Éxodo 24:12 - Bible in Tzeltal de Oxchuc y Tenejapa

¹² Te Cajwaltic, jich la yalbey te Moisese: —Moan tel ta wits ta banti ayon, tey me ya amaliyon a. Yu'un ya cac'bat pejch'el tonetic te tey ts'ibubil cu'un a te mandaliletic swenta sp'ijtesjibal te israeletique —xi'.

Bible in Tzeltal Bachajón

¹² Te Jehová hich la yalbe te Moisés: Mohan tal ta jtojol ta wits, tey yac amahliy a, ya ca'bat pehchel tonetic te banti ts'ihbabil cu'un te ley soc te mandariletic scuenta sp'ijubteselic, xchi.

Éxodo 24:12 Referans Kwoze

Deuteronomio 5:22

“Ja' te c'opetic la yal ta tulan te Cajwaltic te c'alal c'opoj ta yolil c'ajc' soc ta yolil pimil tocal. Ja' te c'alal stsoboj sbaic spisilic ta ye'tal te witse. Te c'alal laj yo'tan ta c'ope, tey ma'yuquix bila yan la yal a. Te c'opetic la sts'ibuy ta cha'pejch' tonetic. C'alal ju' yu'un, la yac'bon ta jc'ab.

Éxodo 31:18

Te c'alal laj yo'tan ta c'op soc Moisés ta wits Sinaí te Cajwaltic, la yac'bey ta sc'ab te cha'pejch' ton te ay mandaliletic tey a, te sts'ibuyej ta sc'ab stuquel te Diose.

Hebreos 9:4

Ay scajtijib xchic'jibal pom tey a te pasbil ta oro, soc tey ay a te xcaxail trato pasbil ta ch'ujte' te potsbil ta oro. Tey q'uejbil ta yutil caxa te jarra te pasbil ta oro te nojel ta maná, soc te sbastón Aarón te puline, soc te cha'pejch' ton te ts'ibubil jilel tey a te tratoe.

2 Corintios 3:3

Jamal chican ta ilel te ja' cartaex te ts'ibubil yu'un te Cristoe te la yac' ta jwentatique. Ma ja'uc ts'ibubilex ta tinta, ja' ts'ibubilex a te Espíritu yu'un te cuxul Diose. Ma ja'uc ch'ojtilaybil ta ts'ibuyel ta bay pejch'el tonetic, ja' la yich'ix ch'ojtilayel ta ts'ibuyel ta awo'tanic.

Jeremías 31:33

Ja' in to ja' te trato ya jpas soc Israel c'alal ya sta sc'aalelal: Ya jts'ibubey ta yo'tanic te jmandale, soc ya me cac'bey ta sjolic. Jo'on me Dioson yu'unic, soc ja'ic me lum cu'un. Jo'on Ajwalilon, jich ya cal.

2 Corintios 3:7

Te mandalil yu'un Moisés te ay lajel ta swenta, la yich' ch'ojtilayel ta ts'ibuyel ta pejch'el tonetic. Te c'alal jich yac ta c'oel ta pasele, ay bayal xojobil te yutsilale. Jich te israeletique ma ju' yu'unic yilel sit yelaw te Moisese, yu'un bayal xojobajem te site. Ja'uc me to, c'unc'un tup' te xojobile. Teme jich ay yutsilal te mandaliletic te ay lajel ta swentae,

Deuteronomio 4:14

Jo'on la spason ta mandal te ya cac'beyex anopic te mandaliletic soc te bitic chapale, te ja' ya apasic te banti lumq'uinalil ya xc'o awu'uninique.

Éxodo 24:18

Och bael Moisés ta yolil te tocale, mo xan bael ta wits. Tey jalaj cha'winic c'aal soc cha'winic ajc'ubal a.

Éxodo 24:15

C'alal laj yo'tan ta c'op te Moisés, mo bael ta wits. Te witse potsbil yu'un te tocale.

Éxodo 24:2

Ja'at nax me atuquel ya xtalat ta jtojol, ma me xtal stuquel te yantique. Ma me sjoinex moel tel te lume —xi'.

San Mateo 5:19

Jich yu'un te mach'a ya xc'axintay jp'aluc te mandalile, manchuc teme ch'in jteb nax sc'oplale, soc teme jich ya yac'bey snop te ants-winiquetique, ch'in jxujt' me ya x'ilot ta banti ay ta ajwalinel te Dios ta ch'ulchane. Ja'uc me to, te mach'a ya xch'uun spasel soc teme jich ya yac' ta nopele, muc' me ya x'ilot ta banti ay ta ajwalinel te Dios ta ch'ulchane.

Nehemías 9:13

“Ta patil coat bael ta wits Sinaí. La ac'opon c'alal ta ch'ulchan. La awac'bey chajbanbil c'opetic te mero stojil aye, mero smelelil nopjibaletic, soc buen lec mandaliletic soc tojtesjibaletic.

Esdras 7:10

Te Esdras ja' mero xchapoj ta yo'tan te ya snop soc te ya spas te bila ya yal te mandaliletic yu'un te Cajwaltique, soc te ya yac'bey snopic te israeletic te mandaliletic soc te sc'op yaloj te Cajwaltique.

Éxodo 34:1

Te Cajwaltic, jich la yalbey te Moisese: —Waluya atuquel te cha'pejch' tonetic, ja' me ya apaj soc te bit'il ay ta neelale, swenta yu'un ya me jcha'ts'ibuy tey a te c'opetic ay ta sbabial tonetic te la awuye.

Deuteronomio 5:31

Yan te ja'ate ya me xjilotic li'to, ya me calbat awaiy spisil ta jchajp te mandaliletic cu'un soc te bitic chapale, swenta yu'un ya me awac'bey snopic, soc ya me spasic bael spisil ora ta lumq'uinal te ya cac'bey yu'uninique”, xi' te Cajwaltique.

1 Reyes 19:11

Te Cajwaltic jich albot yu'un: —Loc'an tel ta fuera, tey xatejc'an aba ta jtojol, ta sba te witse —xi' sc'oplal. Ja' nix yorail a c'ax te Cajwaltique. Tal mero tulan ic' soc buen tulan yip te la swuy te witstiquile soc wuy te tonetic ta stojol Cajwaltic, pero te Cajwaltic ma ba tey ay a ta iq'ue. C'alal c'axix a te iq'ue, tal nijq'uel, pero ja' nix jich ma ba tey ay a te Cajwaltic ta nijq'uele.

Éxodo 19:3

Tey mo bael a te Moisés, tey ba sta sba soc a te Diose, yu'un c'alal ta wits ic'ot moel yu'un te Cajwaltique, jich la yal: —Albeya te alumal te sts'umbal Jacob, ja' te israeletique:

Éxodo 32:1

Ja'uc me to, c'alal la yil te israeletic te ma ba coj tel ta wits ta ora te Moisés, la stsob sbaic tel ta stojol Aarón, jich la yalbeyic: —Jajch'an, pasbotic diosetic cu'untic te ya xneelaj bael cu'untic, melel te Moisés te la sloq'uesotic tel ta Egipto ma jna'tic bila la spas —xiic.

Nehemías 9:14

La awac'bey snopic te ya scanantaybat te ch'ul c'aal yu'un cux-o'tane. La apas ta mandal, soc la awac'bey mero melel nopjibaletic, mandaliletic soc p'ijubtesel ta swenta te awabat Moisés.

Salmos 19:12

¿Ay bal mach'a ya sna' te bitic falta yu'une? Te faltaetic cu'un te jnac'oje, pasbon perdón, Cajwal.