Éxodo 28:12 - Bible in Tzeltal de Oxchuc y Tenejapa

¹² Ac'a ta snejq'uelul te efod, melel te tonetique, swenta sna'jibal yu'unic te yal-snich'nab israeletique. Ja' swentail te ya yac' bael ta snejq'uel Aarón te sbiilic ta stojol te Cajwaltique.

Bible in Tzeltal Bachajón

¹² Ya me awac' te cheb tonetic ta snehquelic te efod scuenta sna'ojibal tonetic yu'un te snich'nab Israel. Te Aarón ya yich'be sbihilic ta schebal snehquel ta stojol Jehová scuenta sna'ojibal.

Éxodo 28:12 Referans Kwoze

Éxodo 28:29

Jich yu'un te c'alal ya x'och bael ta ch'ul awilal te Aarón, ya me slap bael te bolsa te ay bitic tey a te ya xtuun yu'un ta na'el sc'anjel yo'tan te Diose. Soc lechel me ta stan ya xbajt' sbiilic te snich'nab israeletic ta stojol te Cajwaltique. Jich me ayex ta na'el yu'un spisil ora a.

Josué 4:7

jich me ya asujt'esbeyic te sc'opique: “Ja' te c'alal c'ax ta muc'ja' Jordán te scajonil trato yu'un Cajwaltic, la scom sba ta oquinel te ja'e, jich taquej bael te slumile. Ja' swentail te tonetic te ya xtuun cu'untic ta sna'el sbajt'el q'uinal te bila c'ot ta pasel li'to”, ya me awutic —xi'.

Números 31:54

Jich yu'un te Moisés soc te Eleazar la yich'beyic te jtsobwanejetic te oro la yich'ic tele, la yich'ic bael ta Nailpac' te bay ya yich' c'oponel te Cajwaltique, swenta yu'un jich me ya sna' a te israeletique.

Números 16:40

Ja' me sjultesibal stsa c'ot te israeletic te ma me ayuc mach'a ya xju' ya xnoptsaj ta scajtijib majt'anil ta yaq'uel pom ta stojol Cajwaltic, teme ma ja'uc sts'umbal Aarón, jich me ya xc'ot ta swenta te bila c'ot ta swenta Coré soc te sjo'taque. Spisil la yich' pasel jich bit'il yalojbey mandal Cajwaltic ta stojol Eleazar ta swenta Moisés.

Levítico 24:7

Ya me awac'bey lequil pom ta juju-jchol, ya me xtuun soc ta swenta majt'anil yu'un jna'jibal. Te pom ya yich' chiq'uel swenta quich'jibal ta muc' jo'on te Ajwalilone.

Hechos 10:4

Te Cornelio la stojlinbey ta ilel sit te ch'ul abate soc bayal xiw yu'un: —¿Bila a, Cajwal? —xi' te Cornelioe. La yal te ch'ul abate: —Dios la sna'atix te bit'il ya ac'opone soc te bit'il ya aq'ueban ataq'uine.

San Lucas 1:72

Yaloj te ya xc'uxtay te namey q'uinal jme'-jtatique, soc te ma xch'ay ta yo'tan te ch'ul trato yaloje.

San Lucas 1:54

Tal scoltay te lum Israel te abat yu'une; Ma ba ch'ay ta yo'tan te ya xc'uxtaye,

Isaías 62:6

Jerusalén, ta sba ats'ajc'ul cac'oj jcanantaywanejetic, c'aal ajc'ubal ma xlaj yo'tanic ta jyalel: —Ma me xcomex ta c'op te ya ac'oponic te Cajwaltique.

Isaías 12:2

Ja' Dios te ya scoltayone, ja' smuc'ulinej co'tan, ma xiwon. Te Cajwale, ja' anjibal cu'un soc ja' me quip, ja' jcoltaywanej cu'un —xaex me.

Isaías 9:6

Melel ayinemix jtul alal cu'untic, Dios la yac'botic jtul nich'anil, ja' te ac'bil yu'el ta mandalteswanej. Ja' me sbiilic ya xc'ot: “Jchajp nax Jtojteswanej”, “Dios te bayal yip”, “Tatil sbajt'el q'uinal”, soc “Ajwalil yu'un lamal q'uinal”.

Salmos 89:19

Ta namey tel c'opojat soc ay bila la awac'bey yil ta sitic, jich la awalbey te abatetic awu'un te mach'atic jun yo'tanic ta atojole: “La jtsaix jtul ta lum cu'un, jtul te ay yip yo'tan soc te ma xiwe, toyol la caq'uix soc coltaybil cu'un.

Éxodo 28:7

Cha'jis me te paq'uetic ya sta sba ta snejq'uelul ta xcha'xujc'ul te sbae.

Éxodo 13:9

Jich me c'oem ta awo'tanic te ay smarcail ta ac'abic o ta ati'baique. Jich me ya ana'ic te ja' ya sc'an ya awalic spisil ora te mandaliletic yu'un te Cajwaltique. Melel swenta smuc'ul yu'el sc'ab te la sloq'uesotic tel ta Egipto.

Éxodo 12:14

Ja' in c'aal to ya me sc'an ya ana'ulayic, ya me apasic muc'ul q'uin jujun ja'wil, yu'un quich'jibal ta muc', jo'on te Ajwalilone. Ja' mandalil sbajt'el q'uinal te ya xc'ax ta stojol ta cajalcaj alnich'anetic.

1 Corintios 11:24

La yalbey wocol Dios yu'un. La xet' soc jich la yal: “Ila, we'aic. Ja' jbaq'uetal in to, te ya cac' ta lajel ta awentaique. Jich me xapasic bael spisil ora, yu'un tey me ya ana'onic a”, xi'.

Éxodo 28:11

Te bit'il ya x'och biililetic ta tonetic, ja' me ya spas te mach'atic yat'elinej xchajbanel te t'ujbil tonetique. Jich me ay ta pasel te bit'il ya yich' pasel sello te ch'ojtilaybil ta bojele. Pasbeya ch'in yawil pasbil ta oro te juju-jp'ij tone.

Deuteronomio 33:12

Sc'oplal Benjamín, jich la yal: —Te mach'a c'ux ta yo'tan te Cajwaltique, bin nax me yo'tan ya x'ain. Te mach'a Mero Toyole, spisil me ora ya scanantay. Ay me ta sc'ab spisil ora —xi'.

Job 31:36

ya me quich' bael, mero jun co'tan ya quich' bael; ya me jcoronain.