winic bayal ya jmulane, c'ax jich st'ujbilal a te bit'il yantique, pajal soc ste'el manzana ya quil ta yolil ja'mal q'uinal. Mero bayal yutsil co'tan ya jnajc'an jba ta yaxinal. Buen chi' ya caiy te site.

Salmos 89:15

Cajwal cu'un, bayal yutsil te lum te bin nax yo'tan ya sna' yalel yutsil ac'oplal, soc te chican q'uinal ya xbeen yu'un te saquil q'uinal awu'une.

Éxodo 28:33

Ch'albeya te sti'il te najt'il c'u'il ta sloc'ombail sit te granado te pasbil ta stsotsil chij bonbil ta morada, púrpura soc tsaj. Ja' ya sjoin sba soc ch'in campanaetic te pasbilic ta oro ta sjoyobal te sti'ile.

Éxodo 28:35

Jich yu'un te Aarón ya me slap bael te snajt'il c'u' te c'alal ya xba spas yat'el ta sacerdoteil ta ch'ul awilal ta stojol te Cajwaltique. Te c'alal ya x'och soc te c'alal ya xloc' tele, ya me xchicnaj sc'opic te ch'in campanaetique, jich me ma xlaj.

Éxodo 39:22

Ta spojc'ol te najt'il c'u'il yu'un efod, ja' la yich' jalel spisil a ta naubil stsotsil chij te bonbil ta morada.

Éxodo 39:26

jun ch'in campana soc jun sloc'ombail sit granado te jich ta jich bajt' ta pasel yu'un a te sti'ile. Ja' ya slap a te c'alal ya spas yat'el te muc' sacerdote, jich bit'il la yal mandal Cajwaltic ta stojol Moisés.