Éxodo 28:15 - Bible in Tzeltal de Oxchuc y Tenejapa

¹⁵ “Te bolsa ay ta stan te muc' sacerdote, ta bay ochem te bitic ya xtuun ta na'el a te sc'anjel yo'tan te Diose, jich nix me xapas te bit'il efod, ja' te bit'il buen ya yich' ch'alel ta ts'isele. Ya me yich' pasel ta hilera pasbil ta oro, ta stsotsil chij bonbil ta morada, púrpura soc tsaj, soc ta ts'otbil lino.

Bible in Tzeltal Bachajón

¹⁵ Ya me apas te bolsa pac' ya xc'oht ta stahn scuenta schahpanel c'op, buen ch'albil ta ts'isel; hich nix xapas te bin ut'il te efod: ha ta oro, soc ta yax, chi'in-yax soc tsajal estambre, soc ts'otbil lino.

Éxodo 28:15 Referans Kwoze

Levítico 8:8

La yac'bey ta sba te bolsa te ay ta stan, tey la yac' ochel te Urim soc te Tumim.

Éxodo 28:30

Ac'a ta yutil bolsa te Urim soc te Tumim te ya xtuunic yu'un ta sna'el sc'anjel yo'tan te Diose. Ya me yich' bael ta stan te Aarón ta stojol te Cajwaltique. Te Aarón jich me ya yich' bael ta stan spisil ora ta stojol Cajwaltic te bitic ya xtuun yu'un ta sna'el sc'anjel yo'tan a.

Éxodo 28:6

“Te efod ya me yich' jalel ta hilera pasbil ta oro soc ta stsotsil chij te bonbil ta morada, púrpura soc tsaj, soc ta ts'otbil lino, buen lec me ch'albil ta ts'isel.

Éxodo 28:4

Te c'u'il-pac'al ya yich' pasele, jich ay: sbolsa ay ta stan, efod, snajt'il c'u', te jlam xan snajt'il c'u' ta yutil te ch'albil ta ts'isele, te najt'il pac' ya xpix ta sjol te ya yich' pasel ta lino, soc te xchujq'uil xch'ujt'e. Pasaic jiche te ch'ul paq'uetic yu'un te abanquil Aarón soc te snich'nabe, swenta yu'un jich me sacerdoteetic cu'un te ya x'at'ejic ta jtojol.

Éxodo 26:1

“Pasa Nailpac' Templo ta lajunlijc' lino-pac' te lec ts'otbile, jalbil me ta stsotsil chij bonbil ta morada, púrpura soc tsaj. T'ujbil me xch'alil ta ts'isel sloc'ombail tey a te querubinetique.

Éxodo 25:7

cornalina; soc yantic t'ujbil tonetic te ya xtuun ta swenta te efod soc ta swenta te bolsa ay ta stan te muc' sacerdote.

Éxodo 28:14

Pasa junuc cadena soc cheb sc'ab ts'otbil ta puro oro. Jc'axel me ya awac' ta xch'in yawil te tonetique.

Éxodo 28:16

Cha'lam me, soc pajal me ta xchanxujc'ul te xchiquine, cheb xcha'winic (22) centímetro te jujun xujq'ue.

Éxodo 29:5

Tsaca me te c'u'iletic yu'un sacerdoteil, ac'beya slap te Aarón te snajt'il c'u' ta yutil, soc te xcha'lamal snajt'il c'u' yu'un te efod soc te bolsa ya xc'ot ta stane. Te efod soc te bolsa meybeya bael ta chuquel soc a te xchujq'uil xch'ujt'e.

Éxodo 26:36

“Ya me apasbey smajq'uil pac' ta yochibal te Nailpac', jalbil me ta stsotsil chij bonbil ta morada, púrpura soc tsaj, soc te lequil ts'otbil linoe. Buen lec me ya yich' ch'alel ta ts'isel.