Éxodo 26:1 - Bible in Tzeltal de Oxchuc y Tenejapa

¹ “Pasa Nailpac' Templo ta lajunlijc' lino-pac' te lec ts'otbile, jalbil me ta stsotsil chij bonbil ta morada, púrpura soc tsaj. T'ujbil me xch'alil ta ts'isel sloc'ombail tey a te querubinetique.

Bible in Tzeltal Bachajón

¹ Ya me apas te Nahilpac' Templo ta lajunlihc lino-pac' jalbil soc yax, chi'in-yax soc tsajal estambre, ya me apas soc querubinetic te buen t'ujbil pasbile,

Éxodo 26:1 Referans Kwoze

Éxodo 26:36

“Ya me apasbey smajq'uil pac' ta yochibal te Nailpac', jalbil me ta stsotsil chij bonbil ta morada, púrpura soc tsaj, soc te lequil ts'otbil linoe. Buen lec me ya yich' ch'alel ta ts'isel.

Éxodo 36:35

La spas te pac' te ya stsal ta maquel ta olil te Nailpac' Temploe. La sjal ta naubil stsotsil chij te bonbil ta morada, púrpura soc tsaj, soc ta ts'otbil lino. Buen t'ujbil c'ot ta ch'alel soc sloc'ombail te querubinetique.

Éxodo 26:31

“Ya me apas pac' te ya atsal ta maquel a te yutil ch'ul awilal. Jalbil me ta naubil stsotsil chij te bonbil ta morada, púrpura soc tsaj, soc ta ts'otbil lino. T'ujbil me ya yich' ch'alel ta ts'isel ta pasel sloc'ombail tey a te querubinetique.

Éxodo 25:18

Cheb sloc'ombail querubinetic ya apasbeyic, ya me atenic ta martillo ta xcha'jejch'el te smajq'uil sti'e.

Apocalipsis 21:3

Soc la caiy stojol te ay mach'a tulan c'opoj tel ta ch'ulchan te jich la yale: “Aiya awaiy stojol, Dios nainemix ta yolil te ants-winiquetique. Ayix sna ta yolilic. Ja' me lum yu'un Dios ya xc'otic, soc ja' nix Dios ya xc'ot yu'unic te Diose.

Apocalipsis 19:8

Ac'botix ta swenta slapel te lequil lino-pac' te sacleman naxe”, xiic ta c'op la caiy. Te lequil lino-paq'ue, ja' seña te bila lec spasojic ta q'uinal te mach'atic ch'ul lum yu'un te Diose.

Hebreos 9:9

Spisil in to ja' seña ta jtojoltic, jo'otic te cuxulotic ta q'uinal ta ora to. Melel te smajt'an Diose soc te milbil smajt'an te ya yich' aq'uel ta stojol Dios ta bay te temploe, ma xju' te jc'axel libre ya xc'ot yo'tanic yu'un smulic a te mach'atic jich ya yich'ic ta muc' te Diose.

Hebreos 8:2

Soc tey ayix ta at'el ta sacerdoteil ta bay te mero templo te pasbil yu'un te Cajwaltique, te ma ja'uc la spas te ants-winiquetique.

San Juan 2:21

Te templo la yale, ja' la yalbey sc'oplal te sbaq'uetale.

San Juan 1:14

Te C'opile la yich' sbaq'uetal, soc nain ta coliltic. (La quilbeytic te yutsilale, ja' te yutsilal te jip jtul Snich'an te Jtatic Diose). Nojel te yutsil yo'tane soc te bila melele.

1 Crónicas 21:29

Te Nailpac' Templo yu'un Cajwaltic te stejc'anej Moisés ta jochol taquin q'uinal soc te scajtijib ta chiq'uel smajt'ane, ayic ta toyol ch'uunjibal ta Gabaón.

1 Crónicas 17:1

C'alal nacalix ta spalacio a te David, jich la yalbey te Natán te j'alwanej yu'un Dios: —Aiya awaiy stojol, te jo'one nacalon ta jpalacio te pasbil ta cedro. Yan te scajonil trato yu'un te Cajwaltic, ma'yuc sc'oplal c'oem, pac' xanix macal stuquel a —xi'.

Éxodo 40:2

—Te sba c'aalil yu'un te u, ja' te sbabial u, ja' me ya atejc'an te Nailpac' Templo, te bay ya quich' c'oponele.

Éxodo 35:35

Nojesbil ta yo'tanic sna'el spasel biluc at'elil ta swaluyel; soc ta snopel; soc te ya xch'al ta ts'isel soc naubil stsotsil chij te bonbil ta morada, púrpura soc tsaj, soc ta t'ujbil lino; soc ya sna' sjalel biluc paq'uil te yich'oj te bila t'ujbil ta ilel soque.

Éxodo 35:6

naubil stsotsil chij bonbil ta morada, púrpura soc tsaj; ts'otbil lino; stsotsil tentsun;

Éxodo 25:8

Ya me apasbonic ch'ul awilal, yu'un tey me ya x'ainon ta awolilic.

Éxodo 25:4

naubil stsotsil chij bonbil ta morada, ta púrpura soc ta tsaj; t'ujbil lino; stsotsil tentsun;

Hebreos 9:2

Ta yutil te nailpac' temploe, Ch'ul Awilal sbiil te sba tsalale, ta banti ay te scajtijib c'ajq'uetique soc ay mesa tey a ta bay pachal ta stojol Dios te waje.

Éxodo 26:2

Pajal me sp'isol juju-jlijc' pac': Lajchayeb metro soc olil te snajt'ile, cheb metro te sjamalule.

Éxodo 35:11

Ja' te Nailpac' Templo soc te snailpac'al, te smujq'uil te snailpac'al, te staq'uinal te lucajtique, te marcoetic, te sq'uechjibal, te oyetic, te yiptajibic,

Números 3:25

Te bit'il ayic ta abatinel ta Nailpac' te bay ya yich' c'oponel te Diose, ja'ic ay ta swentaic scanantayel te ch'ul awilal, te nailpac' yu'une, te smujq'uil nujc'ul, te smajq'uil pac' te ay ta yochibal te Nailpac',

2 Samuel 7:2

Ja' yu'un te David jich la yalbey te Natán, te j'alwanej yu'un Dios: —Ila awil, te jo'on nainemon ta na te pasbil ta cedro. Yan te cajón yu'un Dios ay to nax ta na pasbil ta pac' —xi'.

Éxodo 31:7

ja' te Nailpac' te bay ya quich' c'oponele, te scajonil trato, te yawil perdón, soc ta spisil te bitic ya xtuun yu'un te Nailpac' Templo:

Éxodo 39:3

Te lejch'el oro la slich' ta martillo, la sil jich bit'il hilera, te la yich' jalel soc te stsotsil chij te bonbil ta morada, púrpura soc tsaj, soc ta ts'otbil lino.

Números 4:25

Ja' me ya yich'ic bael te paq'uetic yu'un te ch'ul Nailpac' Templo, te paq'uetic yu'un Nailpac' te bay ya quich' c'oponel, te t'ujbil nujc'uletic te smujq'uil ta sba, te smajq'uil pac' ta yochibal te Nailpac' te bay ya quich' c'oponel,

1 Reyes 6:29

Ta spisil sts'ajc'ul ta yutil te Mero Ch'ul Awilal soc ta spat la spasbey sloc'ombail querubinetic, palmaetic soc nichimetic.