Éxodo 28:3 - Bible in Tzeltal de Oxchuc y Tenejapa

³ Ya me ata ta c'op spisilic te mach'atic ay sp'ijil yo'tanic, ja' te mach'atic cac'ojbeyix smajt'an ta spasele. Ja' me ya spasbeyic sc'u'-spac' te Aarón, jich me ya cu'unin ta abatinel ta sacerdoteil.

Bible in Tzeltal Bachajón

³ Halbeya spisil te mach'atic ay sp'ijil yo'tanic, ha te mach'atic la jca'beyix sp'ijil yo'tanic, te ya me spasbeyic c'u'uletic yu'un Aarón te hich parte ya x'ac'ot scuenta sacerdote cu'un ya xc'oht.

Éxodo 28:3 Referans Kwoze

Efesios 1:17

Ya jc'anbey te Dios yu'un te Cajwaltic Jesucristo, ja' te Jtatic te bayal yutsilale, te yacuc yac'beyex te Espíritu yu'une. Ja' me ya yac'beyex sp'ijil awo'tanic, soc ya me yac'beyex ana'ic stojol ta lec, swenta yu'un jich me ya ana'beyic xan sba ta melel a.

Isaías 11:2

Te Espíritu yu'un Dios spisil me ora ay ta stojol. Ya me yac'bey sp'ijil yo'tan, soc sp'ijil sjol, swenta ya yaiy tojteswanej soc yip yu'el. Ya me sna'bey sba te Cajwaltic soc ya me yich' ta muc'.

Santiago 1:17

Spisil bila lec te quich'ojtique soc spisil jmajt'antic te jelawen yutsile, coem tel ta cajal spisil, te ja' yac'ojbotic te Jtatic te la spas te c'aal, u, soc eq'uetique. Stalel ay stuquel, soc xujt' ma xyanaj te xojobile.

Deuteronomio 34:9

Te Josué snich'an Nun la yich' sp'ijil yo'tan ta stojol te Moisés, yu'un la scajanbey sc'ab ta sjol Josué te Moisés. Ja' yu'un te israeletic la xch'uunbeyic smandal, jich nix la spasic te bit'il yaloj mandal ta stojol Moisés te Cajwaltique.

Proverbios 2:6

Melel ja' Cajwaltic te ya yac' te p'ijil-o'tanil, p'ijil c'op soc te p'ijil jolole, ja' ya xloc' tel ta ye stuquel.

Éxodo 35:35

Nojesbil ta yo'tanic sna'el spasel biluc at'elil ta swaluyel; soc ta snopel; soc te ya xch'al ta ts'isel soc naubil stsotsil chij te bonbil ta morada, púrpura soc tsaj, soc ta t'ujbil lino; soc ya sna' sjalel biluc paq'uil te yich'oj te bila t'ujbil ta ilel soque.

Éxodo 35:30

Te Moisés, jich la yalbey te israeletic: —Aiya awaiyic stojol, ta yolil spisil te winiquetic yu'un Judá, ja' tsabilix yu'un te Cajwaltic te Bezaleel snich'an Urí, te ja' smam te Hur.

Éxodo 35:25

Spisil te antsetic te ay sp'ijil yo'tanic ta spasel, la snauyic ta sc'abic te stsotsil chije. Jich la yich'ic tel te bila naubil yu'unic, ja' te bonbil ta morada, púrpura soc tsaj, soc te ts'otbil linoe.

Éxodo 35:31

Nojesbilix ta yo'tan te espíritu yu'un Dios te ya sna'bey swentail ta lec te at'ele. Ay ta yo'tan te bila ya spase, soc yilojix ta spasel. Ay smajt'an yu'un xchicnantesel ta spisil.

Éxodo 36:1

“Ja' yu'un te Bezaleel soc te Aholiab ja' me ya sju'tesic ta pasel spisil te bila mandal la yal te Cajwaltique. Ja' me ya sjoin sbaic ta at'el soc spisil mach'atic ay smajt'anic yu'un spasel bitic t'ujbil te ac'bilic sp'ijil yo'tanic yu'un Cajwaltic ta sna'el spasel ta lec spisil te bitic ya xtuun ta na'el Dios a ta bay te Nailpac' Templo —xi' te Moisese.

1 Reyes 7:14

Te Hiram, yal jtul me'ba ants, sts'umbal Neftalí, yan te state, ja' slumal te Tiro. Ya sna' lec at'el ta bronce. Te Hiram mero ma'yuc bi wocol la yaiy, mero bayal sp'ijil yo'tan yu'un at'el ta bronce. Ya sna'bey swentail te bit'il ay ta tuuntesel te bronce, soc ya sna' spasel biluc at'elil. Jich c'ot ta stojol te muc' ajwalil Salomón, la spasbey spisil te yat'ele.

Éxodo 35:10

“Spisil te mach'atic ay sp'ijil yo'tanic ac'a taluc ta spasel spisil te bila mandal yaloj te Cajwaltique:

Éxodo 36:2

Te Moisés la yic' tel te Bezaleel soc te Aholiab, soc spisil te mach'atic ac'bil smajt'anic ta spasel te bila t'ujbil, te ja' ac'biliquix yu'un te Cajwaltique. Spisil talic ta coltaywanej ta spasemal yo'tanic yu'un te at'ele.