Éxodo 27:19 - Bible in Tzeltal de Oxchuc y Tenejapa

¹⁹ Spisil te bitic ya xtuun yu'un te ch'ul awilal, ta puro bronce me ya yich' pasel. Jich nix me spisil te estacaetic ta bay spat te Nailpac' Templo soc ta bay scorralil.

Bible in Tzeltal Bachajón

¹⁹ Spisil te bintic ya xtuhun ta Nahilpac' Templo, ha chican banti ya xtuhunic, soc spisil te ts'apbil yich'o-ip yu'un te nahilpac', soc spisil te ts'apbil yich'o-ip yu'un te amac', ya me yich' pasel ta bronce.

Éxodo 27:19 Referans Kwoze

Zacarías 10:4

Tey me ya xchicnaj ta yolilic a te Ton te Yiptajib Chiquin Na ya xc'ote, tey me ya xloc' a te Estaca te Snitojibal Nailpac', soc tey me ya xloc' a te T'imalte' swenta Guerra. Tey me ya xloc' a spisilic te jwentainwanejetique.

Isaías 33:20

Ilawil te Sión, te lum yu'un te q'uinetic cu'untique; tojlina bael ta q'ueluyel te Jerusalén, ja' te lum te canantaybil stuquele. Jich me c'oem te bit'il campamento te stalel tey a, te xujt' ma sbots' te estacaetic yu'une, soc te ma xtuch' te slazoile.

Eclesiastés 12:11

Te p'ijil c'opetic yu'un te mach'atic ay sp'ijilique, jich c'oemic te bit'il chicote ya quich'tic tojtesel ae. Te c'alal yich'ojix chajbanel a, jich c'oemic te bit'il estacaetic te buen lec yich'ojic ts'apele, ts'apbil yu'un jtul nax jcanantaywanej.

Esdras 9:8

Pero ja' nix jich yo'tic, Cajwal Dios cu'untic, ta swenta yutsil awo'tan te jtsojp te ya xjilotic ta libre soc te ya awac' x'ainotic ta jnatic ta bay te ch'ul lumq'uinale. Ja'at la awaq'uix yach'il luz ta jtojoltic, la awaq'uix quich'tic ch'in jtebuc ic' te bit'il ayotic ta mozoinele.

Números 4:32

te posteetic yu'un te corral ta sjoyobal te Nailpac' Templo soc snactijibic, te estacaetic, te xchujq'uilic, soc spisil te bitic ya sc'an yu'un te at'ele. Ja'at me ya awalbey juju-jtul te bitic mero ya yich'ic baele.

Números 3:37

soc te posteetic yu'un sjoyobal te scorralil, te yiptajibic, te estacaetic soc te bitic ya xchuquic a.

Éxodo 39:40

te paq'uetic yu'un scorralil, te oyetic yu'un soc te yiptajibique; te pac' ta yochibal yamac'ul; te ch'ajanetic soc te estacaetic yu'un te scorralile, spisil te bila ya xtuunic ta swenta sna'el Dios ta ch'ul awilal, ja' te Nailpac' te bay ya yich' c'oponel Dios,

Éxodo 38:31

te yiptajibic te scorralil te Nailpac' Templo, te estacaetic yu'un, soc te yiptajibic ta sti'il te scorralile.

Éxodo 38:20

Spisil te estacaetic yu'un te Nailpac' Templo soc ta sjoyobal te scorralil pasbil ta bronce.

Éxodo 35:18

te estacaetic yu'un te Nailpac' Templo soc te scorralile, te xch'ajnulique,

Éxodo 27:3

Te bitic ya xtuun ta bay scajtijib ta chiq'uel milbil jmajt'an, spisil me pasbil ta bronce, ja' te yawil stanul, te spalail, te muc'ul tazaetic, te trincheetic soc te yawil ac'ale.

Éxodo 27:18

Te sp'isol te corral jo'eb me yoxwinic (45) metro te snajt'ile, cheb xcha'winic metro soc olil (22.5) te sjamalule, jich me ta xchebal te spate, soc cheb metro soc jo'eb xcha'winic (2.25) centímetro te stoylejale. Te paq'uetic te scorralile ts'otbil lino me, bronce me te snactijibe.

Éxodo 27:20

“Pasa ta mandal te israeletic, ac'a yich'ic tel lequil aceite te loq'uem ta sit olivo, swenta yu'un jich ma xcom ta tilel te c'ajq'uetique.