Éxodo 28:30 - Bible in Tzeltal de Oxchuc y Tenejapa

³⁰ Ac'a ta yutil bolsa te Urim soc te Tumim te ya xtuunic yu'un ta sna'el sc'anjel yo'tan te Diose. Ya me yich' bael ta stan te Aarón ta stojol te Cajwaltique. Te Aarón jich me ya yich' bael ta stan spisil ora ta stojol Cajwaltic te bitic ya xtuun yu'un ta sna'el sc'anjel yo'tan a.

Bible in Tzeltal Bachajón

³⁰ Ya me awac' te Urim soc Tumim ta yutil te bolsa pac' ya xc'oht ta stahn yu'un schahpanel c'op scuenta yu'un ay ta yo'tan a te Aarón te c'alal ya x'och bahel ta stojol te Jehová. Hich te Aarón spisil ora ay ta yo'tan a te schahpanel c'op yu'un te snich'nab Israel ta stojol Jehová.

Éxodo 28:30 Referans Kwoze

Nehemías 7:65

Soc albotic xan yu'un te ajwalil te ma xju' ya swe'ic te ch'ultesbil we'eliletic, ja' to teme ay jtuluc sacerdote te ya xchicnantes ta swenta Urim soc Tumim te bi quechele.

Esdras 2:63

Soc xan te ajwalil la yal mandal te ma xju' ya swe'ic te we'eliletic ch'ultesbil ja' to teme ay jtul sacerdote te ya sjojc'o ta swenta Urim soc Tumim.

Deuteronomio 33:8

Sc'oplal Leví jich la yal: —Cajwal, ja'at awu'un te Tumim soc te Urim; awu'un, soc yu'un uuc te mach'a jun yo'tan ta atojole. Ja' te la awac'bey prueba ta Masah, ja' te la awut aba soc ta ja'etic yu'un Meriba.

Números 27:21

Te Josué ya me stejc'an sba ta stojol te sacerdote te Eleazar. Te Eleazar ya me yalbon spisil c'op, ya me cac'bey sujt'ib ta swenta Urim. Te Josué ja' me ya yalbey mandal ta stojol israeletic ta swenta spisil te bila ya spasique —xi'.

Levítico 8:8

La yac'bey ta sba te bolsa te ay ta stan, tey la yac' ochel te Urim soc te Tumim.

Hebreos 4:15

Melel te Muc' Sacerdote cu'untique, ma yu'unuc ma sna'botic yo'bolil jbatic te bit'il ay jwocoltic yu'un te ma'yuc quiptique, melel la yaiy swocol yu'un spisil ta jchajp uuc te yiljibal yo'tane, jich nix te bit'il ya caiytic te jo'otique. Ja'uc me to, ma ba yal ta mulil yu'un.

1 Samuel 28:6

Ja' yu'un la sjojc'obey te Cajwaltic. Pero ma ba jac'bot yu'un, soc ni ayuc bi ac'bot swaichin, ni ta swenta Urim, ni ta swenta j'alwanejetic.

Hebreos 9:24

Melel te Cristoe, ma teyuc och bael a ta bay te templo pasbil ta sc'ab ants-winiquetic te ja' seña to nax te mero temploe. Tey och bael stuquel ta bay te ch'ulchane, tey yac'oj sba ta ilel ta stojol Dios cu'untic ta ora to.

Hebreos 9:12

Tey ochemix stuquel a te Cristo ta banti te Mero Ch'ul Awilale. Soc ma ja'uc xch'ich'el tat tentsun soc xch'ich'el alal wacax te c'o yac' ta ilel ta stojol te Diose. Ja' c'o yac' stuquel te xch'ich'ele. Jc'axel ochemix tey a ta bay te Mero Ch'ul Awilale. Jich la swejt'esbotiquix jcoleltic yu'un jmultic sbajt'el q'uinal.

Zacarías 6:13

Ya me xcha'pas xan te templo yu'un Cajwaltic, soc ya me yich' ich'el ta muc', jich te bit'il ya x'ich'ot ta muc' te ajwalile. Ya me snajc'an sba ta smuc'ul nactijib ta mandalteswanej; soc ta xujc' te smuc'ul nactijibe, ya me snajc'an sba te sacerdote. Lamal me q'uinal ya yaiyic ta xchebalic’, uta me.

Jueces 1:1

C'alal lajix a te Josué, te israeletic la sjojc'obeyic te Cajwaltic mach'a sts'umbal te neel ya xba yac'bey guerra te cananeoetique.

Hebreos 2:17

Ja' swentail te puersa pajal c'ot soc te yermanotaque. Jich muc' sacerdote c'ot ta stojol Dios te jun yo'tane soc te ay xc'uxul yo'tane. Jich me ya staic perdón yu'un smulic spisil ants-winiquetic ta swenta te bit'il la yac' sba ta lajel yu'unique.

2 Corintios 12:15

Jich te jo'one bin nax co'tan ya jlajin te jayeb bila ay cu'une, soc manchuc teme ya cac' jcuxlejal ta swenta awutsilalic te ja'exe. Manchuc teme bayal jc'anojex te jo'one, ja'uc me to, jteb nax ayon ta awo'tanic te ja'exe.

2 Corintios 7:3

Ma yu'unuc ya calbeyex te ay amulic ta jtojole. Melel calojbeyex ta neelal te ayex ta co'tane, manchuc teme ya xcuxinotic, manchuc teme ya xlajotic.

Jueces 20:18

Te israeletic bajt'ic ta lum Betel, tey la sjojc'obeyic Dios swenta sna'el te mach'a neel ta chajbalchajp sts'umbal Israel te ya xba yac'bey guerra te sts'umbal Benjamín. Te Cajwaltic la sjac' te ja' neel ya xbajt' te sts'umbal Judá.

Éxodo 28:29

Jich yu'un te c'alal ya x'och bael ta ch'ul awilal te Aarón, ya me slap bael te bolsa te ay bitic tey a te ya xtuun yu'un ta na'el sc'anjel yo'tan te Diose. Soc lechel me ta stan ya xbajt' sbiilic te snich'nab israeletic ta stojol te Cajwaltique. Jich me ayex ta na'el yu'un spisil ora a.