Éxodo 24:18 - Bible in Tzeltal de Oxchuc y Tenejapa

¹⁸ Och bael Moisés ta yolil te tocale, mo xan bael ta wits. Tey jalaj cha'winic c'aal soc cha'winic ajc'ubal a.

Bible in Tzeltal Bachajón

¹⁸ Te Moisés och bahel ta yohlil te tocal soc mo xan bahel ta wits. Tey halaj a te Moisés cha'winic (40) c'ahc'al soc cha'winic ahc'abal.

Éxodo 24:18 Referans Kwoze

Deuteronomio 9:9

Te jo'one moon bael ta wits, ja' ba quich' tel te cha'pejch' tonetic, ja' te pejch'el tonetic yu'un te trato la spas ta atojolic te Cajwaltique. Tey jalajon cha'winic (40) c'aal soc cha'winic (40) ajc'ubal a, xujt' ma ba we'on.

Deuteronomio 10:10

“Cha'winic (40) c'aal soc cha'winic (40) ajc'ubal jalajon ta wits, jich nix jalajon te bit'il jalajon ta sbabiale. Soc la yaiybon jc'op te Cajwaltic, jich ma ba la slajinex ta jc'axel.

Éxodo 34:28

Te Moisés la sjoin te Cajwaltic cha'winic c'aal soc cha'winic ajc'ubal. Mero ma ba we', soc ma'yuc bi la yuch' tey a. La sts'ibuy tey a ta pejch'el tonetic te c'opetic yu'un te trato, ja' te lajuneb mandaliletique.

Deuteronomio 9:25

Te bi ora la yal te Cajwaltic te jc'axel ya slajinexe, la jtinan jba coel c'alal ta lum ta stojol Cajwaltic cha'winic (40) c'aal soc cha'winic (40) ajc'ubal.

Deuteronomio 9:18

Patil la jtinan jba coel c'alal ta lum ta stojol te Cajwaltique, jich nix te bit'il la jpas ta neelal toe. Cha'winic (40) c'aal soc cha'winic (40) ajc'ubal ma'yuc bi la jwe'elin. Jich la jpas ta scaj te mulil la apasique. Jich la awuts'inbeyic yo'tan te Cajwaltique, soc la awac' ilinuc ta atojolic.

San Lucas 4:2

Tey ain cha'winic c'aal a, soc tal ta ilel yo'tan yu'un te pucuje. Xujt' ma ba we' te jich yipal c'aal tey ae. Patil la yaiy wi'nal.

San Marcos 1:13

Cha'winic c'aal ilbot yo'tan tey a yu'un te Satanase. Te Jesús ja' nax sjoinej tey a te ja'mal chambalametique, soc tal yac' sbaic ta abatinel yu'un te ch'ul abatetique.

San Mateo 4:2

Te c'alal la spas ayuno cha'winic c'aal soc cha'winic ajc'ubal te Jesuse, la yaiy wi'nal.

1 Reyes 19:8

Te Elías jajch', och ta we'el ta uch'ajel. Te we'elil ac'bot yip yu'un, been cha'winic (40) c'aal soc cha'winic (40) ajc'ubal, ja' to c'ot c'alal ta Horeb, ja' te wits yu'un te Diose.

Éxodo 24:17

Te xojobil Cajwaltic jul ta stojolic te israeletique. Jich chicnaj tel ta sitic ta bay mero slajibal sjol te wits jich bit'il c'ajc' te ya xlajinwan te yipe.

Éxodo 19:20

Te Cajwaltic tey coj tel a ta bay slajibal jol wits Sinaí. Albot te Moisés te ya xmo bael tey a ta ba ay te Diose. Jich mo bael te Moisés.

Éxodo 9:33

C'alal loc' bael Moisés ta lum, te loc' bael ta stojol te faraón, la stoy sc'ab ta sc'oponel te Cajwaltique. Jich ora nax a com te bat soc te ja'ale. Jich ch'ay c'axel te chawuque.

Éxodo 9:29

Te Moisés la sjac': —Ja' nax teme loc'on bael a ta lume, ya me jtoy jc'ab ta sc'oponel te Cajwale. Jich me ya xcom te bat soc te chawuque. Pero tey me ya ana' a te spamal q'uinal ja' yu'un te Cajwale.

Proverbios 28:1

Te mach'a amen yo'tan ya x'an bael, manchuc me ma'yuc mach'a ya xnutsot yu'un; yan te mach'a toj yo'tane, jun yo'tan ay jichuc león-choj.

Éxodo 25:1

Te Cajwaltic, jich la yalbey te Moisese:

Éxodo 32:1

Ja'uc me to, c'alal la yil te israeletic te ma ba coj tel ta wits ta ora te Moisés, la stsob sbaic tel ta stojol Aarón, jich la yalbeyic: —Jajch'an, pasbotic diosetic cu'untic te ya xneelaj bael cu'untic, melel te Moisés te la sloq'uesotic tel ta Egipto ma jna'tic bila la spas —xiic.

1 Reyes 19:11

Te Cajwaltic jich albot yu'un: —Loc'an tel ta fuera, tey xatejc'an aba ta jtojol, ta sba te witse —xi' sc'oplal. Ja' nix yorail a c'ax te Cajwaltique. Tal mero tulan ic' soc buen tulan yip te la swuy te witstiquile soc wuy te tonetic ta stojol Cajwaltic, pero te Cajwaltic ma ba tey ay a ta iq'ue. C'alal c'axix a te iq'ue, tal nijq'uel, pero ja' nix jich ma ba tey ay a te Cajwaltic ta nijq'uele.

Deuteronomio 5:31

Yan te ja'ate ya me xjilotic li'to, ya me calbat awaiy spisil ta jchajp te mandaliletic cu'un soc te bitic chapale, swenta yu'un ya me awac'bey snopic, soc ya me spasic bael spisil ora ta lumq'uinal te ya cac'bey yu'uninique”, xi' te Cajwaltique.