Éxodo 28:33 - Bible in Tzeltal de Oxchuc y Tenejapa

³³ Ch'albeya te sti'il te najt'il c'u'il ta sloc'ombail sit te granado te pasbil ta stsotsil chij bonbil ta morada, púrpura soc tsaj. Ja' ya sjoin sba soc ch'in campanaetic te pasbilic ta oro ta sjoyobal te sti'ile.

Bible in Tzeltal Bachajón

³³ Ta sjoyobal sti'il te c'u'ul pasa sloc'omba granadahetic te pasbilic ta yax, chi'in-yax soc tsajal estambre; soc ta yohlilic ta sjoyobal te sti'il ya me awac' tut campanahetic pasbilic ta oro;

Éxodo 28:33 Referans Kwoze

Zacarías 14:20

Te c'alal ya sta sc'aalelal asta te caxcabel te stsinlajan yu'un caballoetic, ya me yich'ic ts'ibuyel tey a te c'op: “Ch'ultesbil ta stojol Cajwaltic”, te xie. Te ollaetic yu'un Templo, mero ch'ultesbil me, jich te bit'il te muc'ul tazaetic ayic ta stojol te scajtijib ta chiq'uel smajt'an Dios.

2 Reyes 25:17

Te jujun te balal taq'uin tec'ajtique, c'axem ta waxaqueb metro stoyolil. Ta toyol ta jujun sni'il ay chajbanbil swenta xch'alil ta bronce, c'axem ta cheb metro stoyolil. Ta sjoyobal yich'oj jalbil bronce ch'albil ta sloc'ombail sit te' te granada sbiile. Ta xchebal te balal taq'uinetique, pajal xchebalic.

1 Reyes 7:18

Soc la spas cha'chol granada ta sjoyobal te jujun jalbil taq'uine, swenta xch'alil te sjol te muc'ul balal taq'uinetique. Jich la spasbey ta xchebal te jujun sjole.

Éxodo 28:32

Ya me ajutbey snuc' te c'u'il te bay ya slape. Te sti'il te bay jamal ya xjil, ya me apacbey ta ts'isel ta lec swenta yu'un ma me xch'i' a.

Éxodo 28:34

Jun me ya awac' neel te ch'in campana pasbil ta oro, ya me awac' tel uuc te sloc'ombail sit granado, jich me xapas bael ta spisil.

Salmos 133:2

Pajal c'oem soc buen t'ujbil perfume te ya x'oquin ta sjol sacerdoteetic, ya xco tel ta oc ta yisimic c'alal ta snuc' sc'u'ic.