Éxodo 25:16 - Bible in Tzeltal de Oxchuc y Tenejapa

¹⁶ Ac'a ochel ta yutil cajón te mandalil ya cac'bate.

Bible in Tzeltal Bachajón

¹⁶ Ya me awotses ta scaxahul te chapbil-c'op te Testigo-c'op te ya ca'bate.

Éxodo 25:16 Referans Kwoze

1 Reyes 8:9

Te yutil te cajón ma'yuc yantic bila ay tey a, ja' nax tey a te cha'pejch' tonetic la yac' ochel Moisés ta wits Horeb. Ja' te cha'pejch' tonetic swenta trato te la spas te Cajwaltic soc israeletic te c'alal loq'uic tel ta Egipto.

Deuteronomio 31:26

—Ila, tsacaic te libro yu'un mandaliletic in to. Ac'aic ta xujc' te scajonil te trato yu'un te Cajwaltic Diose, swenta yu'un tey me ya x'ain a, soc swenta yu'un ja' me testigo ta atojolic.

Hebreos 9:4

Ay scajtijib xchic'jibal pom tey a te pasbil ta oro, soc tey ay a te xcaxail trato pasbil ta ch'ujte' te potsbil ta oro. Tey q'uejbil ta yutil caxa te jarra te pasbil ta oro te nojel ta maná, soc te sbastón Aarón te puline, soc te cha'pejch' ton te ts'ibubil jilel tey a te tratoe.

Éxodo 16:34

Jich nix la spasic te bit'il mandal albot yu'un Cajwaltic te Moisese. Te Aarón tey la yac' ta oxom ta bay sts'eel scajonil te trato swenta yu'un ya me yich' q'uejel.

Romanos 3:2

Ay na'ax, soc ay bayal ta jten sc'oplal. Te sbabiale, ja' te bit'il ja' ac'bot ta sc'abic te sc'op Diose.

Hechos 7:44

“Te c'alal ay ta muc'ul jochol taquin q'uinal te antiguo tatiletic cu'untique, yich'ojic te nailpac' yu'un te tratoe. Jich la yich' pasel te bit'il la yal Dios ta stojol te Moisés te ac'bot yil seña te bi yilel ya spase.

2 Reyes 11:12

Jich te Joiada la sloq'ues tel te snich'an ajwalile. La yac'bey ta sjol te corona, soc la yac'bey ta sc'ab te yantic seña muc' ajwalile. C'alal la smalbey aceite ta sjol, la yal te ochix ta muc' ajwalile. Ora jajch' spac' sc'abic ta spisilic soc awunic: —¡Viva muc' ajwalil! —xiic.

Números 17:4

Ya me awac' spisil sbastonic ta Nailpac' te bay ya quich' c'oponel ta stojol te scajonil trato te tey ya ataonic ae.

Éxodo 38:21

Ta swenta smandal te Moisés soc te jtsobwanej Itamar snich'an te sacerdote Aarón, te levitaetic la yich' ajtayel te jaychajp taq'uinetic te pastaj a te Nailpac' yu'un trato.

Éxodo 34:29

Jich coj tel Moisés ta wits Sinaí. La yich' coel tel ta wits te cha'pejch' ton yu'un te mandaliletique. Te c'alal coj tel ta wits ma la sna' stojol teme xojobajem yelaw te bit'il la sjoin sba ta c'op soc te Cajwaltique.

Éxodo 32:15

Jich yu'un te Moisés coj tel ta wits. La yich' tel ta sc'ab te cha'pejch' ton yu'un te mandaliletic te xchebal spat ts'ibubile.

Éxodo 31:18

Te c'alal laj yo'tan ta c'op soc Moisés ta wits Sinaí te Cajwaltic, la yac'bey ta sc'ab te cha'pejch' ton te ay mandaliletic tey a, te sts'ibuyej ta sc'ab stuquel te Diose.

Éxodo 30:36

Buen lec me ya ajuch' oliluc. Ac'a me ta stojol scajonil trato ta Nailpac' te bay ya quich' c'oponele. Ja' te pom, mero cu'un me ya awaiy ta awo'tanic te ja'exe.

Éxodo 30:6

Ac'a ta bay yelaw te pac' macal a te scajonil trato, ta stojol te yawil perdón te bay ya jta jbajtic ta c'ope.

Éxodo 27:21

Te Aarón soc te snich'nab ja' me ya swentainic xchajbanel te c'ajq'uetique. Ya me stilesic sjunal ajc'ubal ta jtojol jo'on te Ajwalilon, ta Nailpac' te bay ya quich' c'oponele. Ja' me ta spat te pac' smacoj scajonil te tratoe. Ja' jmandal ta sbajt'el q'uinal ta stojol te israeletic soc te sts'umbalique.

Éxodo 25:21

Macbeya coel sti' a te cajone. Tey me ya awac' ochel a te mandalil te ya cac'bate.

Éxodo 26:33

Jojc'ana tey a soc te staq'uinale. Jich yu'un te scajonil trato tey me ya awac' ochel ta yutil te tsalbil ta paq'ue. Jich tsalbil ya xjil te Ch'ul Awilale, soc jtsal me ya xc'ot te Mero Ch'ul Awilale.

Éxodo 40:20

Jich yu'un te Moisés la stsac te cha'pejch' ton yu'un te mandaliletic, la yac' ta yutil scajonil trato. La yac'bey te sq'uechjibal soc te yawil perdón ta sba. La yich' bael ta mero yutil te ch'ul awilale. La st'iman c'axel te pac' te ya stsal ta olile, jich la smac a te cajone, jich bit'il yaloj mandal te Cajwaltique.

Josué 4:16

—Pasa ta mandal te sacerdoteetic te sq'uechojic te scajonil trato, ac'a loc'uc bael spisilic ta yolil Jordán —xi' te Diose.

2 Crónicas 23:11

Te Joiada soc te snich'nab la sloq'uesic tel te snich'an muc' ajwalil, la yac'beyic scorona soc señailetic ta muc' ajwalil. Te c'alal laj yo'tanic ta smalel aceite ta sjol, jajch'ic ta yawtayel te muc' ajwalile: “¡Viva muc' ajwalil!” xiic ta aw.