Éxodo 25:8 - Bible in Tzeltal de Oxchuc y Tenejapa

⁸ Ya me apasbonic ch'ul awilal, yu'un tey me ya x'ainon ta awolilic.

Bible in Tzeltal Bachajón

⁸ Ac'a spasbonic ch'ul awilal, hich ya x'ayinon ta yohlilic.

Éxodo 25:8 Referans Kwoze

2 Corintios 6:16

¿Ya bal snujp'in sba te ya x'ain loc'ombaetic ta bay te templo yu'un te Diose? Melel ja'ex temploex yu'un te cuxul Diose, jich te bit'il la yal te Diose: “Ya me xnainon ta yolilic, tey me ya xbeenon a. Jo'on Dioson yu'unic soc lum cu'un ya me xc'otic”, te xie.

Apocalipsis 21:3

Soc la caiy stojol te ay mach'a tulan c'opoj tel ta ch'ulchan te jich la yale: “Aiya awaiy stojol, Dios nainemix ta yolil te ants-winiquetique. Ayix sna ta yolilic. Ja' me lum yu'un Dios ya xc'otic, soc ja' nix Dios ya xc'ot yu'unic te Diose.

1 Reyes 6:13

Ja' te ya me x'ainon ta yolil te israeletic, soc ma ba ya jpijt'es te Israel te lum cu'une —xi'.

Éxodo 29:45

Tey me ya x'ainon ta yolilic te israeletic, jo'on me Dioson yu'unic.

Zacarías 2:10

Te Cajwaltic tulan ya yal: —Ja'ex yajwalex Jerusalén, c'ajinanic ta swenta yutsil q'uinal awaiyic, melel ya me xtalon ta nainel ta awolilic —xi'.

Hebreos 3:6

Yan te Cristo te ja' Snich'an te Diose, jun nax yo'tan swentainej te snae, ja' bi ja' te jo'otic teme jc'axel jun co'tantic ta stojol c'alal ta slajibal c'aal, soc teme bin nax co'tantic ta smaliyel te jcoleltique.

Zacarías 8:3

Ya me xcha'sujt'on xan bael ta nainel ta Jerusalén, tey me ya xnainon a. Ja' yu'un te Jerusalén, “Lum-Jun-Yo'tan”, xi' me sbiil ya xc'ot. Te wits yu'un Cajwaltic te Spisil ya xju' yu'une, “Ch'ul Wits” me sbiil ya xc'ot.

Isaías 12:6

Awunanic yu'un sbujts' awo'tanic, ja'ex te yajwalex Sión, melel te Ch'ul Dios yu'un Israel, ay ta awolilic te ja'exe soc spisil te smuc'ul yu'ele”, xaex me ta c'ayoj.

Números 5:3

Ac'a sloq'uesic bael ta campamento teme winiquetic o teme antsetic. Jich me lec sc'oplal ya xjil a te campamento ta bay nainemon ta yolilique —xi' te Cajwaltique.

Levítico 21:12

Ma me xju' ya xloc' ta ch'ul awilal cu'un, soc ma me xyac' pejc'ajuc yutsil sc'oplal te ch'ul awilal, melel ja' c'oem ta sjol te aceite swenta ch'ultesel cu'un. Jo'on Ajwalilon.

Levítico 4:6

Tey me ya xc'o yajts'es ta ch'ich' a te yal sc'abe, ya me stsijts'an juqueb buelta ta jtojol jo'on te Ajwalilone, tey me ya stsijts'an bael ta stojol te pac' macal a te Mero Ch'ul Awilale.

Éxodo 15:2

Ja' yu'un ya jc'ajintay te Cajwale, ja' quip soc ja' Jcoltaywanej. Ja' Dios cu'un, cajal yutsil sc'oplal, ja' Dios yu'un te jtate, muc' sc'oplal stuquel.

Levítico 10:4

Te Moisés la yic' tel te Misael soc Elzafán, snich'nab Uziel, stajun Aarón, jich la yalbey: —La', loq'uesaic bael ta ch'ul awilal te awermanotac te lajemiquixe, loq'uesaic bael ta spat campamento —la yut.

Hechos 7:44

“Te c'alal ay ta muc'ul jochol taquin q'uinal te antiguo tatiletic cu'untique, yich'ojic te nailpac' yu'un te tratoe. Jich la yich' pasel te bit'il la yal Dios ta stojol te Moisés te ac'bot yil seña te bi yilel ya spase.

Éxodo 29:46

Jich me ya sna'ic te jo'on Ajwalilon te Dioson yu'unique. La jloq'ues tel ta Egipto yu'un ya x'ainon ta yolilic jo'on te Ajwalilon te Dioson yu'unique.

Levítico 26:11

“Jo'on me ya xnainon ta awolilic, ma ba ya jch'ayex ta co'tan.

Deuteronomio 12:11

ja' meix yorail a te ya stsa jun yawil sbiil te Cajwaltic te Dios cu'untique. Jich me ya awac'beyiquix spisil a te bi la calbeyex te ya awac'beyique: ja' te milbil chambalametic te ya yich' chiq'uel ta swenta yich'el ta muc' awu'unique, te jun ta slajunebal abiluc, soc abiluquic swenta patanil awu'unic, soc spisil te bitic buen t'ujbil tsabil te jc'axel awalojic ta stojol te Cajwaltique.

Josué 22:31

Jich yu'un te Finees, snich'an sacerdote Eleazar, la yalbey: —Yo'tic c'otix ta co'tantic te sjoinejotic te Cajwaltique, te melel ma'yuc ta awo'tanic te toybail ta stojol. Jich ma jtatic castigo yu'un te Cajwaltique —xi'.

Éxodo 15:17

Ja'at Cajwal, ic'awotic bael, ac'a ainucotic ta ch'ul wits awu'un, te la atsa ta bay ya xnainate, ta ch'ul awilal te la awac' ipajuque.

1 Crónicas 22:19

Jich yu'un pasaic yo'tic te jun awo'tanic ta sna'ulayel te Cajwaltic Dios awu'unique. Ac'a abaic ta spasel te ch'ul templo yu'un te Cajwaltic, swenta yu'un ya me yich' c'asesel ta templo te scajonil trato yu'un, soc te bitic ch'ultesbil yu'un te Diose —xi' te David.

Ezequiel 37:26

Ya me jpas trato soc, swenta yu'un ay me lamal q'uinal ya yaiyic ta nainel spisil ora. Sbajt'el me q'uinal ay sc'oplal te trato ya jchap soque. Ya cac' esmajuc yajtalulic; sbajt'el me q'uinal ya cac' ta yolilic te ch'ul templo cu'une.

Ezequiel 37:28

Sbajt'el me q'uinal ay ta yolilic te ch'ul templo cu'une, te yantic nacionetic ya me sna'ic te jo'on jtsaoj yu'un ch'ul lum cu'un te Israel’, xi' me”, uta me —xi' te Cajwaltique.

Ezequiel 43:7

jich la yal: —Ja' yawil jmuc'ul jnactijib in to, ja' yawil te banti ya cac' cacan. Li' me ya xnainon ta yolil israeletic sbajt'el q'uinal. Ni ja'uquic soc te muc' ajwaliletic yu'unic te ya xju' ya sboltesbonic sc'oplal te jch'ul-biile, ta scaj te ma junuc yo'tanic ya yac' sbaic ta jtojole. Ma me ba ya spasbeyiquix sna'jibal ts'ajc'ul te muc' ajwaliletic yu'un te c'alal lajemiquix ae,