Éxodo 26:33 - Bible in Tzeltal de Oxchuc y Tenejapa

³³ Jojc'ana tey a soc te staq'uinale. Jich yu'un te scajonil trato tey me ya awac' ochel ta yutil te tsalbil ta paq'ue. Jich tsalbil ya xjil te Ch'ul Awilale, soc jtsal me ya xc'ot te Mero Ch'ul Awilale.

Bible in Tzeltal Bachajón

³³ Ya me ajohc'an te tsalul pac' ta ye'tal te ganchohetic. Ta yutil te pac' ya me awac' te scaxahul Testigo-c'op. Hich te tsalul pac' ya yac' te jtsahl ya xc'oht te Ch'ul Awilal soc jtsahl ya xc'oht te Mero Ch'ul Awilal.

Éxodo 26:33 Referans Kwoze

Levítico 16:2

Jich la yalbey te Moisese: —Albeya te abanquil Aarón, te ma me biluc nax ora ya x'och bael ta yutil ch'ul awilal ta spat te pac' t'imile, soc ma me xnoptsaj bael ta banti te yawil perdón te ay ta sba te caja, swenta yu'un jich ma xlaj a. Melel ya me xchicnajon ta ilel ta sba tocal.

Éxodo 25:16

Ac'a ochel ta yutil cajón te mandalil ya cac'bate.

1 Reyes 8:10

C'alal loq'uic te sacerdoteetic ta Ch'ul Awilal, noj ta tocal te templo yu'un te Cajwaltique.

1 Reyes 8:6

Patil te sacerdoteetic la yich'ic bael te scajonil trato yu'un Cajwaltic, la yich'ic ochel ta yutil templo c'alal ta Mero Ch'ul Awilal. C'o yaq'uic ta ye'tal xic' te sloc'omba querubinetique.

Éxodo 36:36

La slucanlabey staq'uinal ta oro, la sjoc'an tey a. La yac'bey chaneb yoyal ta acacia. La spac' ta potsel ta oro, soc la yac'bey chaneb yiptajib ta plata.

Éxodo 27:10

Jtab me yoyal soc jtab me snactijib te pasbil ta bronce. Ya me alucanlabey staq'uinal soc xch'ocowil ta plata te jujune.

Éxodo 26:32

Ya me alucanlabey staq'uinal te pasbil ta oro, tey me ya ajojc'an a. Chaneb me yoyal ya apasbey ta acacia. Ya me yich' paq'uel ta potsel ta oro, soc ay me snactijib ta plata.

Éxodo 27:21

Te Aarón soc te snich'nab ja' me ya swentainic xchajbanel te c'ajq'uetique. Ya me stilesic sjunal ajc'ubal ta jtojol jo'on te Ajwalilon, ta Nailpac' te bay ya quich' c'oponele. Ja' me ta spat te pac' smacoj scajonil te tratoe. Ja' jmandal ta sbajt'el q'uinal ta stojol te israeletic soc te sts'umbalique.

Éxodo 40:3

Te scajonil trato ac'a me ta mero yutil. T'imana c'axel te pac' te ya stsal ta olil te Nailpac' Templo.

1 Reyes 6:16

Soc ta slajibal yutil te templo te ay baluneb metro snajt'ile, la smac ta ch'ujte' yu'un cedro ta toyol c'alal ta ye'tal. La xchajban ta lec, swenta yu'un ja' me ya xtuun ta Mero Ch'ul Awilal.

2 Crónicas 3:8

La stsal ta pasel te Mero Ch'ul Awilale. Ay baluneb metro te snajt'ile, ja' nix pajal soc sjamalul te templo, soc baluneb metro te sjamalule. La smac ta lequil oro, jteb xanix ma loq'uemuc jtab ta jmil (20,000) kilo te la stuuntese.

Ezequiel 41:4

La sp'is te Mero Ch'ul Awilale, loc' lajuneb metro ta juju-jejch' sti'il. Tey ora c'opoj a, jich la yalbon: —Ja' me te Mero Ch'ul Awilal in to —xi' te winique.