Éxodo 28:11 - Bible in Tzeltal de Oxchuc y Tenejapa

¹¹ Te bit'il ya x'och biililetic ta tonetic, ja' me ya spas te mach'atic yat'elinej xchajbanel te t'ujbil tonetique. Jich me ay ta pasel te bit'il ya yich' pasel sello te ch'ojtilaybil ta bojele. Pasbeya ch'in yawil pasbil ta oro te juju-jp'ij tone.

Bible in Tzeltal Bachajón

¹¹ Ya me ats'ihbabe ochel sbihilic te snich'nab Israel ta schebal tonetic hich te bin ut'il ya spas te mach'a ya'telinej spasel sello; pasbeya yawil te tonetic ta oro.

Éxodo 28:11 Referans Kwoze

Apocalipsis 7:2

Soc la quil yan ch'ul abat te moj tel ta bay sloq'uib c'aal. Yich'oj tel ta sc'ab te sello yu'un te cuxul Diose. Ja' in ch'ul abat to tulan awun ta yawtayel te chantul ch'ul abatetic te yich'oj yat'elic ta lajinwanej ta bay lum q'uinal soc ta bay te mare.

2 Timoteo 2:19

Ja'uc me to, te yiptajib yac'oj te Diose, ma'yuc ta nijq'uesel stuquel. Ay sello yich'oj te jich ya yale: “Na'bil sbaic yu'un Dios te mach'atic yu'une”, xi'. Soc ya yal: “Spisil te mach'atic ya yalic wocol ta stojol te Cajwaltique, ac'a jiluc yu'unic spisil te mulile”, xi' xan.

Efesios 4:30

Ma me xawaq'uic ta mel-o'tan te Ch'ul Espíritu yu'un te Diose, te melel ja' sello awich'ojic yu'un Dios, ja' to teme la sta sc'aalelal te jc'axel ya xcolex yu'une.

Efesios 1:13

Wocol la yal te Cristoe, te la awaiyic stojol te smelelil c'ope, ja' bi, ja' te lec yach'il c'op yu'un te jcoleltique. Soc te c'alal la ach'uunic te Cristoe, la awiq'uic te Ch'ul Espíritu te ja' aselloilic te la yal Dios te ya yac'beyexe.

Zacarías 3:9

Jo'on la cac'bey ta stojol Josué te ton te ay juqueb yelawe, jo'on nix ay bi ya jts'ibuy tey a. Ta patil ta jun nax me c'aal ya jlajinbey smul te lume.

Jeremías 22:24

Te Cajwaltic la yalbey te Jeconías snich'an Joacim, te muc' ajwalil yu'un Judá: —Te bit'il cuxulon ya awile, jich ya cal: Manchuc me jichat te bit'il jch'ocow swenta sello te ay ta swa'el jc'abe, ya jloq'uesat tel tey a,

Éxodo 39:18

Ta sba te cheb cadenaetic tey la st'iman coel tel ta xchebal yawil te tonetique. La spac' ta ts'isel ta lec ta bay xcha'jisil pac' ta yelaw efod.

Éxodo 39:13

Te xchancholole jp'ij c'anc'antic (topacio), jp'ij sac-elantic (cornalina) soc jp'ij tsajlemantic (jaspe). Te tonetique pasbil yawilic ta oro.

Éxodo 39:6

Te tonetic te cornalina sbiilic, la spasbey xch'in yawilic ta oro. Te tonetic och sbiilic tey a te israeletic, jich la yich' ch'ojtilayel ta bojel te bit'il ya yich' pasel sello.

Éxodo 28:36

“Pasa lejch'el taq'uin ta puro oro. Ya me ats'ibuy tey a in c'op to, jich me ya yich' pasel te bit'il sello: “JA' YU'UN TE CAJWALTIQUE”, xi' me.

Éxodo 28:25

Te sni'il jujun cadena, jijp'ana ta jujun yawil te tone. Ya me awac'bey sta swentail ta lec ta xcha'jisil snejq'uelul ta yelaw te efod.

Éxodo 28:21

Lajchayeb me ta jp'ij te tonetic, melel lajchayeb ta jchajp sbiil te israeletique. Te juju-jp'ij ton ya me yich' najc'anel sbiil tey a te jchajp israele. Jich me ya yich' pasel te bit'il sello te ya yich' ch'ojtilayel ta bojel, te ya x'och sbiilic tey a te lajchaychajp israeletique.

Éxodo 28:10

Xmelmon me ya awac' te bit'il ayinique. Waqueb me biilil ya x'och a te jp'ij ton, jich nix me waqueb biilil ya x'och a te yan jp'ije.

Éxodo 28:12

Ac'a ta snejq'uelul te efod, melel te tonetique, swenta sna'jibal yu'unic te yal-snich'nab israeletique. Ja' swentail te ya yac' bael ta snejq'uel Aarón te sbiilic ta stojol te Cajwaltique.

Job 19:24

Ayuc nix mach'a ya sts'ibuy ta lápiz taq'uin, ta plomo o ta ton te ma'yuc bi ora ya xtup'e.