Éxodo 28:14 - Bible in Tzeltal de Oxchuc y Tenejapa

¹⁴ Pasa junuc cadena soc cheb sc'ab ts'otbil ta puro oro. Jc'axel me ya awac' ta xch'in yawil te tonetique.

Bible in Tzeltal Bachajón

¹⁴ soc cheb ts'otbil cadena ta puro oro. Ya me achuc te cadenahetic ta yawil tonetic.

Éxodo 28:14 Referans Kwoze

2 Reyes 25:17

Te jujun te balal taq'uin tec'ajtique, c'axem ta waxaqueb metro stoyolil. Ta toyol ta jujun sni'il ay chajbanbil swenta xch'alil ta bronce, c'axem ta cheb metro stoyolil. Ta sjoyobal yich'oj jalbil bronce ch'albil ta sloc'ombail sit te' te granada sbiile. Ta xchebal te balal taq'uinetique, pajal xchebalic.

1 Reyes 7:17

Soc yan xan, la spas cheb jalbil taq'uin, la yac'bey sjal sba jichuc cadena. Tey la yac'bey ta jujun sjol te ay ta sni'il te muc'ul balal bronce-taq'uinetique.

Éxodo 39:15

Ta sba te bolsa ay ta stan la spasbey scadenail ta lequil oro ts'otbil jich bit'il ch'ajan.

Éxodo 28:11

Te bit'il ya x'och biililetic ta tonetic, ja' me ya spas te mach'atic yat'elinej xchajbanel te t'ujbil tonetique. Jich me ay ta pasel te bit'il ya yich' pasel sello te ch'ojtilaybil ta bojele. Pasbeya ch'in yawil pasbil ta oro te juju-jp'ij tone.

Éxodo 28:13

Te xch'in yawil ya me apas ta oro.

Éxodo 28:15

“Te bolsa ay ta stan te muc' sacerdote, ta bay ochem te bitic ya xtuun ta na'el a te sc'anjel yo'tan te Diose, jich nix me xapas te bit'il efod, ja' te bit'il buen ya yich' ch'alel ta ts'isele. Ya me yich' pasel ta hilera pasbil ta oro, ta stsotsil chij bonbil ta morada, púrpura soc tsaj, soc ta ts'otbil lino.