Éxodo 25:22 - Bible in Tzeltal de Oxchuc y Tenejapa

²² Tey me ya jta jbajtic ta c'op ta sba te smajq'uil sti' ta yolil te cheb querubinetic te ay ta sba scajonil te trato. Tey me ya cac'bat ana' spisil a te bila mandal ya calbat yu'un te israeletique.

Bible in Tzeltal Bachajón

²² Tey ya jta jbahtic a ta sba te yawil stahel perdón, ta yohlil te cheb querubinetic te ay ta sba te scaxahul Testigo-c'op, tey ya calbat a spisil te jmandar yu'un te snich'nab Israel.

Éxodo 25:22 Referans Kwoze

Números 7:89

C'alal och bael Moisés ta Nailpac' te bay ya yich' c'oponel te Cajwaltic, te yu'un ya sc'opone, la yaiybey stojol te ya xloc' tel sc'op tey ta sba cajón yu'un trato, ta yolil sloc'omba te querubinetique.

Isaías 37:16

—Cajwal te Spisil ya xju' awu'une, Diosat yu'un Israel te tey ay amuc'ul nactijib ta sba te querubinetic, ja'at nax Diosat atuquel, yu'un ay ta awenta spisil te mach'atic ya xmandalaj ta balumilal; ja'at la achicnantes ch'ulchan balumilal.

Salmos 80:1

Jcanan-chijat ta stojol Israel, te ya awic' ta beel te José, jich ya awic' ta beel te bit'il jtsojp chijetique, ja'at te ay amuc'ul nactijib ta sba querubinetic, aiybon awaiy jc'op. Lecuc me ta asit te Efraín,

2 Reyes 19:15

Jich la yal: —Cajwal te Diosat yu'un te israeletique, te ay amuc'ul nactijib ta sba te querubinetique, ja'at nax atuquel Diosat te ya apas mandal ta stojol spisil te muc' ajwaliletic ta balumilale, ja'at la apas te ch'ulchan soc te balumilale.

1 Samuel 4:4

Jich nix la spasic a te israeletique. La sticunic jchajp soldadoetic, bajt'ic ta Silo. La yich'ic tel te scajonil trato yu'un Cajwaltic te Spisil ya xju' yu'une, te nacal ta sba te sloc'ombail querubinetic. Te Ofni soc Finees, xchebal snich'nab Elí, sjoinejic te scajonil trato yu'un te Diose.

Números 17:4

Ya me awac' spisil sbastonic ta Nailpac' te bay ya quich' c'oponel ta stojol te scajonil trato te tey ya ataonic ae.

Levítico 16:2

Jich la yalbey te Moisese: —Albeya te abanquil Aarón, te ma me biluc nax ora ya x'och bael ta yutil ch'ul awilal ta spat te pac' t'imile, soc ma me xnoptsaj bael ta banti te yawil perdón te ay ta sba te caja, swenta yu'un jich ma xlaj a. Melel ya me xchicnajon ta ilel ta sba tocal.

Salmos 99:1

Te Cajwaltic ja' muc' ajwalil stuquel; ya xnijc' te lumetic yu'une; Nacal ta smuc'ul nactijib ta sba te querubinetique. Ya xnijc' te lumetic soc spamal balumilal.

2 Samuel 6:2

Jajch' bael ta Baala ta Judá soc te soldadoetic sjoineje. La yich' jajch'el tey a te cajón yu'un Dios, ja' te banti ya yich' alel wocol te Cajwaltic te Spisil ya xju' yu'une, te nacal ta sba te querubinetique.

Éxodo 30:36

Buen lec me ya ajuch' oliluc. Ac'a me ta stojol scajonil trato ta Nailpac' te bay ya quich' c'oponele. Ja' te pom, mero cu'un me ya awaiy ta awo'tanic te ja'exe.

Éxodo 30:6

Ac'a ta bay yelaw te pac' macal a te scajonil trato, ta stojol te yawil perdón te bay ya jta jbajtic ta c'ope.

Jueces 20:27

Ja' yorail ay ta Betel a te scajonil trato yu'un Dios, soc te sacerdote yu'un, ja' te Finees, te snich'an Eleazar soc ja' smam te Aarón. Te israeletic la sjojc'obeyic te Cajwaltic: —¿Ya to bal xju' ya cac'beytic guerra te quermanotactic sts'umbal Benjamín, o ja' bal lec jichuc jiluc te bit'il la stsalotique? —xiic. Te Cajwaltic la yal: —Baan ac'beyaic guerra, pajel ya cac'beyex ta ac'abic —xi'.

Salmos 90:1

Cajwal, ja'at jcanantaywanejat cu'untic te jaycaj yacalotic ta c'axel ta q'uinale.

Levítico 1:1

Te Cajwaltic c'opoj c'alal ta Nailpac' te banti ya yich' c'oponel, la yic' te Moisés, jich la yalbey:

Éxodo 31:18

Te c'alal laj yo'tan ta c'op soc Moisés ta wits Sinaí te Cajwaltic, la yac'bey ta sc'ab te cha'pejch' ton te ay mandaliletic tey a, te sts'ibuyej ta sc'ab stuquel te Diose.

Éxodo 31:6

Ja' me jcoltaywanej ya xc'ot yu'un te Aholiab te snich'an Ahisamac, te sts'umbal Dan. Soc spisil mach'atic te ay sp'ijilic yu'un te at'ele, ya to jtoyesbey xan te sp'ijilique. Jich me ya xju' spasel yu'unic spisil te bit'il calojbat mandal:

Éxodo 20:24

Pasbonic scajtijib ta chiq'uel jmajt'an ta ts'ubil lum. Milbonic jmajt'anin te achambalamique, ja' te achijic soc te awacaxique. Ay me ya achic'bonic jmajt'anin scojt'ol, soc ay me ya amilbonic jmajt'anin swenta seña te lamal-o'tanile. Ya xtalon ta jujun awilal te bay ya sc'an co'tan te ya ana'ulayone, tey me ya cac'beyex bendición a.

Génesis 18:33

Jich laj yo'tan ta c'op soc Abraham te Cajwaltique, jajch' ta beel. Yan te Abraham sujt' bael ta snailpac'.

Éxodo 27:21

Te Aarón soc te snich'nab ja' me ya swentainic xchajbanel te c'ajq'uetique. Ya me stilesic sjunal ajc'ubal ta jtojol jo'on te Ajwalilon, ta Nailpac' te bay ya quich' c'oponele. Ja' me ta spat te pac' smacoj scajonil te tratoe. Ja' jmandal ta sbajt'el q'uinal ta stojol te israeletic soc te sts'umbalique.

1 Crónicas 13:6

Te David joinot moel yu'un spisil te Israel ta Quiriat-jearim, te Baala yan sbiile, te ay ta sq'uinal Judá, ta swenta sc'asesel bael te cajón yu'un te Diose. Ja' te cajón te bay ya yich' c'oponel te Cajwaltic, te tey ay snactijib ta sba te querubinetique.

Salmos 80:2

te Benjamín soc te Manasés. Cuxa awo'tan, la', coltayawotic ta awu'el.

Ezequiel 43:6

Te winique tal stejc'an sba ta jts'eel, soc la caiy te la sc'oponon tel c'alal ta templo te Cajwaltique,