Éxodo 25:12 - Bible in Tzeltal de Oxchuc y Tenejapa

¹² Ya me apasbey xch'ocowil ta oro, cheb me xawac'bey ta jujun xujc' yacan.

Bible in Tzeltal Bachajón

¹² Pasbeya chaneb sch'ocowil ta uhltesbil oro te yac awac' ta schanebal xuhc, chebcheb sch'ocowil ta jujujehch.

Éxodo 25:12 Referans Kwoze

Éxodo 38:7

Jich la xij c'axel ta xch'ocowil spasojbey loq'uel ta xch'ujt' te scajtijib ta chiq'uel milbil majt'anile, jich ya xju' ta q'uechel bael a. Te scajtijib majt'anile pujul te yutile, ta te' la spas.

Éxodo 37:5

La xij c'axel ta ch'ocowetic ta juju-jejch' te cajón, swenta yu'un ya sq'uechic bael a.

Éxodo 27:7

Te ste'el sq'uechjibale tey me ya axij c'axel ta ch'ocowiletic yu'un te ay ta jujun xujc' te scajtijib ta chiq'uel jmajt'ane, swenta yu'un jich me ya yich' bael q'uechel a.

Éxodo 26:29

Ja'uc me to, ya me apac'bey ta potsel ta oro te marcoetic soc pasbeya ch'ocowiletic ta oro. Jich me xapac'bey ta potsel ta oro te ste'ele. Ya me axij c'axel ta bay te ch'ocowiletique.

Éxodo 25:26

Ya me apasbey chaneb xch'ocowil. Jujun ya awac'bey xch'ocowil te jujun xujc' xchiquin ta stojol te yacane, jich me ta xchanebal.

Éxodo 25:15

Ma me xaloq'ues te ya axij c'axele, jich me ac'a jiluc ta xch'ocowil te cajone.

Éxodo 25:11

Ya me apac'bey ta potsel ta jayal oro ta yutil soc ta spat ta swolol. Ya me abech'bey pimil oro ta xch'ujt' ta sjoyobal.

Éxodo 25:13

Ya me apasbey cheb ste'el ta acacia swenta sq'uechjibal te ya axij c'axele. Ya me apac'bey ta potsel ta jayal oro te ste'ele.

Éxodo 39:16

La spasbeyic cheb yawil tonetic ta oro, soc xch'ocowil ta oro. La yac'beyic xch'ocowil ta sba juju-jejch' ta sba te bolsa ay ta stane.