Éxodo 25:10 - Bible in Tzeltal de Oxchuc y Tenejapa

¹⁰ “Pasa jun cajón ta acacia. Te sp'isole jun metro soc lajuneb centímetro te snajt'ile, jo'eb xchanwinic (65) centímetro te sjamalule, soc jo'eb xchanwinic (65) centímetro te stoylejale.

Bible in Tzeltal Bachajón

¹⁰ Ya me spasic scaxahul te chapbil-c'op ta acacia-te', j'ohlil yoxeb xuhc'ubil snahtil, j'ohlil scheb xuhc'ubil sjamalil, soc j'ohlil scheb xuhc'ubil stoyolil.

Éxodo 25:10 Referans Kwoze

Hebreos 9:4

Ay scajtijib xchic'jibal pom tey a te pasbil ta oro, soc tey ay a te xcaxail trato pasbil ta ch'ujte' te potsbil ta oro. Tey q'uejbil ta yutil caxa te jarra te pasbil ta oro te nojel ta maná, soc te sbastón Aarón te puline, soc te cha'pejch' ton te ts'ibubil jilel tey a te tratoe.

Apocalipsis 11:19

Jich jam te templo yu'un Dios te ay ta ch'ulchane. Tey la quil a te xcaxail te trato te ay ta yutil te temploe. Soc chicnaj jajch'el tsantsewal soc ay bila yac ta bul ta c'op la caiy soc tal tulan chawuc, soc tulan nijq'uel, soc tal tulan bat.

2 Crónicas 8:11

Te Salomón la yic' loq'uel te yantsil-nich'an faraón ta Lum-yu'un-David, ba yac' ta spalacio te la spasbeye, yu'un la snop te ma xju' ya xnain yinam ta palacio yu'un David te anima muc' ajwalil yu'un Israel, melel te awilaletic ta bay c'ax ta ainel te cajón yu'un Cajwaltic, ch'ulajemic yu'un.

Éxodo 35:12

te scajonil trato soc te sq'uechjibal, te yawil perdón, te pac' ya smac a te cajone,

Números 3:31

Te mach'atic pajal sbiilic ja' ay ta swentaic scanantayel te scajonil trato, te mesa, te scajtijib c'ajq'uetic, te cheb scajtijib majt'aniletic soc te bitic ch'ultesbil te ya xtuun ta yorail yich'el ta muc' Dios, te pac' te ya smac ta olilal te ch'ul awilal, soc spisil te sbiluquil te ayic ta tuuntesele.

Números 4:5

Te c'alal ya xjajch'iquix ta beel te israeletique, te Aarón soc snich'nab ya sloq'uesic te pac' ya smac ta olil te ch'ul awilal, ja' me ya smuquic bael a te scajonil trato.

Éxodo 31:7

ja' te Nailpac' te bay ya quich' c'oponele, te scajonil trato, te yawil perdón, soc ta spisil te bitic ya xtuun yu'un te Nailpac' Templo:

Éxodo 39:32

Ju' ta pasel te Nailpac' Templo yu'un Dios, ja' te Nailpac' te bay ya yich' c'oponel te Diose. Te israeletic jich nix c'ot ta pasel yu'unic spisil te bit'il yaloj mandal te Cajwaltic ta stojol Moisés.

Números 4:6

Ta sba ya me smuquic xan bael ta t'ujbil nujc'uletic. Ta sba xan te nujc'ule, ya me slimbeyic morada pac' te jlijc' nax aye. Ya me xijbeyic c'axel te ste'el sq'uechjibale.